ਪੰਜਾਬ 'ਚ 3-3 ਸਰਕਾਰੀ ਛੁੱਟੀਆਂ! ਬੰਦ ਰਹਿਣਗੇ ਸਕੂਲ-ਕਾਲਜ ਤੇ ਦਫ਼ਤਰ, ਨੋਟ ਕਰੋ ਲੰਬੇ WEEKEND

ਚੰਡੀਗੜ੍ਹ : ਨਵੇਂ ਸਾਲ 'ਚ ਪੰਜਾਬੀਆਂ ਦੀਆਂ ਮੌਜਾਂ ਲੱਗਣ ਵਾਲੀਆਂ ਹਨ ਕਿਉਂਕਿ ਇਸ ਸਾਲ 11 ਲੰਬੇ ਵੀਕੈਂਡ ਆ ਰਹੇ ਹਨ ਅਤੇ ਸਕੂਲਾਂ-ਕਾਲਜਾਂ ਦੇ ਨਾਲ ਹੀ ਦਫ਼ਤਰਾਂ 'ਚ ਲਗਾਤਾਰ 3-3 ਸਰਕਾਰੀ ਛੁੱਟੀਆਂ ਰਹਿਣਗੀਆਂ। ਇਨ੍ਹਾਂ ਲੰਬੇ ਵੀਕੈਂਡਾਂ ਕਾਰਨ ਸਰਕਾਰੀ ਮੁਲਾਜ਼ਮਾਂ, ਵਿਦਿਆਰਥੀਆਂ ਅਤੇ ਮਾਪਿਆਂ ਦੀਆਂ ਮੌਜਾਂ ਲੱਗਣ ਵਾਲੀਆਂ ਹਨ। ਇਸ ਵਾਰ 6 ਤਿਉਹਾਰ ਸ਼ੁੱਕਰਵਾਰ ਅਤੇ 5 ਸੋਮਵਾਰ ਨੂੰ ਪੈ ਰਹੇ ਹਨ। ਇਸ ਕਾਰਨ ਸ਼ਨੀਵਾਰ ਅਤੇ ਐਤਵਾਰ ਮਿਲਾ ਕੇ ਲੰਬੇ ਵੀਕੈਂਡ ਵਾਲੀ ਸਥਿਤੀ ਬਣੇਗੀ।

ਇਹ ਵੀ ਪੜ੍ਹੋ : ਪੰਜਾਬ ਦੇ ਇਨ੍ਹਾਂ ਵਾਹਨ ਚਾਲਕਾਂ ਲਈ ਬੁਰੀ ਖ਼ਬਰ! ਹੋ ਜਾਣ ਸਾਵਧਾਨ, ਡਰਾਈਵਿੰਗ ਲਾਇਸੈਂਸ ਹੋ ਜਾਵੇਗਾ...
ਪੰਜਾਬ 'ਚ 11 ਲੰਬੇ ਵੀਕੈਂਡ, ਨਵੰਬਰ 'ਚ ਲਗਾਤਾਰ 4 ਛੁੱਟੀਆਂ
ਜਨਵਰੀ ਮਹੀਨੇ 26 ਜਨਵਰੀ ਗਣਤੰਤਰ ਦਿਹਾੜਾ ਸੋਮਵਾਰ ਨੂੰ ਆ ਰਿਹਾ ਹੈ। ਅਜਿਹੇ 'ਚ 24 ਜਨਵਰੀ ਸ਼ਨੀਵਾਰ ਅਤੇ 25 ਜਨਵਰੀ ਐਤਵਾਰ ਨੂੰ ਮਿਲਾ ਕੇ ਲਗਾਤਾਰ 3 ਦਿਨ ਦੀ ਛੁੱਟੀ ਰਹੇਗੀ। 
23 ਮਾਰਚ ਸੋਮਵਾਰ ਨੂੰ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦਾ ਸ਼ਹੀਦੀ ਦਿਹਾੜਾ ਹੈ। 21 ਮਾਰਚ ਸ਼ਨੀਵਾਰ ਅਤੇ 22 ਮਾਰਚ ਐਤਵਾਰ ਮਿਲਾ ਕੇ 3 ਦਿਨ ਦੀ ਛੁੱਟੀ ਬਣੇਗੀ।
3 ਅਪ੍ਰੈਲ ਸ਼ੁੱਕਰਵਾਰ ਨੂੰ ਗੁੱਡ ਫਰਾਈਡੇ ਹੈ। ਇਸ ਤੋਂ ਬਾਅਦ 4 ਅਪ੍ਰੈਲ ਸ਼ਨੀਵਾਰ ਅਤੇ 5 ਅਪ੍ਰੈਲ ਐਤਵਾਰ ਆ ਰਿਹਾ ਹੈ। 
29 ਜੂਨ (ਸੋਮਵਾਰ) ਨੂੰ ਕਬੀਰ ਜੈਯੰਤੀ, 27 ਜੂਨ ਸ਼ਨੀਵਾਰ ਅਤੇ 28 ਜੂਨ ਨੂੰ ਐਤਵਾਰ ਦੀ ਛੁੱਟੀ ਰਹੇਗੀ। 
31 ਜੁਲਾਈ (ਸ਼ੁੱਕਰਵਾਰ) ਨੂੰ ਸ਼ਹੀਦ ਊਧਮ ਸਿੰਘ ਜੈਯੰਤੀ ਹੈ। ਇਸ ਤੋਂ ਬਾਅਦ ਇਕ ਅਗਸਤ (ਸ਼ਨੀਵਾਰ) ਅਤੇ 2 ਅਗਸਤ ਐਤਵਾਰ ਮਿਲਾ ਕੇ ਲਗਾਤਾਰ 3 ਛੁੱਟੀਆਂ ਰਹਿਣਗੀਆਂ।
4 ਸਤੰਬਰ (ਸ਼ੁੱਕਰਵਾਰ) ਨੂੰ ਜਨਮਅਸ਼ਟਮੀ ਦੀ ਛੁੱਟੀ ਹੈ। 5 ਸਤੰਬਰ ਸ਼ਨੀਵਾਰ ਅਤੇ 6 ਸਤੰਬਰ ਐਤਵਾਰ ਨੂੰ ਲਗਾਤਾਰ ਸਰਕਾਰੀ ਛੁੱਟੀ ਰਹੇਗੀ। 

ਇਹ ਵੀ ਪੜ੍ਹੋ : ਮੋਹਾਲੀ ਜ਼ਿਲ੍ਹੇ ਦੇ ਇਨ੍ਹਾਂ ਡਿਫ਼ਾਲਟਰਾਂ ਖ਼ਿਲਾਫ਼ ਵੱਡੀ ਕਾਰਵਾਈ ਦੀ ਤਿਆਰੀ, ਮਿਲਿਆਂ 3 ਦਿਨਾਂ ਦਾ ਆਖ਼ਰੀ ਮੌਕਾ
2 ਅਕਤੂਬਰ (ਸ਼ੁੱਕਰਵਾਰ) ਨੂੰ ਗਾਂਧੀ ਜੈਯੰਤੀ ਦੀ ਛੁੱਟੀ ਹੈ। 3 ਅਕਤੂਬਰ ਸ਼ਨੀਵਾਰ ਅਤੇ 4 ਅਕਤੂਬਰ ਐਤਵਾਰ ਨੂੰ ਲਗਾਤਾਰ 3 ਦਿਨ ਦੀ ਛੁੱਟੀ ਰਹੇਗੀ। 26 ਅਕਤੂਬਰ (ਸੋਮਵਾਰ) ਨੂੰ ਵਾਲਮੀਕ ਜੈਯੰਤੀ ਦੀ ਛੁੱਟੀ ਰਹੇਗੀ। ਇਸ ਤੋਂ ਪਹਿਲਾਂ 24 ਅਕਤੂਬਰ ਸ਼ਨੀਵਾਰ ਅਤੇ 25 ਅਕਤੂਬਰ ਨੂੰ ਐਤਵਾਰ ਦੀ ਛੁੱਟੀ ਰਹੇਗੀ। 
8 ਨਵੰਬਰ (ਐਤਵਾਰ) ਨੂੰ ਦੀਵਾਲੀ ਦਾ ਤਿਉਹਾਰ ਹੈ ਅਤੇ 9 ਨਵੰਬਰ (ਸੋਮਵਾਰ) ਨੂੰ ਵਿਸ਼ਵਕਰਮਾ ਡੇਅ ਹੈ। ਇਸ ਤੋਂ ਪਹਿਲਾਂ 7 ਨਵੰਬਰ (ਸ਼ਨੀਵਾਰ) ਦੀ ਛੁੱਟੀ ਨਾਲ ਕੁੱਲ 3 ਛੁੱਟੀਆਂ ਆ ਰਹੀਆਂ ਹਨ। ਨਵੰਬਰ ਮਹੀਨੇ ਹੀ 16 ਨਵੰਬਰ (ਸੋਮਵਾਰ) ਨੂੰ ਕਰਤਾਰ ਸਿੰਘ ਸਰਾਭਾ ਦਾ ਸ਼ਹੀਦੀ ਦਿਹਾੜਾ ਹੈ। ਇਸ ਤੋਂ ਪਹਿਲਾਂ 14 ਨਵੰਬਰ ਸ਼ਨੀਵਾਰ ਅਤੇ 15 ਨਵੰਬਰ ਐਤਵਾਰ ਦੀ ਛੁੱਟੀ ਰਹੇਗੀ। 
ਸਾਲ ਦੇ ਅਖ਼ੀਰ 'ਚ 25 ਦਸੰਬਰ (ਸ਼ੁੱਕਰਵਾਰ) ਨੂੰ ਕ੍ਰਿਸਮਮ ਦੀ ਛੁੱਟੀ ਰਹੇਗੀ। ਇਸ ਤੋਂ ਬਾਅਦ 26 ਦਸੰਬਰ ਸ਼ਨੀਵਾਰ ਅਤੇ 27 ਦਸੰਬਰ ਐਤਵਾਰ ਦੇ ਨਾਲ 28 ਦਸੰਬਰ (ਸੋਮਵਾਰ) ਨੂੰ ਸ਼ਹੀਦੀ ਸਭਾ ਦੀ ਛੁੱਟੀ ਮਿਲਾ ਕੇ ਕੁੱਲ 4 ਦਿਨਾਂ ਦੀ ਸਰਕਾਰੀ ਛੁੱਟੀ ਰਹੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8