ਜੈਵਿਕ ਰੂਪ ਨਾਲ ਸੁਰੱਖਿਅਤ ਮਾਹੌਲ ''ਚ ਜ਼ਿੰਦਗੀ ਆਸਾਨ ਨਹੀਂ : ਵਾਰਨਰ

ਸਿਡਨੀ– ਆਸਟਰੇਲੀਆ ਦੇ ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਨੇ ਸੋਮਵਾਰ ਨੂੰ ਮੰਨਿਆ ਕਿ ਕੋਵਿਡ-19 ਮਹਾਮਾਰੀ ਵਿਚਾਲੇ ਜੈਵਿਕ ਤੌਰ 'ਤੇ ਸੁਰੱਖਿਅਤ ਮਾਹੌਲ ਵਿਚ ਰਹਿੰਦੇ ਹੋਏ ਕ੍ਰਿਕਟ ਖੇਡਣ ਦਾ ਉਸਦੀ ਪਰਿਵਾਰਕ ਜ਼ਿੰਦਗੀ 'ਤੇ ਅਸਰ ਪਿਆ ਹੈ ਤੇ ਹੁਣ ਉਸਦਾ ਮੁੱਖ ਟੀਚਾ ਅਗਲੇ 2 ਟੀ-20 ਵਿਸ਼ਵ ਕੱਪ ਵਿਚ ਆਪਣੇ ਦੇਸ਼ ਦੀ ਪ੍ਰਤੀਨਿਧਤਾ ਕਰਨਾ ਹੈ।

ਵਾਰਨਰ ਨੇ ਮੰਨਿਆ ਕਿ ਕੌਮਾਂਤਰੀ ਕ੍ਰਿਕਟਰ ਦੇ ਰੂਪ ਵਿਚ ਪਿਛਲੇ 6 ਮਹੀਨੇ ਕਾਫੀ ਮੁਸ਼ਕਿਲ ਰਹੇ। ਉਸ ਨੇ ਨਾਲ ਹੀ ਅਗਲੇ 12 ਮਹੀਨਿਆਂ ਵਿਚ ਆਸਟਰੇਲੀਆ ਵਲੋਂ ਨਿਸ਼ਚਿਤ ਗਿਣਤੀ ਵਿਚ ਲੜੀਆਂ ਵਿਚ ਖੇਡਣ ਦੀ ਪ੍ਰਤੀਬੱਧਤਾ ਜਤਾਉਣ ਤੋਂ ਵੀ ਇਨਕਾਰ ਕਰ ਦਿੱਤਾ।