ਹਾਰ ਤੋਂ ਬਾਅਦ ਨਡਾਲ ਏਟੀਪੀ ਫਾਈਨਲਜ਼ ਤੋਂ ਬਾਹਰ, ਰੂਡ ਸੈਮੀਫਾਈਨਲ ਵਿੱਚ

ਤੂਰਿਨ : 22 ਵਾਰ ਦੇ ਗ੍ਰੈਂਡ ਸਲੈਮ ਜੇਤੂ ਰਾਫੇਲ ਨਡਾਲ ਏਟੀਪੀ ਫਾਈਨਲਜ਼ ਤੋਂ ਬਾਹਰ ਹੋ ਗਏ, ਜਿਸ ਨਾਲ ਉਸ ਦਾ ਇੱਕ ਵਾਰ ਫਿਰ ਖ਼ਿਤਾਬ ਜਿੱਤਣ ਦਾ ਸੁਫ਼ਨਾ ਅਧੂਰਾ ਰਹਿ ਗਿਆ। ਪਹਿਲੀ ਵਾਰ ਇਸ ਟੂਰਨਾਮੈਂਟ 'ਚ ਖੇਡ ਰਹੇ ਫੇਲਿਕਸ ਐਗਰ ਇਲੀਆਸਮੀ ਨੇ ਚੋਟੀ ਦਾ ਦਰਜਾ ਪ੍ਰਾਪਤ ਨਡਾਲ ਨੂੰ 6-3, 6-4 ਨਾਲ ਹਰਾਇਆ। 

ਗਰੁੱਪ ਪੜਾਅ 'ਚ ਇਹ ਉਸ ਦੀ ਲਗਾਤਾਰ ਦੂਜੀ ਹਾਰ ਸੀ। ਇਸ ਤੋਂ ਇਲਾਵਾ ਤੀਜਾ ਦਰਜਾ ਪ੍ਰਾਪਤ ਕੈਸਪਰ ਰੂਡ ਨੇ ਟੇਲਰ ਫਰਿਟਜ਼ ਨੂੰ ਹਰਾ ਕੇ ਨਡਾਲ ਦਾ ਬਾਹਰ ਹੋਣਾ ਦਾ ਤੈਅ ਕਰ ਦਿੱਤਾ। ਇਸ ਨਤੀਜੇ ਦੇ ਨਾਲ, ਕਾਰਲੋਸ ਅਲਕਾਰਾਜ਼ ਦਾ ਸਾਲ ਦੇ ਅੰਤ ਤੱਕ ਏਟੀਪੀ ਰੈਂਕਿੰਗ ਵਿੱਚ ਸਿਖਰ 'ਤੇ ਬਣੇ ਰਹਿਣਾ ਤੈਅ ਹੈ। ਨਡਾਲ ਆਪਣੇ ਕਰੀਅਰ ਵਿੱਚ ਲਗਾਤਾਰ ਚਾਰ ਮੈਚਾਂ ਵਿੱਚ ਦੂਜੀ ਵਾਰ ਹਾਰਿਆ ਹੈ।

ਇਹ ਵੀ ਪੜ੍ਹੋ : ਕਬੱਡੀ ਖੇਡਦੇ ਸਮੇਂ ਜ਼ਖ਼ਮੀ ਹੋਇਆ ਸੀ ਨੌਜਵਾਨ, ਇਕ ਮਹੀਨਾ ਚੱਲੇ ਇਲਾਜ ਮਗਰੋਂ ਤੋੜਿਆ ਦਮ

ਯੂਐਸ ਓਪਨ ਅਤੇ ਪੈਰਿਸ ਤੋਂ ਬਾਅਦ ਇਹ ਉਸਦੀ ਲਗਾਤਾਰ ਚੌਥੀ ਹਾਰ ਸੀ। ਸੀਜ਼ਨ ਦੀ ਸ਼ੁਰੂਆਤ 'ਚ ਉਸ ਨੇ ਆਸਟ੍ਰੇਲੀਅਨ ਓਪਨ ਅਤੇ ਫ੍ਰੈਂਚ ਓਪਨ ਜਿੱਤੇ ਪਰ ਸੱਟ ਕਾਰਨ ਉਸ ਨੂੰ ਵਿੰਬਲਡਨ ਸੈਮੀਫਾਈਨਲ ਤੋਂ ਹਟਣਾ ਪਿਆ।

ਨਡਾਲ ਨੇ ਹਾਰ ਤੋਂ ਬਾਅਦ ਕਿਹਾ, "ਮੈਨੂੰ ਨਹੀਂ ਲੱਗਦਾ ਕਿ ਮੈਂ ਟੈਨਿਸ ਖੇਡਣਾ ਜਾਂ ਮਾਨਸਿਕ ਤੌਰ 'ਤੇ ਮਜ਼ਬੂਤ ਹੋਣਾ ਭੁੱਲ ਗਿਆ ਹਾਂ।" ਮੈਨੂੰ ਸਾਰੀਆਂ ਹਾਂ-ਪੱਖੀ ਚੀਜ਼ਾਂ ਨੂੰ ਯਾਦ ਰੱਖਣਾ ਹੋਵੇਗਾ ਅਤੇ ਮਜ਼ਬੂਤੀ ਨਾਲ ਵਾਪਸੀ ਕਰਨੀ ਹੋਵੇਗੀ। ਨਡਾਲ ਨੇ ਦਸ ਕੋਸ਼ਿਸ਼ਾਂ ਵਿੱਚ ਕਦੇ ਵੀ ਏਟੀਪੀ ਫਾਈਨਲਜ਼ ਨਹੀਂ ਜਿੱਤਿਆ ਹੈ। ਉਹ 2010 ਅਤੇ 2013 ਵਿੱਚ ਉਪ ਜੇਤੂ ਰਿਹਾ ਸੀ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।