RCB ਦੇ ਕਪਤਾਨ ਰਜਤ ਪਾਟੀਦਾਰ ਦੀ ਵਾਪਸੀ; SRH ਖਿਲਾਫ ਲੀਗ ਦੇ ਆਖਰੀ ਮੈਚ ਲਈ ਪੂਰੀ ਤਰ੍ਹਾਂ ਤਿਆਰ

ਸਪੋਰਟਸ ਡੈਸਕ : ਡਿਫੈਂਡਿੰਗ ਚੈਂਪੀਅਨ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਲਈ ਇੱਕ ਵੱਡੀ ਰਾਹਤ ਦੀ ਖਬਰ ਸਾਹਮਣੇ ਆਈ ਹੈ। ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਦੇ ਖਿਲਾਫ ਲੀਗ ਪੜਾਅ ਦੇ ਆਖਰੀ ਮੈਚ ਤੋਂ ਪਹਿਲਾਂ ਟੀਮ ਦੇ ਕ੍ਰਿਕਟ ਡਾਇਰੈਕਟਰ ਮੋ ਬੋਬਾਟ ਨੇ ਪੁਸ਼ਟੀ ਕੀਤੀ ਹੈ ਕਿ ਕਪਤਾਨ ਰਜਤ ਪਾਟੀਦਾਰ ਖੇਡਣ ਲਈ ਪੂਰੀ ਤਰ੍ਹਾਂ ਤਿਆਰ ਹਨ।
ਜ਼ਿਕਰਯੋਗ ਹੈ ਕਿ ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਵਿਰੁੱਧ ਮੈਚ ਦੌਰਾਨ ਹੈਲਮੇਟ 'ਤੇ ਗੇਂਦ ਲੱਗਣ ਕਾਰਨ ਪਾਟੀਦਾਰ ਦੇ ਸਿਰ 'ਚ ਸੱਟ ਲੱਗ ਗਈ ਸੀ। ਸੁਰੱਖਿਆ ਪ੍ਰੋਟੋਕੋਲ ਦੇ ਤਹਿਤ ਉਨ੍ਹਾਂ ਨੂੰ ਪੰਜਾਬ ਕਿੰਗਜ਼ (PBKS) ਖਿਲਾਫ ਮੈਚ ਤੋਂ ਆਰਾਮ ਦਿੱਤਾ ਗਿਆ ਸੀ, ਜਿਸ ਵਿੱਚ ਜਿਤੇਸ਼ ਸ਼ਰਮਾ ਨੇ ਟੀਮ ਦੀ ਕਮਾਨ ਸੰਭਾਲੀ ਸੀ। ਬੋਬਾਟ ਨੇ ਦੱਸਿਆ ਕਿ ਟੀਮ ਨੇ ਪਾਟੀਦਾਰ ਦੀ ਸਿਹਤ ਨੂੰ ਲੈ ਕੇ ਕੋਈ ਜੋਖਮ ਨਹੀਂ ਲਿਆ, ਪਰ ਹੁਣ ਉਹ ਅਭਿਆਸ ਕਰ ਰਹੇ ਹਨ ਅਤੇ ਮੈਦਾਨ ਵਿੱਚ ਉਤਰਨ ਲਈ ਫਿੱਟ ਹਨ।
RCB ਅਤੇ SRH ਦੋਵਾਂ ਟੀਮਾਂ ਨੇ ਪਹਿਲਾਂ ਹੀ ਪਲੇਆਫ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। RCB ਦੀ ਕੋਸ਼ਿਸ਼ ਇਸ ਮੈਚ ਨੂੰ ਜਿੱਤ ਕੇ ਲੀਗ ਪੜਾਅ ਦਾ ਅੰਤ ਟਾਪ ਪੁਜੀਸ਼ਨ 'ਤੇ ਕਰਨ ਦੀ ਹੋਵੇਗੀ। ਮੋ ਬੋਬਾਟ ਨੇ ਵਿਰੋਧੀ ਟੀਮ ਦੇ ਤੇਜ਼ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ ਦੀ ਵੀ ਤਾਰੀਫ ਕੀਤੀ, ਜੋ 24 ਵਿਕਟਾਂ ਨਾਲ ਇਸ ਸਮੇਂ 'ਪਰਪਲ ਕੈਪ' ਦੇ ਮਾਲਕ ਹਨ। ਬੋਬਾਟ ਅਨੁਸਾਰ ਟੀਮ ਕਿਸੇ ਇਤਿਹਾਸ ਜਾਂ ਰਿਕਾਰਡ ਦੇ ਦਬਾਅ ਵਿੱਚ ਆਉਣ ਦੀ ਬਜਾਏ ਸਿਰਫ ਅਗਲੇ ਮੈਚ ਅਤੇ ਆਪਣੀ ਰਣਨੀਤੀ 'ਤੇ ਧਿਆਨ ਕੇਂਦਰਿਤ ਕਰ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e