ਸੋਚਿਆ ਨਹੀਂ ਸੀ ਕਿ ਮੈਂ ਇੰਨੇ ਸੈਂਕੜੇ ਅਤੇ ਦੌੜਾਂ ਬਣਾਵਾਂਗਾ: ਕੋਹਲੀ

ਨਵੀਂ ਦਿੱਲੀ, (ਭਾਸ਼ਾ)- ਭਾਰਤ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਜੋ ਕਿ ਸਚਿਨ ਤੇਂਦੁਲਕਰ ਦੇ ਵਨਡੇ ਸੈਂਕੜਿਆਂ ਦੇ ਰਿਕਾਰਡ ਦੀ ਬਰਾਬਰੀ ਕਰਨ ਦੀ ਕਗਾਰ 'ਤੇ ਹਨ, ਨੇ ਮੰਗਲਵਾਰ ਨੂੰ ਕਿਹਾ ਕਿ ਜਦੋਂ ਉਸ ਨੇ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ ਉਦੋਂ ਉਸਨੇ ਇੰਨੀਆਂ ਦੌੜਾਂ ਅਤੇ ਸੈਂਕੜੇ ਬਣਾਉਣ ਬਾਰੇ ਕਦੇ ਨਹੀਂ ਸੋਚਿਆ ਸੀ। ਕੋਹਲੀ ਚੱਲ ਰਹੇ ਵਨਡੇ ਵਿਸ਼ਵ ਕੱਪ ਵਿੱਚ ਚੰਗੀ ਫਾਰਮ ਵਿੱਚ ਹੈ ਅਤੇ ਛੇ ਮੈਚਾਂ ਵਿੱਚ ਇੱਕ ਸੈਂਕੜਾ ਅਤੇ ਤਿੰਨ ਅਰਧ ਸੈਂਕੜੇ ਜੜੇ ਹਨ। ਉਸਨੇ 19 ਅਕਤੂਬਰ ਨੂੰ ਪੁਣੇ ਵਿੱਚ ਬੰਗਲਾਦੇਸ਼ ਦੇ ਖਿਲਾਫ ਅਜੇਤੂ 103 ਦੌੜਾਂ ਬਣਾ ਕੇ ਆਪਣਾ 48ਵਾਂ ਵਨਡੇ ਸੈਂਕੜਾ ਲਗਾਇਆ ਅਤੇ ਹੁਣ ਤੇਂਦੁਲਕਰ ਦੇ ਵਿਸ਼ਵ ਰਿਕਾਰਡ ਦੀ ਬਰਾਬਰੀ ਕਰਨ ਤੋਂ ਸਿਰਫ਼ ਇੱਕ ਸੈਂਕੜਾ ਦੂਰ ਹੈ। 

ਇਹ ਵੀ ਪੜ੍ਹੋ : ਸੁਣਿਆ ਸੀ - ਮੇਰਾ ਕਰੀਅਰ ਖਤਮ ਹੋ ਗਿਆ ਹੈ - ਟ੍ਰੋਲਰਾਂ ਨੂੰ ਜਸਪ੍ਰੀਤ ਬੁਮਰਾਹ ਨੇ ਦਿੱਤਾ ਕਰਾਰਾ ਜਵਾਬ

ਕੋਹਲੀ ਨੇ 'ਸਟਾਰ ਸਪੋਰਟਸ' ਨੂੰ ਕਿਹਾ, ''ਜੇਕਰ ਅਸੀਂ ਕ੍ਰਿਕਟ ਦੀ ਗੱਲ ਕਰੀਏ ਤਾਂ ਮੈਂ ਕਦੇ ਵੀ ਇੰਨਾ ਕੁਝ ਹਾਸਲ ਕਰਨ ਬਾਰੇ ਨਹੀਂ ਸੋਚਿਆ ਸੀ, ਜਿਵੇਂ ਕਿ ਮੇਰਾ ਕਰੀਅਰ ਕਿੱਥੇ ਹੈ ਅਤੇ ਰੱਬ ਨੇ ਮੈਨੂੰ ਅਜਿਹਾ ਕਰੀਅਰ ਅਤੇ ਪ੍ਰਦਰਸ਼ਨ ਦਿੱਤਾ ਹੈ।'' ਕੋਹਲੀ ਨੇ ਕਿਹਾ, ''ਮੈਂ ਹਮੇਸ਼ਾ ਸੁਪਨਾ ਦੇਖਿਆ ਸੀ ਕਿ ਮੈਂ ਅਜਿਹਾ ਕਰਾਂਗਾ। ਇਹ ਪਰ ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਚੀਜ਼ਾਂ ਇਸ ਤਰ੍ਹਾਂ ਹੋ ਜਾਣਗੀਆਂ। ਕੋਈ ਵੀ ਇਨ੍ਹਾਂ ਚੀਜ਼ਾਂ ਦੀ ਯੋਜਨਾ ਨਹੀਂ ਬਣਾ ਸਕਦਾ, ਤੁਹਾਡਾ ਸਫ਼ਰ ਕਿਵੇਂ ਹੋਵੇਗਾ ਅਤੇ ਤੁਹਾਡੇ ਸਾਹਮਣੇ ਚੀਜ਼ਾਂ ਕਿਵੇਂ ਹੋਣਗੀਆਂ।'' 

ਕੋਹਲੀ ਨੇ ਕਿਹਾ, ''ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਇਨ੍ਹਾਂ 12 ਸਾਲਾਂ 'ਚ ਮੈਂ ਇੰਨੇ ਸੈਂਕੜੇ ਅਤੇ ਇੰਨੀਆਂ ਦੌੜਾਂ ਬਣਾਵਾਂਗਾ।'' ਕੋਹਲੀ ਨੇ ਕਿਹਾ ਕਿ ਉਸ ਨੂੰ ਆਪਣਾ 'ਅਨੁਸ਼ਾਸਨ ਅਤੇ ਜੀਵਨਸ਼ੈਲੀ' ਬਦਲਣਾ ਪਿਆ ਕਿਉਂਕਿ ਉਸ ਨੇ ਆਪਣੇ ਕਰੀਅਰ 'ਚ ਅਜਿਹੇ ਸਮੇਂ ਦੇਖਿਆ ਸੀ ਕਿ ਉਹ ਪੇਸ਼ੇਵਰਤਾ ਦੇ ਮਾਮਲੇ 'ਚ ਪਛੜ ਗਿਆ ਸੀ।

ਇਹ ਵੀ ਪੜ੍ਹੋ : CWC 2023 : ਪਾਕਿਸਤਾਨ ਨੇ ਬੰਗਲਾਦੇਸ਼ ਨੂੰ 7 ਵਿਕਟਾਂ ਨਾਲ ਹਰਾਇਆ

ਉਸ ਨੇ ਕਿਹਾ, ''ਮੇਰਾ ਇਕਮਾਤਰ ਧਿਆਨ ਟੀਮ ਲਈ ਚੰਗਾ ਪ੍ਰਦਰਸ਼ਨ ਕਰਨਾ ਅਤੇ ਮੁਸ਼ਕਲ ਹਾਲਾਤਾਂ 'ਚ ਮੈਚ ਜਿੱਤਣਾ ਸੀ। ਇਸ ਦੇ ਲਈ ਮੈਂ ਅਨੁਸ਼ਾਸਨ ਅਤੇ ਜੀਵਨਸ਼ੈਲੀ ਦੇ ਲਿਹਾਜ਼ ਨਾਲ ਕਾਫੀ ਬਦਲਾਅ ਕੀਤੇ ਹਨ। 2008 'ਚ ਭਾਰਤ ਲਈ ਡੈਬਿਊ ਕਰਨ ਵਾਲੇ ਕੋਹਲੀ ਨੇ ਕਿਹਾ, ''ਮੇਰੇ ਕੋਲ ਹਮੇਸ਼ਾ ਪ੍ਰੇਰਣਾ ਸੀ ਪਰ ਪੇਸ਼ੇਵਰਤਾ ਦੀ ਕਮੀ ਸੀ। ਹੁਣ ਮੇਰਾ ਪੂਰਾ ਧਿਆਨ ਇਸ ਗੱਲ 'ਤੇ ਹੈ ਕਿ ਮੈਂ ਕਿਸ ਤਰ੍ਹਾਂ ਖੇਡਣਾ ਚਾਹੁੰਦਾ ਹਾਂ ਅਤੇ ਉਸ ਤੋਂ ਬਾਅਦ ਮੈਂ ਜੋ ਨਤੀਜੇ ਹਾਸਲ ਕੀਤੇ ਹਨ, ਉਹ ਉਸ ਨੂੰ ਖੇਡਣ ਨਾਲ ਮਿਲੇ ਹਨ।''

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ