ਅਦਿਤੀ ਅਸ਼ੋਕ ਸਾਊਦੀ ਅੰਤਰਰਾਸ਼ਟਰੀ ''ਚ ਸਾਂਝੇ ਤੌਰ ''ਤੇ 29ਵੇਂ ਸਥਾਨ ''ਤੇ

11/19/2020 8:26:49 PM

ਨਵੀਂ ਦਿੱਲੀ- ਭਾਰਤੀ ਗੋਲਫਰ ਅਦਿਤੀ ਅਸ਼ੋਕ ਬੈਕ ਨਾਈਨ 'ਚ ਖਰਾਬ ਪ੍ਰਦਰਸ਼ਨ ਦੇ ਨਾਲ ਇੱਥੇ ਸਾਊਦੀ ਲੇਡੀਜ਼ ਟੀਮ ਅੰਤਰਰਾਸ਼ਟਰੀ ਦੇ ਦੂਜੇ ਦੌਰ ਤੋਂ ਬਾਅਦ ਅੰਕ ਸੂਚੀ 'ਚ ਸਾਂਝੇ ਤੌਰ 'ਤੇ 29ਵੇਂ ਸਥਾਨ 'ਤੇ ਖਿਸਕ ਗਈ। ਪਹਿਲੇ ਦੌਰ 'ਚ ਇਕ ਅੰਡਰ 71 ਦਾ ਸਕੋਰ ਬਣਾਉਣ ਵਾਲੀ ਅਦਿਤੀ ਨੇ ਦੂਜੇ ਦੌਰ 'ਚ ਤਿੰਨ ਓਵਰ 75 ਦਾ ਸਕੋਰ ਬਣਾਇਆ। ਉਸਦਾ ਕੁੱਲ ਸਕੋਰ ਦੋ ਓਵਰ 146 ਹੈ। ਹੋਰ ਭਾਰਤੀਆਂ 'ਚ ਦੀਕਸ਼ਾ ਡਾਗਰ (71 ਤੇ 78) ਸਾਂਝੇ ਤੌਰ 'ਤੇ 50ਵੇਂ ਜਦਕਿ ਤਵੇਸਾ ਮਲਿਕ (74 ਤੇ 76) ਸਾਂਝੇ ਤੌਰ 'ਤੇ 64ਵੇਂ ਸਥਾਨ 'ਤੇ ਹੈ।
ਆਸਥਾ ਮਦਾਨ (80-81) ਸਾਂਝੇ ਤੌਰ 'ਤੇ 108ਵੇਂ ਸਥਾਨ 'ਤੇ ਚੱਲ ਰਹੀ ਹੈ। ਸਪੇਨ ਦੀ ਲੁਨਾ ਸੋਬ੍ਰੋਨ ਗਾਮਸ (69-65) ਅੰਕ ਸੂਚੀ 'ਚ ਚੋਟੀ 'ਤੇ ਹੈ। ਉਨ੍ਹਾਂ ਨੇ ਕੋਰਸ ਰਿਕਾਰਡ ਦੀ ਬਰਾਬਰੀ ਕਰਦੇ ਹੋਏ ਸੱਤ ਅੰਡਰ 65 ਦੇ ਸਕੋਰ ਦੇ ਨਾਲ ਡੈਨਮਾਰਕਦੀ ਐਮਿਲੀ ਕ੍ਰਿਸਟੀਨ ਪੇਡਰਸਨ (69-66) 'ਤੇ ਇਕ ਸ਼ਾਟ ਦੀ ਬੜ੍ਹਤ ਬਣਾ ਰੱਖੀ ਹੈ। ਪੇਡਰਸਨ ਦੇ ਸ਼ਾਨਦਾਰ ਖੇਡ ਦੀ ਬਦੌਲਤ ਉਸਦੀ ਟੀਮ ਨੁਟੁਟਿਨੇਨ ਨੇ ਟੀਮ ਸਵਰੂਪ 'ਚ 27 ਅੰਡਰ ਦੇ ਸਕੋਰ ਦੇ ਨਾਲ ਦੋ ਸ਼ਾਟ ਦੀ ਬੜ੍ਹਤ ਬਣਾ ਲਈ ਹੈ। ਉਸਦੀ ਟੀਮ 'ਚ ਸਕਾਟਲੈਂਡ ਦੀ ਮਿਸ਼ੇਲ ਥਾਮਸਨ ਤੇ ਦੱਖਣੀ ਅਫਰੀਕਾ ਦੀ ਕਸਾਂਦ੍ਰਾ ਹਾਲ ਸ਼ਾਮਲ ਹੈ।


Gurdeep Singh

Content Editor

Related News