FIFA World Cup : ਸਵੀਡਨ ਨੇ ਮੈਕਸੀਕੋ ਨੂੰ 3-0 ਨਾਲ ਹਰਾਇਆ

ਯੇਕਾਤੇਰਿਨਬਰਗ— ਮੈਕਸੀਕੋ ਅਤੇ ਸਵੀਡਨ ਵਿਚਾਲੇ ਨਾਕਆਊਟ ਦੌਰ ਲਈ ਖੇਡੇ ਗਏ ਮਹੱਤਵਪੂਰਨ ਮੈਚ ਦੌਰਾਨ ਸਵੀਡਨ ਨੇ 3-0 ਨਾਲ ਜਿੱਤ ਦਰਜ ਕੀਤੀ। ਦੋਵੇਂ ਟੀਮਾਂ ਪਹਿਲੇ ਹਾਫ ਤੱਕ ਬਿਨਾਂ ਕਿਸੇ ਗੋਲ ਦੇ ਵਾਪਸ ਪਰਤੀਆਂ ਸਨ ਪਰ ਸਵੀਡਨ ਨੇ ਮੈਚ ਦੇ ਦੂਸਰੇ ਹਾਫ ਵਿਚ ਵਧੀਆ ਖੇਡ ਦਾ ਪ੍ਰਦਰਸ਼ਨ ਕਰਦੇ ਹੋਏ ਤਾਬੜਤੋੜ ਹਮਲੇ ਕੀਤੇ।

ਸਵੀਡਨ ਵੱਲੋਂ ਪਹਿਲਾ ਗੋਲ ਲੁਡਵਿਗ ਆਗਸਟੀਸਨ ਨੇ 50ਵੇਂ ਮਿੰਟ ਵਿਚ ਕੀਤਾ। ਇਸ ਦੇ 12 ਮਿੰਟ ਬਾਅਦ ਹੀ ਐਂਡ੍ਰੀਆਸ ਗ੍ਰੇਨਕ੍ਰਿਸਟ ਨੇ ਪੈਨਲਟੀ ਨੂੰ ਗੋਲ ਵਿਚ ਬਦਲ ਕੇ ਸਵੀਡਨ ਨੂੰ 2-0 ਨਾਲ ਬੜ੍ਹਤ ਦੁਆ ਦਿੱਤੀ।

ਐਂਡ੍ਰਿਆਸ ਵੱਲੋਂ ਲਈ ਗਈ ਪੈਨਲਟੀ ਵਿਸ਼ਵ ਕੱਪ ਦੀ 18ਵੀਂ ਸਫਲ ਪੈਨਲਟੀ ਸੀ। ਇਸ ਤੋਂ ਪਹਿਲਾਂ ਫੀਫਾ ਦੇ ਇਤਿਹਾਸ ਵਿਚ ਕਦੇ ਵੀ 17 ਸਫਲ ਪੈਨਲਟੀ ਨਹੀਂ ਹੋਈਆਂ ਸਨ।

ਮੈਚ ਦਾ ਤੀਸਰਾ ਗੋਲ ਮੈਕਸੀਕੋ ਦੇ ਖਿਡਾਰੀ ਐਡੀਸਨ ਅਲਵਾਰੇਜ ਦਾ ਆਤਮਘਾਤੀ ਗੋਲ ਰਿਹਾ। ਸਵੀਡਨ ਦੀ ਹਮਲਾਵਰ ਖੇਡ ਰੋਕਦੇ ਹੋਏ ਐਡੀਸਨ ਬਾਲ ਵਿਚੋਂ ਖੁਦ ਨੂੰ ਹਟਾ ਨਹੀਂ ਸਕਿਆ, ਜਿਸ ਦਾ ਨਤੀਜਾ ਆਤਮਘਾਤੀ ਗੋਲ ਦੇ ਰੂਪ ਵਿਚ ਸਾਹਮਣੇ ਆਇਆ। ਜੇਕਰ ਮੈਚ ਦੌਰਾਨ ਸਵੀਡਨ ਹਾਰ ਜਾਂਦੀ ਜਾਂ ਡਰਾਅ ਖੇਡਿਆ ਜਾਂਦਾ ਤਾਂ ਜਰਮਨੀ ਵਿਸ਼ਵ ਕੱਪ 'ਚੋਂ ਬਾਹਰ ਹੋ ਸਕਦਾ ਸੀ ਪਰ ਕਿਉਂਕਿ ਜਰਮਨੀ ਸਾਊਥ ਕੋਰੀਆ ਕੋਲੋਂ ਗਰੁੱਪ ਮੈਚ ਵਿਚ ਹੀ ਹਾਰ ਗਿਆ ਤਾਂ ਇਸ ਤਰ੍ਹਾਂ ਸਵੀਡਨ ਦੇ ਨਾਲ ਮੈਕਸੀਕੋ ਵੀ ਆਖਰੀ-16 ਵਿਚ ਜਗ੍ਹਾ ਬਣਾਉਣ ਵਿਚ ਸਫਲ ਰਿਹਾ। ਆਖਰੀ-16 ਵਿਚ ਜਗ੍ਹਾ ਬਣਾਉਣ ਵਿਚ ਸਫਲ ਰਿਹਾ। ਮੈਚ ਦੌਰਾਨ ਮੈਕਸੀਕੋ ਕੋਲ ਐਕੂਰੇਸੀ 82 ਫੀਸਦੀ ਰਹੀ ਪਰ ਉਹ ਫਿਰ ਵੀ ਸਵੀਡਨ ਨੂੰ ਹਰਾ ਨਹੀਂ ਸਕਿਆ।