ਕੋਰੋਨਾ ਵਾਇਰਸ ਦੇ ਖੌਫ ਵਿਚਾਲੇ ਦੀਪਿਕਾ ਨੇ ਕੋਹਲੀ ਨੂੰ ਦਿੱਤਾ ਇਕ ਖਾਸ ਚੈਲੇਂਜ, ਦੇਖੋ ਵੀਡੀਓ

ਸਪੋਰਟਸ ਡੈਸਕ— ਵਿਸ਼ਵ ਭਰ ’ਚ ਕੋਰੋਨਾ ਵਾਇਰਸ ਦਾ ਅਸਰ ਬਹੁਤ ਤੇਜੀ ਨਾਲ ਹੋ ਰਿਹਾ ਹੈ। ਇਸ ਵਾਇਰਸ ਦਾ ਕਹਿਰ ਦੁਨੀਆਭਰ 'ਚ ਵੱਧਣ ਕਾਰਨ ਹਰ ਜਗ੍ਹਾ ਸਾਵਧਾਨੀ ਵਰਤੀ ਜਾ ਰਹੀ ਹੈ। ਜਿਸ ਦੇ ਨਾਲ ਹੁਣ ਤਕ ਵਿਸ਼ਵ ’ਚ ਲਗਭਗ 9 ਹਜ਼ਾਰ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਜਦ ਕਿ 2.2 ਲੱਖ ਲੋਕ ਇਸ ਵਾਇਰਸ ਨਾਲ ਪ੍ਰਭਾਵਿਤ ਹਨ। ਇਸ ਵਾਇਰਸ ਤੋਂ ਬਚਾਅ ਨੂੰ ਲੈ ਕੇ ਹੁਣ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਦੀਪਿਕਾ ਪਾਦੂਕੋਣ ਨੇ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੂੰ ਇਕ ਖਾਸ ਚੈਲੇਂਜ ਦਿੱਤਾ ਹੈ।

ਕੋਰੋਨਾ ਵਾਇਰਸ ਤੋਂ ਵੱਡੇ-ਵੱਡੇ ਸੈਲੀਬਿ੍ਰਟੀ ਹੁਣ ਲੋਕਾਂ ਨੂੰ ਬਚਣ ਦੇ ਸਹੀ ਤਰੀਕੇ ਦੱਸ ਰਹੇ ਹਨ। ਜਿਸ ’ਚ ਹੁਣ ਬਾਲੀਵੁੱਡ ਵੀ ਸ਼ਾਮਲ ਹੋ ਗਿਆ ਹੈ। ਹਾਲ ਹੀ ’ਚ ਵਰਲਡ ਹੈਲਥ ਆਰਗੇਨਾਈਜੇਸ਼ਨ ਵੱਲੋਂ ਇਕ ਚੈਲੇਂਜ ਦਿੱਤਾ ਗਿਆ, ਇਸ ਚੈਲੇਂਜ ਦਾ ਨਾਂ #SafeHandschallenge ਹੈ। ਇਹ ਚੈਲੇਂਜ WHO ਦੇ ਡਾਇਰੈਕਟਰ ਜਨਰਲ ਡਾਕਟਰ ਟਿਡਰੋਜ ਵੱਲੋਂ ਦੀਪਿਕਾ ਨੂੰ ਮਿਲਿਆ, ਜਿਸ ਨੂੰ ਸਵੀਕਾਰ ਕਰਦੀ ਹੋਈ ਦੀਪਿਕਾ ਨੇ ਆਪਣੇ ਹੱਥ ਧੋਂਦੇ ਹੋਏ ਦੀ ਸੋਸ਼ਲ ਮੀਡੀਆ ’ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਦੀਪਿਕਾ ਨੇ ਉਸੇ ਅੰਦਾਜ਼ ’ਚ ਲੋਕਾਂ ਨੂੰ ਵੀ ਕੋਰੋਨਾ ਨਾਲ ਲੜਨ ਲਈ ਉਤਸ਼ਾਹਤ ਕੀਤਾ ਹੈ। ਇਸ ਦੌਰਾਨ ਹੁਣ ਉਨ੍ਹਾਂ ਨੇ ਖੇਡ ਦੀ ਦੁਨੀਆ ਦੇ 3 ਦਿੱਗਜ ਖਿਡਾਰੀਆਂ ਨੂੰ ਇਹ ਨੂੰ ਚੈਲੇਂਜ ਕੀਤਾ ਹੈ ਕਿ ਉਹ ਵੀ ਵੀਡੀਓ ਬਣਾ ਕਰ ਲੋਕਾਂ ਨੂੰ ਇੰਝ ਉਤਸ਼ਾਹਤ ਕਰਨ। ਦੀਪਿਕਾ ਨੇ ਟੈਨਿਸ ਦੇ ਦਿੱਗਜ ਰੋਜ਼ਰ ਫੈਰਡਰ, ਫੁੱਟਬਾਲ ਦੇ ਦਿੱਗਜ ਕ੍ਰਿਰਸਟੀਆਨੋ ਰੋਨਾਲਡੋ ਅਤੇ ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦਾ ਨਾਂ ਵੀ ਸ਼ਾਮਲ ਹੈ। ਹੁਣ ਦੇਖਣਾ ਹੋਵੇਗਾ ਕਿ ਕਦੋਂ ਤਕ ਇਹ 3 ਦਿੱਗਜ ਖਿਡਾਰੀ ਇਹ ਚੈਲੇਂਜ ਸਵੀਕਾਰ ਕਰ ਕੇ ਵੀਡੀਓ ਬਣਾ ਕੇ ਲੋਕਾਂ ਨੂੰ ਕੋਰੋਨਾ ਖਿਲਾਫ ਇੰਝ ਬਚਾਅ ਕਰਨ ਲਈ ਉਤਸ਼ਾਹਤ ਕਰਦੇ ਹਨ। 

Thank You @DrTedros, for nominating me for the #SafeHands Challenge!#COVID19 surely is an uphill health and public safety task, but all of us are in this fight together!I further nominate @rogerfederer,@Cristiano and @imVkohli to take up this challenge! #coronavirus #StaySafe https://t.co/45glSxXkqP pic.twitter.com/7s7R4pIrrL

— Deepika Padukone (@deepikapadukone) March 17, 2020

ਫਿਲਹਾਲ ਵਿਰਾਟ ਨੇ ਤਾਂ ਅਜੇ ਤਕ ਵੀਡੀਓ ਬਣ ਕੇ ਸ਼ੇਅਰ ਨਹੀਂ ਕੀਤੀ ਹੈ ਪਰ ਉਨ੍ਹਾਂ ਦੀ ਪਤਨੀ ਅਨੁਸ਼ਕਾ ਸ਼ਰਮਾ ਨੇ ਸੇਫ ਹੈਂਡਸ ਚੈਲੇਂਜ ਲੈਂਦੇ ਹੋਏ ਵੀਡੀਓ ਪੋਸਟ ਕੀਤੀ ਹੈ ਅਤੇ ਲੋਕਾਂ ਨੂੰ ਸਾਫ਼-ਸੁਰੱਖਿਅਤ ਰਹਿਣ ਦੀ ਅਪੀਲ ਕੀਤੀ ਹੈ।