ਪਤਨੀ ਤੋਂ ਵੱਖ ਰਹਿ ਰਹੇ ਨੌਜਵਾਨ ਨੇ ਠੇਕੇ ਅੰਦਰ ਕੀਤੀ ਖ਼ੁਦਕੁਸ਼ੀ
Wednesday, Aug 10, 2022 - 05:16 PM (IST)
ਜਗਰਾਓਂ (ਮਾਲਵਾ) : ਇੱਥੇ ਇਕ ਨੌਜਵਾਨ ਵੱਲੋਂ ਠੇਕੇ ਅੰਦਰ ਪੱਖੇ ਨਾਲ ਫ਼ਾਹਾ ਲੈ ਕੇ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਮੁਤਾਬਕ ਐੱਸ. ਐੱਚ. ਓ. ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਰਾਹੁਲ (30) ਪੁੱਤਰ ਮਨੀ ਰਾਮ ਵਾਸੀ ਬਰੇਲੀ (ਯੂ. ਪੀ.) ਹਾਲ ਵਾਸੀ ਜਗਰਾਓਂ ਮਾਨਸਿਕ ਤੌਰ 'ਤੇ ਪਰੇਸ਼ਾਨ ਰਹਿੰਦਾ ਸੀ ਕਿਉਂਕਿ ਮ੍ਰਿਤਕ ਆਪਣੀ ਪਤਨੀ ਨਾਲੋਂ 2 ਸਾਲ ਤੋਂ ਵੱਖ ਰਹਿ ਰਿਹਾ ਸੀ। ਦਿਮਾਗੀ ਤੌਰ 'ਤੇ ਪਰੇਸ਼ਾਨ ਹੋਣ ਕਾਰਨ ਉਸ ਨੇ ਖ਼ੁਦਕੁਸ਼ੀ ਕਰ ਲਈ।
ਐੱਸ. ਐੱਚ. ਓ. ਨੇ ਦੱਸਿਆ ਕਿ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰਾਂ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ ਅਤੇ ਲਾਸ਼ ਨੂੰ ਸਿਵਲ ਹਸਪਤਾਲ ਦੀ ਮੋਰਚਰੀ 'ਚ ਰਖਵਾ ਦਿੱਤਾ ਹੈ। ਪੁਲਸ ਮੁਤਾਬਕ ਪਰਿਵਾਰਕ ਮੈਂਬਰੈਂ ਦੇ ਆਉਣ 'ਤੇ ਹੀ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ।
