ਰਾਜ ਸਭਾ 'ਚ ਗੂੰਜਿਆਂ ਪੰਜਾਬ ਦੇ ਹੜ੍ਹਾਂ ਦਾ ਮੁੱਦਾ, ਸਤਨਾਮ ਸਿੰਘ ਸੰਧੂ ਨੇ ਕੀਤੀ ਇਹ ਮੰਗ

ਨਵੀਂ ਦਿੱਲੀ- ਨਾਮਜ਼ਦ ਸੰਸਦ ਮੈਂਬਰ ਸਤਨਾਮ ਸਿੰਘ ਸੰਧੂ ਨੇ ਰਾਜ ਸਭਾ 'ਚ ਪੰਜਾਬ, ਹਰਿਆਣਾ, ਹਿਮਾਚਲ ਤੇ ਚੰਡੀਗੜ੍ਹ ਵਿਚਾਲੇ ਤਾਲਮੇਲ ਕਮੇਟੀ ਬਣਾਉਣ ਦੀ ਮੰਗ ਕੀਤੀ। ਸਤਨਾਮ ਸੰਧੂ ਨੇ ਕਿਹਾ,''ਪੰਜਾਬ ਦੇ ਪਾਣੀਆਂ ਦੇ ਢੁਕਵੇਂ ਪ੍ਰਬੰਧਨ ਲਈ ਮੈਂ ਹਮੇਸ਼ਾ ਯਤਨਸ਼ੀਲ ਰਿਹਾ ਹਾਂ। ਅੱਜ ਬਰਸਾਤਾਂ ਵੇਲੇ ਭਾਖੜਾ ਤੇ ਪੌਂਗ ਡੈਮ ਦੇ ਪਾਣੀ ਨੂੰ ਸੁਚੱਜੇ ਤਰੀਕੇ ਨਾਲ ਕੰਟਰੋਲ ਕਰਨ ਲਈ ਸਦਨ 'ਚ ਵੀ ਮੁੱਦਾ ਚੁੱਕਿਆ ਤੇ ਹੜ੍ਹਾਂ ਤੋਂ ਬਚਣ ਲਈ ਪੰਜਾਬ, ਹਰਿਆਣਾ, ਹਿਮਾਚਲ ਤੇ ਚੰਡੀਗੜ੍ਹ ਵਿਚਕਾਰ ਇਕ ਤਾਲਮੇਲ ਕਮੇਟੀ ਬਣਾਉਣ ਦੀ ਮੰਗ ਕੀਤੀ। ਪਿਛਲੀ ਵਾਰ ਹੜ੍ਹਾਂ ਨੇ ਪੰਜਾਬ 'ਚ ਤਬਾਹੀ ਮਚਾਈ ਸੀ ਤੇ 1600 ਕਰੋੜ ਦਾ ਨੁਕਸਾਨ ਸਾਨੂੰ ਝੱਲਣਾ ਪਿਆ। ਐਤਕੀ ਸਾਡੇ ਕਿਸਾਨ ਵੀਰ ਵੀ ਡਰੇ ਹੋਏ ਨੇ ਕਿ ਪਿਛਲੀ ਵਾਰ ਵਾਂਗੂ ਐਤਕੀ ਵੀ ਉਨ੍ਹਾਂ ਦੀ ਫ਼ਸਲ ਨਾ ਰੁੜ੍ਹ ਜਾਏ।''

I've been raising water related issues for Punjab in Rajya Sabha, like extremely polluted Buddha Nala associated with Sutlej and today I raised another pertinent matter regarding the effective distribution of water in Punjab. Notifying the honourable speaker Sahab that last year… pic.twitter.com/kkP0Rz8YlV

— Satnam Singh Sandhu (@satnamsandhuchd) July 29, 2024

ਦੱਸਣਯੋਗ ਹੈ ਕਿ ਰਾਸ਼ਟਰਪਤੀ ਨੇ ਇਸੇ ਸਾਲ ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਕੁਲਪਤੀ ਅਤੇ ਮਸ਼ਹੂਰ ਅਕਾਦਮਿਕ ਸਤਨਾਮ ਸਿੰਘ ਸੰਧੂ ਨੂੰ ਰਾਜ ਸਭਾ ਦਾ ਨਾਮਜ਼ਦ ਸੰਸਦ ਮੈਂਬਰ ਨਿਯੁਕਤ ਕੀਤਾ ਸੀ। ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਰਤ ਦੇ ਉੱਪ ਰਾਸ਼ਟਰਪਤੀ ਜਗਦੀਪ ਧਨਖੜ ਨੇ ਮੈਂਬਰਤਾ ਹਾਸਲ ਕਰਨ 'ਤੇ ਸਤਨਾਮ ਸਿੰਘ ਸੰਧੂ ਨੂੰ ਵਧਾਈ ਦਿੱਤੀ ਸੀ। ਕਿਸਾਨ ਦੇ ਬੇਟੇ ਸਤਨਾਮ ਸੰਧੂ ਨੇ ਆਪਣੀ ਲਗਨ ਦੇ ਦਮ 'ਤੇ ਦੇਸ਼ ਦੇ ਟੌਪ ਐਜ਼ੂਕੇਸ਼ਨਿਸਟ ਦੀ ਪਛਾਣ ਹਾਸਲ ਕੀਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8