ਏਸ਼ੀਆਈ ਖੇਡਾਂ, ਸ਼ਤਰੰਜ : ਭਾਰਤ 2 ਚਾਂਦੀ ਦੇ ਤਗਮੇ ਜਿੱਤਣ ਵੱਲ ਵਧਿਆ

ਹਾਂਗਜ਼ੂ, ਚੀਨ (ਨਿਕਲੇਸ਼ ਜੈਨ)- ਏਸ਼ੀਆਈ ਖੇਡਾਂ ਦੇ ਟੀਮ ਸ਼ਤਰੰਜ ਮੈਚਾਂ ਵਿੱਚ ਸੱਤ ਰਾਊਂਡ ਤੋਂ ਬਾਅਦ ਭਾਰਤੀ ਪੁਰਸ਼ ਅਤੇ ਮਹਿਲਾ ਦੋਵੇਂ ਟੀਮਾਂ ਚਾਂਦੀ ਦੇ ਤਗਮੇ ਵੱਲ ਵਧਦੀਆਂ ਨਜ਼ਰ ਆ ਰਹੀਆਂ ਹਨ। ਭਾਰਤ ਪੁਰਸ਼ ਵਰਗ ਵਿੱਚ ਈਰਾਨ ਅਤੇ ਮਹਿਲਾ ਵਰਗ ਵਿੱਚ ਚੀਨ ਤੋਂ ਸਿਰਫ਼ ਇੱਕ ਮੈਚ ਪੁਆਇੰਟ ਪਿੱਛੇ ਹੈ ਅਤੇ ਕਿਉਂਕਿ ਚੋਟੀ ਦੀਆਂ ਟੀਮਾਂ ਜ਼ਿਆਦਾਤਰ ਵੱਡੀਆਂ ਟੀਮਾਂ ਖ਼ਿਲਾਫ਼ ਖੇਡੀਆਂ ਹਨ, ਇਸ ਲਈ ਭਾਰਤ ਲਈ ਪਹਿਲਾਂ ਆਉਣਾ ਮੁਸ਼ਕਲ ਜਾਪਦਾ ਹੈ।

ਇਹ ਵੀ ਪੜ੍ਹੋ : ਏਸ਼ੀਆਈ ਖੇਡਾਂ 'ਚ ਭਾਰਤ ਨੂੰ ਮਿਲਿਆ 100ਵਾਂ ਤਮਗਾ, ਮਹਿਲਾ ਕਬੱਡੀ ਟੀਮ ਨੇ ਜਿੱਤਿਆ ਸੋਨਾ

ਪੁਰਸ਼ ਵਰਗ ਵਿੱਚ ਭਾਰਤੀ ਟੀਮ ਨੇ ਅੱਜ ਚੌਥੇ ਬੋਰਡ 'ਤੇ ਅਰਜੁਨ ਅਰਿਗਾਸੀ ਦੀ ਟਰਾਨ ਮਿਨਹ ’ਤੇ ਸ਼ਾਨਦਾਰ ਜਿੱਤ ਦੀ ਬਦੌਲਤ ਵੀਅਤਨਾਮ ਨੂੰ 2.5-1.5 ਨਾਲ ਹਰਾਇਆ। ਪਹਿਲੇ ਬੋਰਡ 'ਤੇ ਡੀ ਗੁਕੇਸ਼, ਦੂਜੇ ਬੋਰਡ 'ਤੇ ਆਰ ਪ੍ਰਗਨਾਨੰਦ ਅਤੇ ਤੀਜੇ ਬੋਰਡ 'ਤੇ ਵਿਦਿਤ ਗੁਜਰਾਤੀ ਨੇ ਆਪਣੇ ਮੈਚ ਡਰਾਅ ਖੇਡੇ। ਹੁਣ ਭਲਕੇ ਭਾਰਤ ਦਾ ਸਾਹਮਣਾ ਮੁਕਾਬਲਤਨ ਕਮਜ਼ੋਰ ਟੀਮ ਕੋਰੀਆ ਨਾਲ ਹੋਵੇਗਾ ਜਦੋਂਕਿ ਫਿਲੀਪੀਨਜ਼ ਦਾ ਸਾਹਮਣਾ ਇਰਾਨ ਨਾਲ ਹੋਵੇਗਾ। 7 ਗੇੜਾਂ ਤੋਂ ਬਾਅਦ ਈਰਾਨ 12 ਅੰਕਾਂ ਨਾਲ ਅੰਕ ਸੂਚੀ ਵਿਚ ਪਹਿਲੇ  ਅਤੇ ਭਾਰਤ 11 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਹੈ।

ਇਹ ਵੀ ਪੜ੍ਹੋ : ਏਸ਼ੀਆਈ ਖੇਡਾਂ 'ਚ 100 ਤਮਗੇ ਪੂਰੇ ਹੋਣ 'ਤੇ PM ਮੋਦੀ ਨੇ ਦਿੱਤੀ ਵਧਾਈ

ਮਹਿਲਾ ਵਰਗ 'ਚ ਅੱਜ ਭਾਰਤ ਨੇ ਕਜ਼ਾਕਿਸਤਾਨ ਨਾਲ ਡਰਾਅ ਖੇਡਿਆ ਅਤੇ ਇਸ ਨਾਲ ਚੀਨ 13 ਅੰਕਾਂ ਨਾਲ ਪਹਿਲੇ ਸਥਾਨ 'ਤੇ ਮਜ਼ਬੂਤ ਹੋ ਗਿਆ ਹੈ। ਭਾਰਤ ਲਈ, ਹਰਿਕਾ ਦ੍ਰੋਣਾਵਲੀ ਨੇ ਦੂਜੇ ਬੋਰਡ 'ਤੇ ਇਕਲੌਤੀ ਜਿੱਤ ਦਰਜ ਕੀਤੀ ਅਤੇ ਕਮਲੀਦੇਨੋਵਾ ਮੂਰਟ ਨੂੰ ਹਰਾਇਆ, ਜਦਕਿ ਪਹਿਲੇ ਬੋਰਡ 'ਤੇ ਕੋਨੇਰੂ ਹੰਪੀ ਅਤੇ ਚੌਥੇ ਬੋਰਡ 'ਤੇ ਵੰਤਿਕਾ ਅਗਰਵਾਲ ਨੇ ਡਰਾਅ ਖੇਡਿਆ। ਤੀਜੇ ਬੋਰਡ 'ਤੇ ਵੈਸ਼ਾਲੀ ਆਰ ਅਬਦੁਮਲਿਕ ਝਾਂਸਾਏ ਤੋਂ ਹਾਰ ਗਈ। ਫਿਲਹਾਲ 7 ਰਾਊਂਡ ਤੋਂ ਬਾਅਦ ਭਾਰਤ 11 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਹੈ ਅਤੇ ਭਲਕੇ ਹਾਂਗਕਾਂਗ ਖਿਲਾਫ ਜਿੱਤ ਦਰਜ ਕਰਕੇ ਟੀਮ ਆਪਣਾ ਚਾਂਦੀ ਦਾ ਤਗਮਾ ਪੱਕਾ ਕਰ ਸਕਦੀ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ