ਆਸਟਰੇਲੀਆ ''ਚ ਨਹੀਂ ਤਾਂ ਨਿਊਜ਼ੀਲੈਂਡ ''ਚ ਹੋਵੇ ਟੀ20 ਵਿਸ਼ਵ ਕੱਪ : ਡੀਨ ਜੋਨਸ

ਨਵੀਂ ਦਿੱਲੀ- ਕੋਰੋਨਾ ਵਾਇਰਸ ਦਾ ਖਤਰਾ ਟੀ-20 ਵਿਸ਼ਵ ਕੱਪ 'ਤੇ ਮੰਡਰਾ ਰਿਹਾ ਹੈ। ਇਸ ਸਾਲ ਅਕਤੂਬਰ-ਨਵੰਬਰ 'ਚ ਟੀ-20 ਵਿਸ਼ਵ ਕੱਪ ਦਾ ਆਯੋਜਨ ਆਸਟਰੇਲੀਆ 'ਚ ਆਯੋਜਿਤ ਹੋਣਾ ਹੈ ਪਰ ਕੋਵਿਡ-19 ਦੇ ਮੌਜੂਦਾ ਹਾਲਾਤ ਨੂੰ ਦੇਖਦੇ ਹੋਏ ਇਸ ਦੇਸ਼ 'ਚ ਇਸਦਾ ਆਯੋਜਨ ਸੰਭਵ ਨਹੀਂ ਦਿਖ ਰਿਹਾ ਹੈ। ਕ੍ਰਿਕਟ ਆਸਟਰੇਲੀਆ ਨੇ ਤਾਂ ਆਈ. ਸੀ. ਸੀ. ਨੂੰ ਇਹ ਸਾਫ ਵੀ ਕਰ ਦਿੱਤਾ ਹੈ ਕਿ ਉਹ ਇਸ ਸਾਲ ਇਸ ਵਿਸ਼ਵ ਕੱਪ ਆਯੋਜਿਤ ਕਰਨ ਦੀ ਸਥਿਤੀ 'ਚ ਨਹੀਂ ਹੈ। ਇਸ ਵਿਚਾਲੇ ਸਾਬਕਾ ਬੱਲੇਬਾਜ਼ ਡੀਨ ਜੋਨਸ ਨੇ ਆਈ. ਸੀ. ਸੀ. ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਇਸ ਵਾਰ ਵਿਸ਼ਵ ਕੱਪ ਉਸਦੇ ਗੁਆਢੀ ਦੇਸ਼ ਨਿਊਜ਼ੀਲੈਂਡ 'ਚ ਆਯੋਜਿਤ ਕਰੇ ਕਿਉਂਕਿ ਉੱਥੇ ਹਾਲਾਤ ਕਾਬੂ 'ਚ ਹਨ ਤੇ ਨਿਊਜ਼ੀਲੈਂਡ ਨੇ ਇਸ ਘਾਤਕ ਵਾਇਰਸ ਨਾਲ ਬਖੂਬੀ ਲੜਨ ਦਾ ਸਾਹਸ ਦਿਖਾਇਆ ਹੈ। ਦੱਸ ਦੇਈਏ ਕਿ ਨਿਊਜ਼ੀਲੈਂਡ 'ਚ ਹੁਣ ਤੱਕ ਕੋਵਿਡ-19 ਦੇ ਕੁੱਲ 1154 ਦੇ ਸਾਹਮਣੇ ਆਏ ਸਨ, ਜਿਸ 'ਚੋਂ 1131 ਲੋਕ ਠੀਕ ਹੋ ਚੁੱਕੇ ਹਨ, ਜਦਕਿ 22 ਲੋਕਾਂ ਦੀ ਇੱਥੇ ਇਸ ਵਾਇਰਸ ਨਾਲ ਮੌਤ ਹੋਈ ਹੈ ਤੇ ਇਸ ਸਮੇਂ ਦੇਸ਼ 'ਚ ਸਿਰਫ ਇਕ ਐਕਟਿਵ ਕੇਸ ਹੈ।

Jacinda Ardern said NZ could move to alert level 1 next week, which means all social distancing measures and curbs on mass gatherings will be lifted, she said. Maybe play the T20 WC there? #justathought

— Dean Jones AM (@ProfDeano) June 3, 2020

ਜੋਨਸ ਨੇ ਕਿਹਾ - ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਜੋਸਿੰਡਾ ਅਰਡਰਨ ਨੇ ਕਿਹਾ ਕਿ ਅਗਲੇ ਇਕ ਹਫਤੇ 'ਚ ਉਸਦਾ ਦੇਸ਼ ਕੇਵਲ 1 'ਤੇ ਆ ਜਾਵੇਗਾ। ਭਾਵ ਸੋਸ਼ਲ ਡਿਸਟੇਂਸਿੰਗ ਤੇ ਲੋਕਾਂ ਦੀ ਭੀੜ 'ਤੇ ਲੱਗੀਆਂ ਸਾਰੀਆਂ ਪਾਬੰਦੀਆਂ ਨੂੰ ਹਟਾ ਦਿੱਤਾ ਜਾਵੇਗਾ। ਅਜਿਹੇ 'ਚ ਇਹ ਵੀ ਸੰਭਵ ਹੈ ਕਿ ਉੱਥੇ ਟੀ-20 ਵਿਸ਼ਵ ਕੱਪ ਖੇਡਿਆ ਜਾ ਸਕੇ।