FIA ਫਾਰਮੂਲਾ-2 ਚੈਂਪੀਅਨਸ਼ਿਪ ''ਚ ਰੇਸਿੰਗ ਕਰੇਗਾ ਅਰਜੁਨ
02/22/2018 2:16:50 AM
ਬੈਂਗਲੁਰੂ— ਭਾਰਤੀ ਡਰਾਈਵਰ ਅਰਜੁਨ ਮੈਣੀ ਪਿਛਲੇ ਸ਼ਾਨਦਾਰ ਗ੍ਰਾਂ. ਪ੍ਰੀ. 3 ਸੀਰੀਜ਼ ਸੈਸ਼ਨ ਤੋਂ ਬਾਅਦ ਟ੍ਰਾਈਡੈਂਟ ਮੋਟਰਸਪੋਰਟ ਲਈ ਐੱਫ. ਆਈ. ਏ. ਫਾਰਮੂਲਾ-2 ਚੈਂਪੀਅਨਸ਼ਿਪ 'ਚ ਰੇਸਿੰਗ ਕਰੇਗਾ। ਜੇ. ਕੇ. ਰੇਸਿੰਗ ਅਤੇ ਟੀ. ਵੀ. ਐੱਸ. ਰੇਸਿੰਗ ਅਰਜੁਨ ਮੈਣੀ ਨੂੰ ਪ੍ਰਮੋਟ ਕਰ ਰਹੇ ਹਨ, ਜਿਨ੍ਹਾਂ ਨੇ ਗ੍ਰਾਂ. ਪ੍ਰੀ. 3 ਵਿਚ ਸਫਲ ਮੁਕਾਬਲੇ ਤੋਂ ਬਾਅਦ ਫਾਰਮੂਲਾ-2 ਵਿਚ ਹਿੱਸਾ ਲੈਣ ਦਾ ਫੈਸਲਾ ਕੀਤਾ।
ਉਨ੍ਹਾਂ ਨੇ ਗ੍ਰਾਂ. ਪ੍ਰੀ. 3 ਵਿਚ ਬਾਰਸੀਲੋਨਾ ਵਿਚ ਇਤਿਹਾਸਕ ਜਿੱਤ ਦਰਜ ਕੀਤੀ ਸੀ। ਉਹ ਜੀ. ਪੀ. 3 ਸੀਰੀਜ਼ ਵਿਚ ਇਕ ਰੇਸ ਜਿੱਤਣ ਵਾਲਾ ਪਹਿਲਾ ਭਾਰਤੀ ਬਣ ਗਿਆ ਸੀ। ਇਸ ਤੋਂ ਬਾਅਦ ਸੈਸ਼ਨ ਦੇ ਅਖੀਰ 'ਚ ਆਬੂਧਾਬੀ ਦੌਰੇ ਦੀ ਪਹਿਲੀ ਰੇਸ ਵਿਚ ਉਹ ਪੋਡੀਅਮ ਸਥਾਨ 'ਤੇ ਰਿਹਾ ਸੀ।
