ਭਾਰਤੀ ਖਿਡਾਰੀਆਂ ਨੂੰ ਜੂਨੀਅਰ ਫ੍ਰੈਂਚ ਓਪਨ ''ਚ ਸਿੱਧੇ ਪ੍ਰਵੇਸ਼ ਕਰਨ ਦਾ ਮੌਕਾ

ਨਵੀਂ ਦਿੱਲੀ, (ਭਾਸ਼ਾ) ਭਾਰਤੀ ਖਿਡਾਰੀਆਂ ਨੂੰ ਦੂਜੇ ਏਸ਼ੀਆਈ ਖਿਡਾਰੀਆਂ ਦੇ ਨਾਲ ਅਗਲੇ ਸਾਲ ਹੋਣ ਵਾਲੇ ਜੂਨੀਅਰ ਫ੍ਰੈਂਚ ਓਪਨ 'ਚ ਸਿੱਧੇ ਪ੍ਰਵੇਸ਼ ਕਰਨ ਦਾ ਮੌਕਾ ਮਿਲੇਗਾ ਜਦੋਂ ਪਹਿਲੇ ਰੋਲੈਂਡ ਗੈਰੋਸ ਜੂਨੀਅਰ ਸੀਰੀਜ਼ ਕੁਆਲੀਫਾਇੰਗ ਟੂਰਨਾਮੈਂਟ 16 ਤੋਂ 25 ਅਕਤੂਬਰ ਤੱਕ ਟੋਕੀਓ 'ਚ ਖੇਡਿਆ ਜਾਵੇਗਾ। ਸਿਰਫ ਉਹ ਖਿਡਾਰੀ ਜੋ ਕਜ਼ਾਕਿਸਤਾਨ (5 ਤੋਂ 9 ਅਗਸਤ) ਅਤੇ ਚੀਨ (11 ਤੋਂ 17 ਅਗਸਤ) ਵਿੱਚ ਖੇਤਰੀ ਕੁਆਲੀਫਾਇੰਗ ਟੂਰਨਾਮੈਂਟ ਖੇਡਣਗੇ, ਉਹ ਟੋਕੀਓ ਵਿੱਚ ਹੋਣ ਵਾਲੇ ਟੂਰਨਾਮੈਂਟ ਲਈ ਕੁਆਲੀਫਾਈ ਕਰ ਸਕਣਗੇ। 

ਇਨ੍ਹਾਂ ਵਿੱਚ ਲੜਕੇ ਅਤੇ ਲੜਕੀਆਂ ਦੇ ਵਰਗ ਵਿੱਚ ਫਾਈਨਲ ਵਿੱਚ ਪਹੁੰਚਣ ਵਾਲੇ ਖਿਡਾਰੀ ਟੋਕੀਓ ਵਿੱਚ ਖੇਡ ਸਕਣਗੇ, ਜਿਸ ਵਿੱਚ ਜੇਤੂ ਨੂੰ 2025 ਜੂਨੀਅਰ ਫਰੈਂਚ ਓਪਨ ਵਿੱਚ ਸਿੱਧਾ ਪ੍ਰਵੇਸ਼ ਮਿਲੇਗਾ। ਇਹ ਟੂਰਨਾਮੈਂਟ ਫਰਾਂਸੀਸੀ ਟੈਨਿਸ ਫੈਡਰੇਸ਼ਨ ਅਤੇ ਏਸ਼ੀਅਨ ਟੈਨਿਸ ਫੈਡਰੇਸ਼ਨ ਵਿਚਾਲੇ ਹੋਏ ਸਮਝੌਤੇ ਤਹਿਤ ਖੇਡਿਆ ਜਾ ਰਿਹਾ ਹੈ। ਓਲੰਪਿਕ ਤਮਗਾ ਜਿੱਤਣ ਵਾਲਾ ਪਹਿਲਾ ਏਸ਼ੀਅਨ ਟੈਨਿਸ ਖਿਡਾਰੀ ਅਤੇ ਏਟੀਪੀ ਇਤਿਹਾਸ ਦਾ ਗ੍ਰੈਂਡ ਸਲੈਮ ਫਾਈਨਲ (ਯੂ.ਐੱਸ. ਓਪਨ 2014) ਖੇਡਣ ਵਾਲਾ ਇਕਲੌਤਾ ਏਸ਼ੀਅਨ ਖਿਡਾਰੀ ਕੇਈ ਨਿਸ਼ੀਕੋਰੀ ਇਸ ਦਾ ਬ੍ਰਾਂਡ ਅੰਬੈਸਡਰ ਹੋਵੇਗਾ।