Asia Cup : ਭਾਰਤ ਨਾਲ ਮੈਚ ਤੋਂ ਪਹਿਲਾਂ ਹਾਂਗਕਾਂਗ ਦੇ ਕਪਤਾਨ ਨੇ ਕਿਹਾ- ਚਾਹੁੰਦਾ ਹਾਂ ਕਿ ਕੋਹਲੀ ਫਾਰਮ ''ਚ ਵਾਪਸੀ ਕਰੇ

ਸਪੋਰਟਸ ਡੈਸਕ— ਹਾਂਗਕਾਂਗ ਦੇ ਕਪਤਾਨ ਨਿਜ਼ਾਕਤ ਖਾਨ ਨੇ ਕਿਹਾ ਕਿ ਉਹ ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਦੇ ਬਹੁਤ ਵੱਡੇ ਪ੍ਰਸ਼ੰਸਕ ਹਨ ਅਤੇ ਚਾਹੁੰਦੇ ਹਨ ਕਿ ਇਹ ਬੱਲੇਬਾਜ਼ ਜਲਦੀ ਫਾਰਮ 'ਚ ਵਾਪਸ ਆਵੇ। 33 ਸਾਲਾ ਇਹ ਖਿਡਾਰੀ ਲੰਬੇ ਸਮੇਂ ਤੋਂ ਅੰਤਰਰਾਸ਼ਟਰੀ ਮੈਦਾਨ ਵਿਚ ਚੰਗਾ ਪ੍ਰਦਰਸ਼ਨ ਨਹੀਂ ਕਰ ਸਕਿਆ ਹੈ ਅਤੇ ਉਸ ਦੇ ਪ੍ਰਦਰਸ਼ਨ ਵਿਚ ਗਿਰਾਵਟ ਆਈ ਹੈ।

ਇਹ ਵੀ ਪੜ੍ਹੋ : IND vs PAK : ਹਾਰਦਿਕ ਪੰਡਯਾ ਨੇ ਛੱਕਾ ਲਾ ਕੇ ਜਿਤਾਇਆ ਮੈਚ ਤਾਂ ਅਫਗਾਨ ਪ੍ਰਸ਼ੰਸਕ ਨੇ ਇੰਝ ਮਨਾਈ ਖ਼ੁਸ਼ੀ

ਕੋਹਲੀ ਦਾ ਆਖਰੀ ਅੰਤਰਰਾਸ਼ਟਰੀ ਸੈਂਕੜਾ 2019 ਵਿੱਚ ਆਇਆ ਸੀ ਅਤੇ ਬੱਲੇਬਾਜ਼ੀ ਮਾਸਟਰ ਮਜ਼ਬੂਤ ਵਾਪਸੀ ਲਈ ਸੰਘਰਸ਼ ਕਰ ਰਿਹਾ ਹੈ। ਨਿਜ਼ਾਕਤ ਨੇ ਕਿਹਾ, ਮੈਂ ਵਿਰਾਟ ਕੋਹਲੀ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਹਾਂ, ਉਸਨੇ ਪਾਕਿਸਤਾਨ ਦੇ ਖਿਲਾਫ ਚੰਗਾ ਖੇਡਿਆ, ਅਸੀਂ ਅਸਲ ਵਿੱਚ ਚਾਹੁੰਦੇ ਹਾਂ ਕਿ ਉਹ ਫਾਰਮ ਵਿੱਚ ਵਾਪਸ ਆਵੇ ਅਤੇ ਬਹੁਤ ਜ਼ਿਆਦਾ ਦੌੜਾਂ ਬਣਾਏ। 

ਇਹ ਵੀ ਪੜ੍ਹੋ : ਮਾਂ ਵਾਂਗ ਵਾਲਾਂ 'ਚ ਸਫੇਦ ਮੋਤੀ ਲਗਾ ਕੇ ਆਈ ਸੇਰੇਨਾ ਦੀ ਧੀ ਓਲੰਪੀਆ

ਭਾਰਤ ਆਪਣੇ ਅਗਲੇ ਗਰੁੱਪ ਗੇੜ ਦੇ ਮੈਚ ਵਿੱਚ ਬੁੱਧਵਾਰ 31 ਅਗਸਤ ਨੂੰ ਹਾਂਗਕਾਂਗ ਨਾਲ ਭਿੜੇਗਾ। ਏਸ਼ੀਆ ਕੱਪ 2018 ਵਿੱਚ ਜਦੋਂ ਇਹ ਦੋਵੇਂ ਟੀਮਾਂ ਆਖ਼ਰੀ ਵਾਰ ਆਹਮੋ-ਸਾਹਮਣੇ ਹੋਈਆਂ ਸਨ, ਤਾਂ ਇਹ ਇੱਕ ਨਜ਼ਦੀਕੀ ਮੈਚ ਸੀ ਜੋ ਭਾਰਤ ਨੇ 26 ਦੌੜਾਂ ਨਾਲ ਜਿੱਤਿਆ ਸੀ। ਮੈਚ ਤੋਂ ਪਹਿਲਾਂ ਹਾਂਗਕਾਂਗ ਦੇ ਕਪਤਾਨ ਨੇ ਭਰੋਸਾ ਦਿੱਤਾ ਕਿ ਖੇਡ ਵਿੱਚ ਕੋਈ ਵੀ ਨਤੀਜਾ ਸੰਭਵ ਹੈ। ਉਸ ਨੇ ਕਿਹਾ, 'ਅਸੀਂ 2018 'ਚ ਏਸ਼ੀਆ ਕੱਪ 'ਚ ਆਖਰੀ ਵਾਰ ਭਾਰਤ ਦਾ ਸਾਹਮਣਾ ਕਰਦੇ ਸਮੇਂ ਸਿਰਫ 20 ਦੌੜਾਂ ਨਾਲ ਹਾਰ ਗਏ ਸੀ। ਟੀ-20 ਮੈਚ 'ਚ ਕੁਝ ਵੀ ਹੋ ਸਕਦਾ ਹੈ। 

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।