ਇਟਾਲੀਅਨ ਓਪਨ ਗੋਲਫ ''ਚ ਦੀਕਸ਼ਾ ਸੰਯੁਕਤ ਛੇਵੇਂ ਸਥਾਨ ''ਤੇ ਰਹੀ

ਰੋਮ, (ਭਾਸ਼ਾ) ਭਾਰਤੀ ਗੋਲਫਰ ਦੀਕਸ਼ਾ ਡਾਗਰ ਤੀਜੇ ਅਤੇ ਆਖਰੀ ਰਾਊਂਡ ਵਿਚ 71 ਦਾ ਕਾਰਡ ਖੇਡ ਕੇ ਲੇਡੀਜ਼ ਇਟਾਲੀਅਨ ਓਪਨ ਵਿਚ ਸੰਯੁਕਤ ਛੇਵੇਂ ਸਥਾਨ 'ਤੇ ਰਹੀ। ਮੌਜੂਦਾ ਸੀਜ਼ਨ ਵਿੱਚ ਇਹ ਤੀਜੀ ਵਾਰ ਹੈ ਜਦੋਂ ਦੀਕਸ਼ਾ ਨੇ ਸਿਖਰਲੇ 10 ਵਿੱਚ ਆਪਣੀ ਮੁਹਿੰਮ ਪੂਰੀ ਕੀਤੀ ਹੈ। ਉਸਨੇ ਤੀਜੇ ਦੌਰ ਵਿੱਚ ਦੋ ਬਰਡੀਜ਼ ਦੇ ਖਿਲਾਫ ਇੱਕ ਬੋਗੀ ਕੀਤੀ, ਜਿਸ ਨਾਲ ਉਸਦਾ ਕੁੱਲ ਸਕੋਰ ਛੇ ਅੰਡਰ 210 ਹੋ ਗਿਆ। ਕੱਟ 'ਚ ਜਗ੍ਹਾ ਬਣਾਉਣ ਵਾਲੀਆਂ ਹੋਰ ਭਾਰਤੀ ਖਿਡਾਰੀਆਂ ਵਿੱਚ, ਪ੍ਰਣਵੀ ਉਰਸ 72 ਦੇ ਕਾਰਡ ਨਾਲ 19ਵੇਂ ਸਥਾਨ 'ਤੇ ਰਹੀ ਜਦਕਿ ਤਵੇਸਾ ਮਲਿਕ 73 ਦੇ ਕਾਰਡ ਨਾਲ 41ਵੇਂ ਸਥਾਨ 'ਤੇ ਰਹੀ। ਦੀਕਸ਼ਾ ਇਸ ਮੁਕਾਬਲੇ ਦੀ ਜੇਤੂ ਐਮੀ ਟੇਲਰ (69) ਤੋਂ ਚਾਰ ਸ਼ਾਟ ਪਿੱਛੇ ਸੀ।