ਪਾਕਿਸਤਾਨ ਦੇ 10 ਖਿਡਾਰੀ ''ਲਾਪਤਾ''! ਦਿੱਗਜ ਕ੍ਰਿਕਟਰ ਨੇ PCB ''ਤੇ ਚੁੱਕੇ ਵੱਡੇ ਸਵਾਲ

ਸਪੋਰਟਸ ਡੈਸਕ- ਟੀ-20 ਵਿਸ਼ਵ ਕੱਪ 2026 ਵਿੱਚ ਪਾਕਿਸਤਾਨੀ ਟੀਮ ਦੇ ਮਾੜੇ ਪ੍ਰਦਰਸ਼ਨ ਅਤੇ ਭਾਰਤ ਦੇ ਵਿਸ਼ਵ ਚੈਂਪੀਅਨ ਬਣਨ ਤੋਂ ਬਾਅਦ ਪਾਕਿਸਤਾਨੀ ਕ੍ਰਿਕਟ ਜਗਤ ਵਿੱਚ ਹਫੜਾ-ਦਫੜੀ ਮਚ ਗਈ ਹੈ। ਪਾਕਿਸਤਾਨੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਅਤੇ ਦਿੱਗਜ ਆਲਰਾਊਂਡਰ ਸ਼ਾਹਿਦ ਅਫਰੀਦੀ ਨੇ ਇੱਕ ਵੀਡੀਓ ਰਾਹੀਂ ਪਾਕਿਸਤਾਨ ਕ੍ਰਿਕਟ ਬੋਰਡ (PCB) 'ਤੇ ਵੱਡੇ ਸਵਾਲ ਖੜ੍ਹੇ ਕੀਤੇ ਹਨ। ਉਨ੍ਹਾਂ ਨੇ ਉਨ੍ਹਾਂ 10 ਪ੍ਰਤਿਭਾਸ਼ਾਲੀ ਖਿਡਾਰੀਆਂ ਦੇ ਨਾਂ ਗਿਣਾਏ ਹਨ, ਜਿਨ੍ਹਾਂ ਨੂੰ ਕਦੇ ਪਾਕਿਸਤਾਨੀ ਕ੍ਰਿਕਟ ਦਾ 'ਭਵਿੱਖ' ਦੱਸਿਆ ਗਿਆ ਸੀ ਪਰ ਹੁਣ ਉਹ ਅਚਾਨਕ ਟੀਮ ਵਿੱਚੋਂ ਗਾਇਬ ਹਨ।

ਇਹ ਵੀ ਪੜ੍ਹੋ- 'ਮੈਂ ਚਾਹੁੰਦਾ ਹਾਂ ਭਾਰਤ T20 WC ਫਾਈਨਲ ਹਾਰ ਜਾਵੇ', ਦਿੱਗਜ ਖਿਡਾਰੀ ਦੇ ਬਿਆਨ ਨੇ ਮਚਾਈ ਖਲਬਲੀ

ਸ਼ਾਹਿਦ ਅਫਰੀਦੀ ਨੇ 'ਸਮਾ ਟੀਵੀ' ਦੇ ਇੱਕ ਸ਼ੋਅ ਦੌਰਾਨ ਸਵਾਲ ਕੀਤਾ ਕਿ ਜਿਹੜੇ ਖਿਡਾਰੀ ਘਰੇਲੂ ਕ੍ਰਿਕਟ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਟੀਮ ਵਿੱਚ ਆਏ ਸਨ ਅਤੇ ਜਿਨ੍ਹਾਂ 'ਤੇ ਭਰੋਸਾ ਜਤਾਇਆ ਗਿਆ ਸੀ, ਉਹ ਅਚਾਨਕ ਕਿੱਥੇ ਲਾਪਤਾ ਹੋ ਗਏ? 

ਅਫਰੀਦੀ ਨੇ ਪਾਕਿਸਤਾਨੀ ਟੀਵੀ ਸ਼ੋਅ 'ਚ ਪੁੱਛਿਆ ਕਿ ਇਮਾਮ-ਉਲ-ਹੱਕ ਕਿੱਥੇ ਹੈ? ਅਬਦੁੱਲਾ ਸ਼ਫੀਕ, ਜਿਸ ਨੂੰ ਪਾਕਿਸਤਾਨ ਦਾ ਭਵਿੱਖ ਮੰਨਿਆ ਜਾਂਦਾ ਸੀ, ਉਹ ਮੁੰਡਾ ਕਿੱਥੇ ਚਲਾ ਗਿਆ? ਕਾਮਰਾਨ ਗੁਲਾਮ,ਜਿਸ ਦੀ ਤੁਲਨਾ ਏਬੀ ਡਿਵਿਲੀਅਰਜ਼ ਨਾਲ ਹੁੰਦੀ ਸੀ, ਉਹ ਕਿੱਥੇ ਹੈ? ਇਸਤੋਂ ਇਲਾਵਾ ਸਊਦ ਸ਼ਕੀਲ, ਹਸਨ ਨਵਾਜ਼, ਤੈਯਬ ਤਾਹਿਰ, ਸੁਫਯਾਨ ਮੁਕੀਮ, ਮੁਹੰਮਦ ਹਸਨੈਨ, ਖੁਸ਼ਦਿਲ ਸ਼ਾਹ, ਆਮਿਰ ਜਮਾਲ, ਇਹ ਸਾਰੇ ਖਿਡਾਰੀ ਕੁਝ ਸਮਾਂ ਪਹਿਲਾਂ ਪਾਕਿਸਤਾਨ ਦਾ ਭਵਿੱਖ ਸਨ ਪਰ ਹੁਣ ਕਿੱਥੇ ਹਨ?

ਇਹ ਵੀ ਪੜ੍ਹੋ- IND vs ENG: ਟੀਮ ਨੂੰ ਲੱਗੀ 74 ਦੌੜਾਂ ਦੀ 'ਪੈਨਲਟੀ'!

Shahid Afridi said, "We keep talking about surgery and bringing new kids into the team, but what about the players who were supposed to be the future of Pakistan? Where did they go? Players like Abdullah Shafiq, Sufyan Muqeem, Imam-ul-Haq."pic.twitter.com/7uUr7mBtSo

— Salman. (@TsMeSalman) March 9, 2026

ਇਹ ਵੀ ਪੜ੍ਹੋ- IND vs NZ Final: ਸੰਜੂ ਸੈਮਸਨ ਦੇ 26 ਦੌੜਾਂ ਬਣਾਉਂਦਿਆਂ ਹੀ ਚੈਂਪੀਅਨ ਬਣ ਜਾਵੇਗੀ TEAM INDIA!

ਅਫਰੀਦੀ ਨੇ PCB ਦੇ ਰਵੱਈਏ 'ਤੇ ਸਵਾਲ ਚੁੱਕਦਿਆਂ ਕਿਹਾ ਕਿ ਅਸੀਂ ਹਮੇਸ਼ਾ ਟੀਮ ਵਿੱਚ 'ਸਰਜਰੀ' ਕਰਨ ਅਤੇ ਨਵੇਂ ਬੱਚਿਆਂ ਨੂੰ ਲਿਆਉਣ ਦੀ ਗੱਲ ਕਰਦੇ ਹਾਂ, ਪਰ ਉਨ੍ਹਾਂ ਦਾ ਕੀ ਜਿਨ੍ਹਾਂ ਨੂੰ ਪਾਕਿਸਤਾਨ ਦਾ ਭਵਿੱਖ ਮੰਨਿਆ ਗਿਆ ਸੀ? ਉਨ੍ਹਾਂ ਕਿਹਾ ਕਿ ਅੱਜ ਟੀਮ ਵਿੱਚ ਜੋ ਨਵੇਂ ਚਿਹਰੇ ਹਨ, ਉਨ੍ਹਾਂ ਕੋਲ ਨਾ ਤਾਂ ਤਜਰਬਾ ਹੈ ਅਤੇ ਨਾ ਹੀ ਉਹ ਆਪਣੇ ਪ੍ਰਦਰਸ਼ਨ ਦੇ ਦਮ 'ਤੇ ਆਏ ਹਨ। ਅਫਰੀਦੀ ਅਨੁਸਾਰ, ਸਿਰਫ ਟੀਮ ਜਾਂ ਸਿਲੈਕਸ਼ਨ ਕਮੇਟੀ ਬਦਲਣ ਨਾਲ ਕੁਝ ਨਹੀਂ ਹੋਵੇਗਾ, ਸਗੋਂ ਪੂਰਾ ਸਿਸਟਮ ਬਦਲਣ ਦੀ ਲੋੜ ਹੈ।

ਸ਼ਾਹਿਦ ਅਫਰੀਦੀ ਦੇ ਨਾਲ-ਨਾਲ ਅਹਿਮਦ ਸ਼ਹਿਜ਼ਾਦ ਅਤੇ ਮੁਹੰਮਦ ਹਫ਼ੀਜ਼ ਵਰਗੇ ਹੋਰ ਦਿੱਗਜਾਂ ਨੇ ਵੀ PCB ਦੇ ਕੰਮ ਕਰਨ ਦੇ ਤਰੀਕੇ ਦੀ ਨਿਖੇਧੀ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜੇਕਰ ਪਾਕਿਸਤਾਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਆਪਣਾ ਵਜੂਦ ਬਚਾਉਣਾ ਹੈ, ਤਾਂ ਸਿਸਟਮ ਵਿੱਚ ਵੱਡੇ ਸੁਧਾਰ ਕਰਨੇ ਪੈਣਗੇ। ਅਫਰੀਦੀ ਦੇ ਇਸ ਵੀਡੀਓ ਨੇ ਸੋਸ਼ਲ ਮੀਡੀਆ 'ਤੇ ਨਵੀਂ ਬਹਿਸ ਛੇੜ ਦਿੱਤੀ ਹੈ।

ਇਹ ਵੀ ਪੜ੍ਹੋ- ਬਿਗ ਬੌਸ 17 ਫੇਮ ਯੂਟਿਊਬਰ ਨੇ ਕੀਤੀ ਖ਼ੁਦਕੁਸ਼ੀ ਦੀ ਕੋਸ਼ਿਸ਼, ਇੰਸਟਾਗ੍ਰਾਮ ਲਾਈਵ ਦੌਰਾਨ ਚੁੱਕਿਆ ਖ਼ੌਫਨਾਕ ਕਦਮ