ਲਕਸ਼ੇ ਦੀ ਅਗਵਾਈ ''ਚ ਏ. ਏ. ਆਈ. ਨੇ ਬੈਡਮਿੰਟਨ ਖਿਤਾਬ ਜਿੱਤਿਆ

ਗੁਹਾਟੀ— ਏਸ਼ੀਆਈ ਜੂਨੀਅਰ ਚੈਪੀਅਨ ਲਕਸ਼ੇ ਸੇਨ ਦੀ ਅਗਵਾਈ 'ਚ ਭਾਰਤੀ ਵਿਮਾਨਪਤਨ ਪ੍ਰਾਧਿਕਰਣ (ਏ. ਏ. ਆਈ.) ਨੇ ਸੋਮਵਾਰ ਨੂੰ ਇੱਥੇ ਰੇਲਵੇ ਨੂੰ 3-2 ਨਾਲ ਹਰਾ ਕੇ 74ਵੀਂ ਅੰਤਰਰਾਸ਼ਟੀ ਚੈਂਪੀਅਨਸ਼ਿਪ ਦਾ ਖਿਤਾਬ ਜਿੱਤਿਆ। ਲਕਸ਼ੇ ਨੇ ਪੁਰਸ਼ ਸਿੰਗਲ ਮੁਕਾਬਲੇ 'ਚ ਰੇਲਵੇ ਦੇ ਸ਼ੁਭੰਕਰ ਡੇ ਨੂੰ 55 ਮਿੰਟ ਤੱਕ ਚੱਲੇ ਮੁਕਾਬਲੇ 'ਚ 21-17, 21-17 ਨਾਲ ਹਰਾਇਆ। ਇਸ ਤਰ੍ਹਾਂ ਮਹਿਲਾ ਸਿੰਗਲਜ਼ 'ਚ ਆਕਰਸ਼ੀ ਕਸ਼ਯਪ ਨੇ ਰੇਲਵੇ ਦੀ ਅਨੁਰਾ ਨੂੰ 21-12, 21-14 ਨਾਲ ਹਰਾ ਕੇ ਆਪਣੀ ਟੀਮ ਨੂੰ 2-0 ਨਾਲ ਬੜ੍ਹਤ ਹਾਸਲ ਕਰਵਾਈ। ਕਬੀਰ ਕਾਂਜਾਰਕਾਰ ਤੇ ਹੇਮਾਨਾਗੇਂਦਰ ਬਾਬੂ ਨੇ ਏ. ਏ. ਆਈ. ਦੇ ਸ਼ਲੋਕ ਤੇ ਚਿਰਾਗ ਸੇਨ ਨੂੰ 21-18, 17-21, 21-18 ਨਾਲ ਹਰਾ ਕੇ ਰੇਲਵੇ ਨੂੰ ਵਾਪਸੀ ਦਿਵਾਈ।