ਬਰਾਵੋ ਤੋਂ ਬਾਅਦ ਡੈਥ ਓਵਰਸ ਲਈ ਦੀਪਕ ਚਾਹਰ ਨੂੰ ਮਿਲੀ ਨਵੀਂ ਭੂਮਿਕਾ

ਚੇਨਈ— ਇੰਡੀਅਨ ਪ੍ਰੀਮੀਅਰ ਲੀਗ 2019 'ਚ ਚੇਨਈ ਸੁਪਰ ਕਿੰਗਜ਼ ਦੇ ਸਪਿਨਰਸ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ ਪਰ ਇਸ ਸਭ ਦੇ 'ਚ ਮੀਡੀਅਮ-ਪੇਸਰ ਦੀਪਕ ਚਾਹਰ ਵੀ ਖਾਮੋਸ਼ੀ ਨਾਲ ਆਪਣਾ ਕੰਮ ਕਰਦੇ ਚੱਲੇ ਆ ਰਹੇ ਹਨ। ਮੰਗਲਵਾਰ ਨੂੰ ਉਨ੍ਹਾਂ ਨੇ ਇਕ ਵਾਰ ਫਿਰ ਚੇਨਈ ਲਈ ਸ਼ੁਰੂਆਤੀ ਵਿਕਟ ਝਟਕੇ। ਚੇਨਈ ਦੀ ਹੌਲੀ ਵਿਕਟ 'ਤੇ ਰਾਜਸਥਾਨ ਦੇ ਇਸ ਜਵਾਨ ਤੇਜ਼ ਗੇਂਦਬਾਜ਼ ਨੇ ਕਪਤਾਨ ਮਹਿੰਦਰ  ਸਿੰਘ ਧੋਨੀ ਦੀਆਂ ਉਮੀਦਾਂ 'ਤੇ ਖਰੇ ਉਤਰਦੇ ਹੋਏ ਕੋਲਕਾਤਾ ਨਾਈਟ ਰਾਇਡਰਸ (ਕੇ.ਕੇ.ਆਰ) ਨੂੰ ਸ਼ੁਰੂਆਤੀ ਝਟਕੇ ਦਿੱਤੇ। ਇਸ ਤੋਂ ਬਾਅਦ ਕੇ. ਕੇ. ਆਰ. ਦੀ ਟੀਮ ਇਨ੍ਹਾਂ ਤੋਂ ਉਬਰ ਨਹੀਂ ਪਾਈ।

ਤਿੰਨ ਓਵਰਾਂ ਦੇ ਆਪਣੇ ਪਹਿਲਾਂ ਸਪੇਲ 'ਚ ਉਨ੍ਹਾਂ ਨੇ ਸਿਰਫ 14 ਦੌੜਾਂ ਦੇ ਕੇ ਕ੍ਰਿਸ ਲਿਨ, ਨਿਤੀਸ਼ ਰਾਣਾ ਤੇ ਰਾਬਿਨ ਉਥੱਪਾ ਦੇ ਵਿਕਟ ਲਈ। ਇਸ ਤੋਂ ਬਾਅਦ ਉਹ 19ਵਾਂ ਓਵਰ ਸੁੱਟਣ ਆਏ 'ਤੇ ਆਂਦਰੇ ਰਸੀਲਾ ਜਿਵੇਂ ਪਹਿਲਕਾਰ ਬੱਲੇਬਾਜ਼ ਦੇ ਸਾਹਮਣੇ ਸਿਰਫ 6 ਦੌੜਾਂ ਦਿੱਤੀਆਂ।

ਚਾਹਰ ਪਾਰੀ ਦੀ ਸ਼ੁਰੂਆਤ 'ਚ ਆਪਣੀ ਭੂਮਿਕਾ ਬਹੁਤ ਚੰਗੇ ਤਰੀਕੇ ਨਾਲ ਨਿਭਾ ਰਹੇ ਹਨ ਪਰ ਮੁੰਬਈ ਇੰਡੀਅਨਸ ਦੇ ਖਿਲਾਫ ਮੁਕਾਬਲੇ 'ਚ ਡਵੇਨ ਬਰਾਵੋ ਨੂੰ ਹੈਮਸਟਰਿੰਗ ਇੰਜਰੀ ਹੋਣ ਦੇ ਕਾਰਨ Àਉੁਨ੍ਹਾਂ ਨੂੰ ਪਾਰੀ ਦੇ ਅੰਤ 'ਚ ਵੀ ਗੇਂਦਬਾਜ਼ੀ ਦੀ ਜ਼ਿੰਮੇਦਾਰੀ ਸੰਭਾਲਨੀ ਪੈ ਰਹੀ ਹੈ। ਬਰਾਵੋ ਦੀ ਚੋਟ ਤੋਂ ਪਹਿਲਾਂ ਉਨ੍ਹਾਂ ਨੇ ਆਪਣੇ ਆਈ. ਪੀ. ਐੱਲ ਕਰੀਅਰ 'ਚ ਅਜਿਹਾ ਕਦੇ ਨਹੀਂ ਕੀਤਾ ਸੀ। ਜਾਣਕਾਰੀ ਮੁਤਾਬਕ ਚਾਹਰ ਨੇ ਕਿਹਾ, ਬਰਾਵੋ ਦੇ ਜਖਮੀ ਹੋਣ ਤੋਂ ਪਹਿਲਾਂ ਮੈਂ ਆਪਣੇ ਸਾਰੇ ਓਵਰ ਪਾਰੀ ਦੀ ਸ਼ੁਰੂਆਤ 'ਚ ਸੁੱਟ ਰਿਹਾ ਸੀ। ਹੁਣ ਮੇਰੇ ਲਈ ਡੈਥ ਓਵਰਸ 'ਚ ਗੇਂਦਬਾਜ਼ੀ ਕਰਨਾ ਬੇਹੱਦ ਜਰੂਰੀ ਹੋ ਗਿਆ ਹੈ। ਮੈਂ ਹਮੇਸ਼ਾ ਆਪਣੀ ਡੈੱਥ ਬੋਲਿੰਗ 'ਤੇ ਫੋਕਸ ਕਾਫ਼ੀ ਕੀਤਾ ਹੈ, ਪਰ ਇਹ ਜ਼ਿੰਮੇਦਾਰੀ ਮੈਨੂੰ ਦੋ ਆਈ. ਪੀ. ਐੱਲ ਮੈਚਾਂ 'ਚ ਹੀ ਮਿਲੀ ਹੈ।  

ਉਨ੍ਹਾਂ ਨੇ ਕਿਹਾ, ਮੈਨੂੰ ਨਹੀਂ ਲੱਗਦਾ ਕਿ ਮੇਰੇ 'ਤੇ ਕੋਈ ਦਬਾਅ ਹੈ। ਮੈਨੂੰ ਜ਼ਿੰਮੇਦਾਰੀ ਪਸੰਦ ਹੈ। ਬੇਸ਼ੱਕ ਅਸੀਂ ਬਰਾਵੋ ਨੂੰ ਮਿਸ ਕਰ ਰਹੇ ਹਾਂ। ਉਹ ਸਾਡੀ ਟੀਮ ਲਈ ਇਕ ਅਹਿਮ ਖਿਡਾਰੀ ਹਨ। ਪਰ ਆਪ ਨੂੰ ਡੈਥ ਬੋਲਰ ਦੇ ਰੂਪ 'ਚ ਸਾਬਤ ਕਰ ਮੈਨੂੰ ਇਕ ਕੰਪਲੀਟ ਬੋਲਰ ਬਨਣ 'ਚ ਮਦਦ ਮਿਲੇਗੀ।