ਅੰਤਿਮ ਪੰਘਾਲ ਨੇ ਰਚਿਆ ਇਤਿਹਾਸ, ਦੋ ਵਾਰ U-20 ਵਿਸ਼ਵ ਖਿਤਾਬ ਜਿੱਤਣ ਵਾਲੀ ਪਹਿਲੀ ਮਹਿਲਾ ਪਹਿਲਾਵਾਨ ਬਣੀ
08/19/2023 5:59:00 AM
ਸਪੋਰਟਸ ਡੈਸਕ- ਅੰਤਿਮ ਪੰਘਾਲ ਸ਼ੁੱਕਰਵਾਰ ਨੂੰ ਇਤਿਹਾਸ ਰੱਚਦੇ ਹੋਏ ਲਗਾਤਾਰ ਦੋ ਵਾਰ ਅੰਡਰ-20 ਵਿਸ਼ਵ ਖਿਤਾਬ ਜਿੱਤਣ ਵਾਲੀ ਭਾਰਤ ਦੀ ਪਹਿਲੀ ਮਹਿਲਾ ਪਹਿਲਵਾਨ ਬਣ ਗਈ, ਜਿਸ ਨੇ ਇਥੇ 53 ਕਿਲੋਗ੍ਰਾਮ ਵਰਗ 'ਚ ਖਿਤਾਬ ਆਪਣੇ ਨਾਂ ਕੀਤਾ। ਸਵਿਤਾ ਨੇ ਵੀ 62 ਕਿਲੋ ਵਰਗ 'ਚ ਖਿਤਾਬ ਜਿੱਤਿਆ ਅਤੇ ਭਾਰਤੀ ਮਹਿਲਾ ਟੀਮ ਨੇ ਖੇਡ ਇਤਿਹਾਸ 'ਚ ਪਹਿਲੀ ਵਾਰ ਵਿਸ਼ਵ ਚੈਂਪੀਅਨਸ਼ਿਪ ਟੀਮ ਦਾ ਖਿਤਾਬ ਜਿੱਤਿਆ। ਪ੍ਰਿਆ ਮਲਿਕ ਨੇ ਵੀਰਵਾਰ ਨੂੰ 76 ਕਿਲੋ ਵਰਗ 'ਚ ਖਿਤਾਬ ਜਿੱਤਿਆ। ਇਸ ਵਾਰ ਸੱਤ ਭਾਰਤੀ ਪਹਿਲਵਾਨਾਂ ਨੇ ਤਿੰਨ ਸੋਨੇ ਦੇ ਤਗ਼ਮੇ ਜਿੱਤੇ ਹਨ। ਫਾਈਨਲਿਸਟ ਕੁੰਡੂ (65 ਕਿਲੋ) ਨੇ ਚਾਂਦੀ ਅਤੇ ਰੀਨਾ (57 ਕਿਲੋ), ਆਰਜੂ (68 ਕਿਲੋ) ਅਤੇ ਹਰਸ਼ਿਤਾ (72 ਕਿਲੋ) ਨੇ ਕਾਂਸੀ ਦੇ ਤਗਮੇ ਜਿੱਤੇ।
ਇਹ ਵੀ ਪੜ੍ਹੋ- ਰਿੰਕੂ ਸਿੰਘ 'ਤੇ ਨਹੀਂ ਹੈ ਆਇਰਲੈਂਡ 'ਚ ਪਰਫਾਰਮ ਕਰਨ ਦਾ ਦਬਾਅ, ਪਰ ਅੰਗਰੇਜ਼ੀ ਨੇ ਇਸ ਲਈ ਕੀਤਾ ਪਰੇਸ਼ਾਨ
ਹਰਿਆਣਾ ਦੇ ਹਿਸਾਰ ਦੀ ਰਹਿਣ ਵਾਲੀ ਪੰਘਾਲ ਨੇ ਯੂਕ੍ਰੇਨ ਦੀ ਮਾਰੀਆ ਯੇਫਰੇਮੋਵਾ ਨੂੰ 4.0 ਨਾਲ ਹਰਾ ਕੇ ਖਿਤਾਬ ਜਿੱਤਿਆ। ਉਨ੍ਹਾਂ ਨੇ ਪੂਰੇ ਟੂਰਨਾਮੈਂਟ 'ਚ ਅਜਿਹਾ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਕੀਤਾ ਕਿ ਸਿਰਫ਼ ਦੋ ਅੰਕ ਗਵਾਏ, ਉਨ੍ਹਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਉਹ ਏਸ਼ੀਅਨ ਖੇਡਾਂ ਦੇ ਟਰਾਇਲਾਂ ਲਈ ਵਿਨੇਸ਼ ਫੋਗਾਟ ਨੂੰ ਚੁਣੌਤੀ ਦੇਣ 'ਚ ਬਹੁਤ ਜ਼ਿਆਦਾ ਆਤਮਵਿਸ਼ਵਾਸ ਨਹੀਂ ਸੀ। ਪਿਛਲੇ ਸਾਲ ਉਹ ਜੂਨੀਅਰ ਵਿਸ਼ਵ ਚੈਂਪੀਅਨਸ਼ਿਪ ਦਾ ਖਿਤਾਬ ਜਿੱਤਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਪਹਿਲਵਾਨ ਬਣੀ ਸੀ ਅਤੇ ਹੁਣ ਸੀਨੀਅਰ ਪੱਧਰ 'ਤੇ ਵੀ ਖੇਡਦੀ ਹੈ। ਆਪਣੀ ਫੁਰਤੀ ਅਤੇ ਜ਼ਬਰਦਸਤ ਦਿਮਾਗ਼ ਦੀ ਵਰਤੋਂ ਕਰਦਿਆਂ ਉਨ੍ਹਾਂ ਨੇ ਵਿਰੋਧੀ ਦੇ ਪੈਰ 'ਤੇ ਲਗਾਤਾਰ ਹਮਲੇ ਕੀਤੇ। ਸੱਜੇ ਪੈਰ 'ਤੇ ਹਮਲਾ ਕਰਕੇ ਉਸ ਨੇ ਵਿਰੋਧੀ ਨੂੰ ਹੈਰਾਨ ਕਰ ਦਿੱਤਾ।
ਇਹ ਵੀ ਪੜ੍ਹੋ- ਧੋਨੀ ਦੀ ਟੀਮ ਨੇ ਰਚਿਆ ਇਤਿਹਾਸ, IPL 'ਚ ਇਹ ਮੁਕਾਮ ਹਾਸਲ ਕਰਨ ਵਾਲੀ ਪਹਿਲੀ ਟੀਮ ਬਣੀ CSK
ਸਵਿਤਾ ਨੇ 62 ਕਿਲੋਗ੍ਰਾਮ ਦੇ ਫਾਈਨਲ 'ਚ ਤਕਨੀਕੀ ਉੱਤਮਤਾ ਨਾਲ ਵੈਨੇਜ਼ੁਏਲਾ ਦੀ ਏ. ਪਾਓਲਾ ਮੋਂਟੇਰੋ ਚਿਰਿਨੋਸ ਨੂੰ ਹਰਾਇਆ, ਉਸ ਨੇ ਪਹਿਲੇ ਦੌਰ ਤੋਂ ਬਾਅਦ ਪਹਿਲਾਂ ਹੀ ਨੌਂ ਅੰਕਾਂ ਦੀ ਬੜ੍ਹਤ ਬਣਾ ਲਈ ਅਤੇ ਦੂਜੇ ਦੌਰ ਦੀ ਸ਼ੁਰੂਆਤ 'ਚ ਇੱਕ ਵੀ ਅੰਕ ਗੁਆਏ ਬਿਨਾਂ ਜਿੱਤ ਹਾਸਲ ਕੀਤੀ। ਦੂਜੇ ਪਾਸੇ ਰੀਨਾ ਨੇ 57 ਕਿਲੋਗ੍ਰਾਮ ਵਰਗ 'ਚ ਕਜ਼ਾਕਿਸਤਾਨ ਦੀ ਸ਼ੁਗਿਲਾ ਓਮੀਰਬੇਕ ਨੂੰ 9-4 ਨਾਲ ਹਰਾ ਕੇ ਦਿਨ 'ਚ ਦੋ ਰੇਪੇਸ਼ੇਜ ਰਾਊਂਡ ਜਿੱਤ ਕੇ ਤਗ਼ਮੇ ਦੀ ਦੌੜ 'ਚ ਥਾਂ ਬਣਾਈ। ਅੰਤਿਮ ਕੁੰਡੂ ਨੂੰ ਫਾਈਨਲ 'ਚ ਸਥਾਨਕ ਖਿਡਾਰੀ ਐਨੀਕੋ ਅਲੇਕਸ ਨੇ 9.2 ਨਾਲ ਹਰਾਇਆ। ਹਰਸ਼ਿਤਾ ਨੇ ਮੋਲਦੋਵਾ ਦੀ ਐਮਿਲਿਆ ਕ੍ਰੇਸੀਯੂਨ ਨੂੰ ਹਰਾ ਕੇ ਭਾਰਤ ਨੂੰ ਇਕ ਹੋਰ ਤਗ਼ਮਾ ਦਿਵਾਇਆ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
