ਐਸ਼ਲੇ ਗਾਰਡਨਰ ਨੂੰ ਗੁਜਰਾਤ ਜਾਇੰਟਸ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ

ਅਹਿਮਦਾਬਾਦ- ਗੁਜਰਾਤ ਜਾਇੰਟਸ ਨੇ ਆਗਾਮੀ ਮਹਿਲਾ ਪ੍ਰੀਮੀਅਰ ਲੀਗ (WPL) ਲਈ ਆਸਟ੍ਰੇਲੀਆਈ ਹਰਫ਼ਨਮੌਲਾ ਐਸ਼ਲੇ ਗਾਰਡਨਰ ਨੂੰ ਆਪਣੀ ਟੀਮ ਦਾ ਕਪਤਾਨ ਨਿਯੁਕਤ ਕੀਤਾ ਹੈ। 27 ਸਾਲਾ ਇਹ ਖਿਡਾਰਨ ਨੇ ਇੱਕ ਹੋਰ ਆਸਟ੍ਰੇਲੀਆਈ ਤਜਰਬੇਕਾਰ ਖਿਡਾਰੀ ਬੇਥ ਮੂਨੀ ਦੀ ਥਾਂ ਲਈ ਹੈ, ਜੋ ਹੁਣ ਸਿਰਫ਼ ਆਪਣੀ ਬੱਲੇਬਾਜ਼ੀ 'ਤੇ ਧਿਆਨ ਕੇਂਦਰਤ ਕਰੇਗੀ। 

ਮਹਿਲਾ ਪ੍ਰੀਮੀਅਰ ਲੀਗ 14 ਫਰਵਰੀ ਤੋਂ ਗੁਜਰਾਤ ਜੁਆਇੰਟਸ ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ ਵਿਚਾਲੇ ਖੇਡੇ ਜਾਣ ਵਾਲੇ ਪਹਿਲੇ ਮੈਚ ਨਾਲ ਸ਼ੁਰੂ ਹੋਵੇਗੀ। ਗੁਜਰਾਤ ਜੁਆਇੰਟਸ ਦੀ ਟੀਮ ਨੇ ਮਹਿਲਾ ਪ੍ਰੀਮੀਅਰ ਲੀਗ ਦੇ ਪਹਿਲੇ ਦੋ ਟੂਰਨਾਮੈਂਟਾਂ ਵਿੱਚ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ ਅਤੇ ਪੰਜਵੇਂ ਅਤੇ ਆਖਰੀ ਸਥਾਨ 'ਤੇ ਰਹੀ। ਗਾਰਡਨਰ ਆਸਟ੍ਰੇਲੀਆਈ ਟੀਮ ਦਾ ਇੱਕ ਮਹੱਤਵਪੂਰਨ ਹਿੱਸਾ ਰਿਹਾ ਹੈ। ਉਸਨੇ 2017 ਵਿੱਚ ਆਪਣੀ ਸ਼ੁਰੂਆਤ ਤੋਂ ਬਾਅਦ ਆਸਟ੍ਰੇਲੀਆ ਲਈ 95 ਟੀ-20 ਮੈਚ ਖੇਡੇ ਹਨ, ਜਿਸ ਵਿੱਚ ਉਸਨੇ 1,400 ਤੋਂ ਵੱਧ ਦੌੜਾਂ ਬਣਾਈਆਂ ਹਨ ਅਤੇ ਆਪਣੀ ਆਫ-ਸਪਿਨ ਨਾਲ 78 ਵਿਕਟਾਂ ਲਈਆਂ ਹਨ।