Asia Cup ਛੱਡ ਕੇ ਵਾਪਸ ਪਰਤਿਆ ਇਹ ਖਿਡਾਰੀ! ਮੈਚ ਮੁੱਕਦਿਆਂ ਹੀ ਮਿਲੀ ਸੀ ਪਿਤਾ ਦੇ ਦਿਹਾਂਤ ਦੀ ਖ਼ਬਰ

ਅਬੂ ਧਾਬੀ- ਸ਼੍ਰੀਲੰਕਾ ਦੇ ਦੁਨਿਥ ਵੇਲਾਲਗੇ ਆਪਣੇ ਪਿਤਾ ਸੁਰੰਗਾ ਦੇ ਦਿਹਾਂਤ ਕਾਰਨ ਇੱਥੇ ਚੱਲ ਰਹੇ ਏਸ਼ੀਆ ਕੱਪ ਕ੍ਰਿਕਟ ਟੂਰਨਾਮੈਂਟ ਛੱਡ ਕੇ ਵਾਪਸ ਆ ਗਏ ਹਨ। ਉਨ੍ਹਾਂ ਦੇ ਪਿਤਾ ਦਾ ਵੀਰਵਾਰ ਨੂੰ ਦਿਹਾਂਤ ਹੋਇਆ। ਇਹ ਆਲਰਾਊਂਡਰ ਉਸੇ ਦਿਨ ਅਫਗਾਨਿਸਤਾਨ ਵਿਰੁੱਧ ਗਰੁੱਪ ਬੀ ਲੀਗ ਮੈਚ ਖੇਡ ਰਿਹਾ ਸੀ। ਵੇਲਾਲਗੇ ਨੂੰ ਮੈਚ ਤੋਂ ਬਾਅਦ ਹੀ ਆਪਣੇ ਪਿਤਾ ਦੀ ਮੌਤ ਬਾਰੇ ਪਤਾ ਲੱਗਾ ਅਤੇ ਉਹ ਪਹਿਲੀ ਉਪਲੱਬਧ ਉਡਾਣ 'ਤੇ ਕੋਲੰਬੋ ਲਈ ਰਵਾਨਾ ਹੋ ਗਏ। ਇਹ ਸਪੱਸ਼ਟ ਨਹੀਂ ਹੈ ਕਿ 22 ਸਾਲਾ ਖਿਡਾਰੀ ਟੂਰਨਾਮੈਂਟ 'ਚ ਵਾਪਸ ਆਵੇਗਾ ਜਾਂ ਨਹੀਂ। ਸ਼੍ਰੀਲੰਕਾ ਸੁਪਰ 4 'ਚ ਸ਼ਨੀਵਾਰ ਨੂੰ ਬੰਗਲਾਦੇਸ਼ ਵਿਰੁੱਧ ਆਪਣਾ ਪਹਿਲਾ ਮੈਚ ਖੇਡੇਗਾ। ਇਸ ਤੋਂ ਬਾਅਦ, ਉਸ ਦਾ ਸਾਹਮਣਾ 23 ਸਤੰਬਰ ਨੂੰ ਪਾਕਿਸਤਾਨ ਅਤੇ 26 ਸਤੰਬਰ ਨੂੰ ਭਾਰਤ ਨਾਲ ਹੋਵੇਗਾ।

ਇਹ ਵੀ ਪੜ੍ਹੋ : iPhone 17 ਪ੍ਰਤੀ ਦੀਵਾਨਗੀ; ਰਾਤ ਤੋਂ ਹੀ Apple ਸਟੋਰ ਦੇ ਬਾਹਰ ਲਾਈਨਾਂ 'ਚ ਲੱਗੇ ਰਹੇ ਲੋਕ

ਸ਼੍ਰੀਲੰਕਾ ਦੇ ਸਾਬਕਾ ਕਪਤਾਨ ਲਸਿਥ ਮਲਿੰਗਾ ਨੇ ਐਕਸ 'ਤੇ ਲਿਖਿਆ,''ਦੁਨਿਥ ਵੇਲਾਲਗੇ ਦੇ ਪਿਤਾ ਸੁਰੰਗ ਵੇਲਾਲਗੇ ਦੇ ਦਿਹਾਂਤ ਤੋਂ ਬਹੁਤ ਦੁਖੀ ਹਾਂ। ਪਰਿਵਾਰ ਦੇ ਪ੍ਰਤੀ ਮੇਰੀ ਹਮਦਰਦੀ। ਦੁਨਿਸ਼ ਹਿੰਮਤ ਰੱਖੋ। ਇਸ ਮੁਸ਼ਕਿਲ ਸਮੇਂ 'ਚ ਪੂਰਾ ਦੇਸ਼ ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਨਾਲ ਖੜ੍ਹਾ ਹੈ।'' ਖੱਬੇ ਹੱਥ ਦੇ ਸਪਿਨਰ ਵੇਲਾਲਗੇ ਨੇ ਅਫ਼ਗਾਨਿਸਤਾਨ ਖ਼ਿਲਾਫ਼ 4 ਓਵਰ ਗੇਂਦਬਾਜ਼ੀ ਕੀਤੀ ਅਤੇ 49 ਦੌੜਾਂ ਦੇ ਕੇ ਇਬਰਾਹਿਮ ਜਾਰਦਾਨ ਦਾ ਵਿਕਟ ਲਿਆ। ਇਹ ਉਨ੍ਹਾਂ ਦੇ ਪਰਿਵਾਰ ਦਾ 5ਵਾਂ ਟੀ-20 ਅੰਤਰਰਾਸ਼ਟਰੀ ਮੈਚ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8