IND vs NZ: ਅਮੇਲੀਆ ਕੇਰ ਦੇ ਰਨ ਆਊਟ ਹੋਣ ''ਤੇ ਵਿਵਾਦ? ਅੰਪਾਇਰ ਨੇ ਪੈਵੇਲੀਅਨ ਤੋਂ ਵਾਪਸ ਬੁਲਾਇਆ

ਸਪੋਰਟਸ ਡੈਸਕ : ਟੀ-20 ਵਿਸ਼ਵ ਕੱਪ 2024 ਤਹਿਤ ਨਿਊਜ਼ੀਲੈਂਡ ਬਨਾਮ ਭਾਰਤ ਮੈਚ 'ਚ ਰਨ ਆਊਟ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ। ਇਹ ਵਿਵਾਦ ਕ੍ਰਿਕਟ ਦੇ ਇਕ ਨਿਯਮ ਨੂੰ ਲੈ ਕੇ ਹੋਇਆ ਜਿਸ ਵਿਚ ਅੰਪਾਇਰ ਖੁਦ ਹੀ ਘਿਰ ਗਈ। ਇਸ ਦੌਰਾਨ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਵੀ ਕਾਫੀ ਗੁੱਸੇ 'ਚ ਨਜ਼ਰ ਆਈ। ਹੋਇਆ ਇਹ ਕਿ 14ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਕੇਰ ਨੇ ਗੇਂਦ ਨੂੰ ਲੌਂਗ ਆਫ ਵੱਲ ਧੱਕ ਦਿੱਤਾ ਅਤੇ ਦੌੜ ਲਈ ਭੱਜ ਪਈ। ਜਦੋਂ ਦੌੜ ਪੂਰੀ ਹੋ ਗਈ ਤਾਂ ਦੂਜੇ ਸਿਰੇ 'ਤੇ ਸਾਥੀ ਸੋਫੀ ਡਿਵਾਈਨ ਨੇ ਇਕ ਹੋਰ ਦੌੜ ਲਈ ਬੁਲਾਇਆ। ਕੇਰ ਨੂੰ ਦੂਜੀ ਦੌੜ ਲਈ ਦੌੜਨਾ ਪਿਆ ਪਰ ਹਰਮਨਪ੍ਰੀਤ ਕੌਰ ਦਾ ਥਰੋਅ ਭਾਰਤੀ ਵਿਕਟਕੀਪਰ ਤੱਕ ਪਹਿਲਾਂ ਪਹੁੰਚ ਗਿਆ। ਉਸ ਨੇ ਬਿਨਾਂ ਕਿਸੇ ਦੇਰੀ ਤੋਂ ਗਿੱਲੀਆਂ ਉਡਾ ਦਿੱਤੀਆਂ। ਗਿੱਲੀਆਂ ਉੱਡਦੇ ਹੀ ਭਾਰਤੀ ਟੀਮ ਵਿਕਟ ਲੈ ਕੇ ਜਸ਼ਨ ਮਨਾਉਂਦੀ ਨਜ਼ਰ ਆਈ।

ਹਾਲਾਂਕਿ, ਕੁਝ ਸਮੇਂ ਬਾਅਦ ਉਸ ਨੂੰ ਨਿਰਾਸ਼ਾ ਦਾ ਸਾਹਮਣਾ ਕਰਨਾ ਪਿਆ ਜਦੋਂ ਅੰਪਾਇਰ ਨੇ ਨਾਟ ਆਊਟ ਐਲਾਨ ਦਿੱਤਾ। ਇਹ ਦੇਖ ਕੇ ਭਾਰਤੀ ਟੀਮ ਗੁੱਸੇ 'ਚ ਆ ਗਈ। ਜਦੋਂ ਹਰਮਨਪ੍ਰੀਤ ਨੇ ਕਾਰਨ ਜਾਣਨਾ ਚਾਹਿਆ ਤਾਂ ਅੰਪਾਇਰ ਨੇ ਕਿਹਾ ਕਿ ਉਸ ਨੇ ਇਕ ਦੌੜ ਪੂਰੀ ਹੋਣ ਤੋਂ ਬਾਅਦ ਓਵਰ ਪੂਰਾ ਐਲਾਨ ਦਿੱਤਾ ਸੀ। ਅਜਿਹੀ ਸਥਿਤੀ ਵਿਚ ਬਾਅਦ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਭਾਵੇਂ ਉਹ ਦੌੜਾਂ ਬਣਾਉਣ ਲਈ ਹੋਣ, ਰੱਦ ਮੰਨੀਆਂ ਜਾਣਗੀਆਂ। ਭਾਵ ਅੰਪਾਇਰ ਨੇ ਇਸ ਨੂੰ ਡੈੱਡ ਐਲਾਨ ਦਿੱਤਾ ਸੀ। ਇਹ ਫੈਸਲਾ ਭਾਰਤੀ ਕੈਂਪ ਨੂੰ ਚੰਗਾ ਨਹੀਂ ਲੱਗਾ ਅਤੇ ਉਨ੍ਹਾਂ ਨੇ ਮੈਦਾਨੀ ਅੰਪਾਇਰਾਂ ਨਾਲ ਲੰਮੀ ਗੱਲਬਾਤ ਕੀਤੀ। ਇੱਥੋਂ ਤੱਕ ਕਿ ਭਾਰਤੀ ਮੁੱਖ ਕੋਚ ਅਮੋਲ ਮਜੂਮਦਾਰ ਅਤੇ ਚੌਥੇ ਅੰਪਾਇਰ ਨੂੰ ਵੀ ਬਾਊਂਡਰੀ ਲਾਈਨ 'ਤੇ ਖੜ੍ਹੇ ਦੇਖਿਆ ਗਿਆ। ਦੇਖੋ ਕੀ ਹੋਇਆ ਸੀ -

Amellia Kerr was out or not out ? #INDvsNZ #T20WorldCup #T20WomensWorldCup #harmanpreetkaur pic.twitter.com/y9PoOA2wSa

— ANUJ THAKKUR (@anuj2488) October 4, 2024

ਹਾਲਾਂਕਿ ਪਹਿਲਾਂ ਖੇਡਦਿਆਂ ਨਿਊਜ਼ੀਲੈਂਡ ਨੇ 20 ਓਵਰਾਂ 'ਚ 4 ਵਿਕਟਾਂ ਗੁਆ ਕੇ 160 ਦੌੜਾਂ ਬਣਾਈਆਂ। ਹੁਣ ਟੀਮ ਨੂੰ ਚੰਗੀ ਸ਼ੁਰੂਆਤ ਦੇਣ ਲਈ ਭਾਰਤ ਦੇ ਓਪਨਿੰਗ ਕ੍ਰਮ 'ਤੇ ਦਬਾਅ ਹੋਵੇਗਾ। ਦੱਸਣਯੋਗ ਹੈ ਕਿ ਮੈਚ ਦੀ ਸ਼ੁਰੂਆਤ 'ਚ ਟਾਸ ਜਿੱਤਣ ਤੋਂ ਬਾਅਦ ਨਿਊਜ਼ੀਲੈਂਡ ਦੀ ਕਪਤਾਨ ਸੋਫੀ ਡੇਵਿਨ ਨੇ ਕਿਹਾ ਕਿ ਅਸੀਂ ਪਹਿਲਾਂ ਬੱਲੇਬਾਜ਼ੀ ਕਰਨ ਜਾ ਰਹੇ ਹਾਂ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8