ਪੈਰਿਸ ਓਲੰਪਿਕ ''ਚ ਅਦਿਤੀ ਤੋਂ ਤਮਗਾ ਜਿੱਤਣ ਦੀ ਉਮੀਦ : ਪੀਜੀਟੀਆਈ ਦੇ ਨਵੇਂ ਪ੍ਰਧਾਨ ਕਪਿਲ ਦੇਵ

ਨਵੀਂ ਦਿੱਲੀ, (ਭਾਸ਼ਾ) ਮਹਾਨ ਕ੍ਰਿਕਟਰ ਅਤੇ ਪੀਜੀਟੀਆਈ ਦੇ ਨਵੇਂ ਪ੍ਰਧਾਨ ਕਪਿਲ ਦੇਵ ਦਾ ਮੰਨਣਾ ਹੈ ਕਿ ਭਾਰਤ ਦੀ ਚੋਟੀ ਦੀ ਗੋਲਫਰ ਅਦਿਤੀ ਅਸ਼ੋਕ ਦੀ ਫਾਰਮ 'ਚ ਜੇਕਰ ਦਬਾਅ ਭਰੇ ਹਾਲਾਤ 'ਚ ਬਰਕਰਾਰ ਰਹੀ ਤਾਂ ਉਹ ਪੈਰਿਸ ਓਲੰਪਿਕ 'ਚ ਤਮਗਾ ਜਿੱਤ ਸਕਦੀ ਹੈ। ਅਦਿਤੀ ਅੰਤ ਤੱਕ ਟੋਕੀਓ ਓਲੰਪਿਕ 'ਚ ਤਮਗੇ ਦੀ ਦੌੜ 'ਚ ਰਹੀ ਪਰ ਫਿਰ ਤਮਗਾ ਜਿੱਤਣ ਤੋਂ ਖੁੰਝ ਗਈ ਅਤੇ ਚੌਥੇ ਸਥਾਨ 'ਤੇ ਰਹੀ। ਉਦੋਂ ਉਹ ਕਾਂਸੀ ਤਮਗਾ ਜੇਤੂ ਲਿਡੀਆ ਕੋ ਤੋਂ ਇੱਕ ਸਟ੍ਰੋਕ ਅਤੇ ਸੋਨ ਤਮਗਾ ਜੇਤੂ ਨੇਲੀ ਕੋਰਡਾ ਤੋਂ ਦੋ ਸਟ੍ਰੋਕ ਪਿੱਛੇ ਰਹਿ ਗਈ। 

ਕਪਿਲ ਨੇ ਪੀਟੀਆਈ ਵੀਡੀਓਜ਼ ਨੂੰ ਦਿੱਤੇ ਇੱਕ ਐਕਸਕਲੂਸਿਵ ਇੰਟਰਵਿਊ ਵਿੱਚ ਕਿਹਾ, “ਮੈਂ ਅਦਿਤੀ ਨੂੰ ਓਨੇ ਹੀ ਉਤਸ਼ਾਹ ਨਾਲ ਖੇਡਦੇ ਦੇਖਣਾ ਚਾਹੁੰਦਾ ਹਾਂ ਜਿਸ ਤਰ੍ਹਾਂ ਉਹ ਟੋਕੀਓ ਓਲੰਪਿਕ ਵਿੱਚ ਖੇਡੀ ਸੀ। ਉਸ ਨੇ ਕਿਹਾ, ''ਕ੍ਰਿਕਟਰਾਂ ਅਤੇ ਗੋਲਫਰਾਂ ਲਈ ਫਾਰਮ ਬਹੁਤ ਮਹੱਤਵਪੂਰਨ ਹੈ। ਜੇਕਰ ਅਦਿਤੀ ਇਸ ਫਾਰਮ 'ਚ ਖੇਡਦੀ ਹੈ ਤਾਂ ਉਸ ਕੋਲ ਤਮਗਾ ਜਿੱਤਣ ਦਾ ਚੰਗਾ ਮੌਕਾ ਹੈ। ਪਰ ਜੇਕਰ ਹਫਤੇ ਦਾ ਪ੍ਰਦਰਸ਼ਨ ਖਰਾਬ ਰਿਹਾ ਤਾਂ ਉਨ੍ਹਾਂ ਨੂੰ ਫਿਰ ਨਿਰਾਸ਼ ਹੋਣਾ ਪਵੇਗਾ।