ਇਸ ਬੱਲੇਬਾਜ਼ ਨੇ ਇਕ ਓਵਰ 'ਚ ਜੜ੍ਹ ਦਿੱਤੀਆਂ 37 ਦੌੜਾਂ

ਨਵੀਂ ਦਿੱਲੀ— ਦੱਖਣੀ ਅਫਰੀਕਾ ਦੇ ਸੀਨੀਅਰ ਬੱਲੇਬਾਜ਼ ਜੇਪੀ ਡਿਊਮਿਨੀ ਨੇ ਮੋਮੇਂਟਸ ਵਨ ਡੇ ਕੱਪ 'ਚ ਇਕ ਓਵਰ ਦੇ ਅੰਦਰ 37 ਦੌੜਾਂ ਬਣਾ ਕੇ ਇਕ ਨਵਾਂ ਰਿਕਾਰਡ ਆਪਣੇ ਨਾਂ ਕਰ ਲਿਆ ਹੈ। ਕੇਪ ਕੋਬਰਾ ਵਲੋਂ ਖੇਡਦੇ ਹੋਏ ਡਿਊਮਿਨੀ ਨੇ ਇਕ ਓਵਰ 'ਚ 37 ਦੌੜਾਂ ਬਣਾ ਕੇ ਟੀਮ ਨੂੰ ਜਿੱਤ ਦਿਵਾਈ। ਨਾਇਟ ਅਤੇ ਕੇਪ ਕੋਬਰਾ ਦੇ ਵਿਚਾਲੇ ਖੇਡੇ ਗਏ ਇਸ ਮੈਚ 'ਚ ਨਾਇਟ੍ਰਸ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜੀ ਕਰਨ ਦਾ ਫੈਸਲਾ ਕੀਤਾ। ਨਾਇਟ੍ਰਸ ਨੇ 50 ਓਵਰ 'ਚ 9 ਵਿਕਟਾਂ ਦੇ ਨੁਕਸਾਨ 'ਤੇ 339 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਉਤਰੀ ਕੇਪ ਕੋਬਰਾ ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ ਅਤੇ ਟੀਮ ਦੇ ਸਲਾਮੀ ਬੱਲੇਬਾਜ਼ਾਂ ਨੇ ਪਹਿਲੇ ਵਿਕਟ ਲਈ 80 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਬੱਲੇਬਾਜ਼ੀ ਕਰਨ ਆਏ ਕਪਤਾਨ ਡਿਊਮਿਨੀ ਨੇ ਤਾਬੜਤੋੜ ਬੱਲੇਬਾਜ਼ੀ ਕਰਨੀ ਸ਼ੁਰੂ ਕਰ ਦਿੱਤੀ। ਡਿਊਮਿਨੀ ਨੇ ਮਹਿਜ 37 ਗੇਂਦਾਂ 'ਚ 70 ਦੌੜਾਂ ਬਣਾ ਦਿੱਤੀਆਂ। ਡਿਊਮਿਨੀ ਨੇ ਈ ਲੇਈ ਦੇ ਇਕ ਓਵਰ 'ਚ ਪੰਡ ਛੱਕੇ ਲਗਾ ਦਿੱਤੇ ਜਦਕਿ ਓਵਰ ਦੀ ਪੰਜਵੀਂ ਗੇਂਦ 'ਤੇ ਮਹਿਜ 2 ਦੌੜਾਂ ਬਣਾਈਆਂ। ਉੱਥੇ ਹੀ ਈ ਲੇਈ ਦੀ ਇਕ ਗੇਂਦ ਨਾ ਬਾਲ ਵੀ ਰਹੀ, ਜਿਸ 'ਚ ਚਾਰ ਦੌੜਾਂ ਆਇਆ।

ਇਸ ਦੇ ਨਾਲ ਹੀ ਮੋਮੇਂਟਮ ਵਨ ਡੇ ਕੱਪ 'ਚ ਨਾਇਟ੍ਰਸ ਵਲੋਂ ਖੇਡਣ ਵਾਲੇ ਗੇਂਦਬਾਜ਼ ਈ ਲੇਈ ਇਕ ਓਵਰ 'ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਦੂਜਾ ਗੇਂਦਬਾਜ਼ ਬਣ ਗਿਆ ਹੈ। ਇਸ ਤੋਂ ਪਹਿਲਾਂ 2013 'ਚ ਬੰਗਲਾਦੇਸ਼ ਦੇ ਗੇਂਦਬਾਜ਼ ਅਲਾਊਦੀਨ ਬਾਬੂ ਨੇ ਇਕ ਓਵਰ 'ਚ 39 ਦੌੜਾਂ ਦੇ ਕੇ ਵਿਸ਼ਵ ਰਿਕਾਰਡ ਬਣਾ ਦਿੱਤਾ ਸੀ।
ਜ਼ਿਕਰਯੋਗ ਹੈ ਕਿ ਦੱਖਣੀ ਅਫਰੀਕਾ ਟੀਮ ਦੇ ਅਨੁਭਵੀ ਆਲਰਾਊਂਡਰ ਜੀਨ ਪਾਲ ਡੂਮਿਨੀ ਨੇ ਟੈਸਟ ਅਤੇ ਪਹਿਲੀ ਕਲਾਸ ਕ੍ਰਿਕਟ ਤੋਂ ਅਚਾਨਕ ਸੰਨਿਆਸ ਲੈਣ ਦਾ ਫੈਸਲਾ ਕਰ ਕੇ ਸਾਰਿਆ ਨੂੰ ਹੈਰਾਨ ਕਰ ਦਿੱਤਾ ਸੀ। ਹਾਲਾਂਕਿ ਉਹ ਸੀਮਿਤ ਓਵਰਾਂ ਦੀ ਕ੍ਰਿਕਟ ਹਾਲੇ ਵੀ ਖੇਡਦਾ ਹੈ। ਉਹ ਆਈ.ਪੀ.ਐੱਲ. 'ਚ ਦਿੱਲੀ ਟੀਮ ਦੀ ਕਪਤਾਨੀ ਵੀ ਕਰ ਚੁੱਕਾ ਹੈ।