ਮੰਦਬੁੱਧੀ ਬੱਚੀ ਨਾਲ ਜਬਰ-ਜ਼ਨਾਹ, 1 ਨਾਮਜ਼ਦ

ਫਿਰੋਜ਼ਪੁਰ(ਕੁਮਾਰ, ਮਲਹੋਤਰਾ)–ਇਕ 15 ਸਾਲਾਂ ਦੀ ਮੰਦਬੁੱਧੀ ਬੱਚੀ ਨਾਲ ਜਬਰ-ਜ਼ਨਾਹ ਕਰਨ ਦੇ ਦੋਸ਼ ਵਿਚ ਥਾਣਾ ਸਦਰ ਫਿਰੋਜ਼ਪੁਰ ਦੀ ਪੁਲਸ ਨੇ ਇਕ ਵਿਅਕਤੀ  ਖਿਲਾਫ ਮੁਕੱਦਮਾ ਦਰਜ ਕੀਤਾ ਹੈ। ਇਸ  ਸਬੰਧੀ ਜਾਣਕਾਰੀ ਦਿੰਦਿਅਾਂ ਏ. ਐੱਸ. ਆਈ. ਦਰਸ਼ਨ ਲਾਲ ਨੇ ਦੱਸਿਆ ਕਿ ਪੁਲਸ ਨੂੰ ਦਿੱਤੀ ਸ਼ਿਕਾਇਤ ’ਚ ਪੀਡ਼ਤ ਲਡ਼ਕੀ ਦੀ ਮਾਂ ਨੇ ਦੋਸ਼ ਲਾਇਆ ਕਿ ਉਸ ਦੀ 15 ਸਾਲਾਂ ਦੀ ਧੀ ਬਚਪਨ ਤੋਂ ਹੀ ਸਿਧਰੀ ਹੈ ਤੇ ਬੋਲ ਵੀ ਨਹੀਂ ਸਕਦੀ। ਜਦ ਉਹ ਕਿਸੇ ਦੇ ਖੇਤਾਂ ਤੋਂ ਮਜ਼ਦੂਰੀ ਦਾ ਕੰਮ ਕਰ ਕੇ ਘਰ ਵਾਪਸ ਆਈ ਤਾਂ ਉਸ ਨੇ ਦੇਖਿਆ ਕਿ ਬਲਵੀਰ ਸਿੰਘ ਉਰਫ ਬਿੱਲਾ ਨਾਮੀ ਵਿਅਕਤੀ ਉਸ ਦੀ ਮੰਦਬੁੱਧੀ ਧੀ ਨਾਲ ਜਬਰ-ਜ਼ਨਾਹ ਕਰ ਰਿਹਾ ਸੀ, ਜੋ ਮੌਕੇ ਤੋਂ ਉਸ ਨੂੰ ਦੇਖ ਕੇ ਫਰਾਰ ਹੋ ਗਿਆ।