ਚਲਦੇ ਮੈਚ ''ਚ ਤੇਜ਼ ਗੇਂਦਬਾਜ਼ ਦੇ ਲੱਗੀ ਗੰਭੀਰ ਸੱਟ ! ਸਟ੍ਰੈਚਰ ''ਤੇ ਚੁੱਕ ਕੇ ਮੈਦਾਨ ਤੋਂ ਲਿਜਾਣਾ ਪਿਆ ਬਾਹਰ

ਸਪੋਰਟਸ ਡੈਸਕ : ਪਾਕਿਸਤਾਨ ਤੇ ਬੰਗਲਾਦੇਸ਼ ਵਿਚਾਲੇ ਖੇਡੇ ਜਾ ਰਹੇ ਦੂਜੇ ਟੈਸਟ ਮੈਚ ਦੇ ਪਹਿਲੇ ਦਿਨ ਉਸ ਸਮੇਂ ਇਕ ਡਰਾਉਣਾ ਹਾਦਸਾ ਵਾਪਰਿਆ, ਜਦੋਂ ਪਾਕਿਸਤਾਨ ਦੇ ਤੇਜ਼ ਗੇਂਦਬਾਜ਼ ਹਸਨ ਅਲੀ ਕੈਚ ਫੜਨ ਦੀ ਕੋਸ਼ਿਸ਼ 'ਚ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਏ। ਇਹ ਘਟਨਾ ਸਵੇਰ ਦੇ ਸੈਸ਼ਨ ਵਿੱਚ ਅੱਠਵੇਂ ਓਵਰ ਦੌਰਾਨ ਵਾਪਰੀ, ਜਦੋਂ ਬੰਗਲਾਦੇਸ਼ੀ ਬੱਲੇਬਾਜ਼ ਤੰਜੀਦ ਹਸਨ ਦੀ ਗੇਂਦ 'ਤੇ ਕੈਚ ਲੈਣ ਲਈ ਹਸਨ ਅਲੀ ਨੇ ਆਪਣੇ ਫਾਲੋ-ਥਰੂ ਵਿੱਚ ਡਾਈਵ ਲਗਾਈ।

ਡਾਈਵ ਲਗਾਉਂਦੇ ਸਮੇਂ ਹਸਨ ਅਲੀ ਦਾ ਸੰਤੁਲਨ ਵਿਗੜ ਗਿਆ ਅਤੇ ਉਨ੍ਹਾਂ ਦਾ ਸਿਰ ਜ਼ਮੀਨ (ਟਫ) ਨਾਲ ਜ਼ੋਰਦਾਰ ਤਰੀਕੇ ਨਾਲ ਟਕਰਾਇਆ। ਚੋਟ ਲੱਗਣ ਤੋਂ ਬਾਅਦ ਉਹ ਕੁਝ ਦੇਰ ਮੈਦਾਨ 'ਤੇ ਹੀ ਪਏ ਰਹੇ ਅਤੇ ਦਰਦ ਨਾਲ ਕਰਾਹੁੰਦੇ ਨਜ਼ਰ ਆਏ। ਪਾਕਿਸਤਾਨੀ ਮੈਡੀਕਲ ਟੀਮ ਨੇ ਤੁਰੰਤ ਮੈਦਾਨ 'ਤੇ ਪਹੁੰਚ ਕੇ ਉਨ੍ਹਾਂ ਦੀ ਜਾਂਚ ਕੀਤੀ ਅਤੇ ਸਥਿਤੀ ਗੰਭੀਰ ਦੇਖਦਿਆਂ ਉਨ੍ਹਾਂ ਨੂੰ ਸਟ੍ਰੈਚਰ ਰਾਹੀਂ ਮੈਦਾਨ ਤੋਂ ਬਾਹਰ ਲਿਜਾਇਆ ਗਿਆ।

The moment when Hasan Ali got injured.

Prayers for him, May Allah bless him with
Speedy recovery ❤️‍🩹 pic.twitter.com/hr54yEAZ0e

— Amir (@Khanu_3) May 16, 2026

ਮੈਦਾਨ 'ਤੇ ਹਸਨ ਅਲੀ ਦੇ 'ਕੰਕਸ਼ਨ ਸਬਸਟੀਟਿਊਟ' (ਸਿਰ ਦੀ ਸੱਟ ਕਾਰਨ ਬਦਲਵਾਂ ਖਿਡਾਰੀ) ਨੂੰ ਲੈ ਕੇ ਵੀ ਚਰਚਾ ਸ਼ੁਰੂ ਹੋ ਗਈ ਸੀ, ਜਿਸ ਲਈ ਸ਼ਾਹੀਨ ਸ਼ਾਹ ਅਫਰੀਦੀ ਜਾਂ ਨੋਮਾਨ ਅਲੀ ਦੇ ਨਾਵਾਂ 'ਤੇ ਵਿਚਾਰ ਕੀਤਾ ਜਾ ਰਿਹਾ ਸੀ। ਹਾਲਾਂਕਿ, ਪਾਕਿਸਤਾਨੀ ਪ੍ਰਸ਼ੰਸਕਾਂ ਲਈ ਰਾਹਤ ਦੀ ਖਬਰ ਇਹ ਰਹੀ ਕਿ ਹਸਨ ਅਲੀ 15ਵੇਂ ਓਵਰ ਤੋਂ ਬਾਅਦ ਦੁਬਾਰਾ ਮੈਦਾਨ ਵਿੱਚ ਵਾਪਸ ਆ ਗਏ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e