ਪੰਜਾਬ ''ਚ ਮੰਗਲਵਾਰ ਨੂੰ ਕੋਰੋਨਾ ਦੇ ਵੱਡੀ ਮਾਤਰਾ ''ਚ ਮਾਮਲੇ ਆਏ ਸਾਹਮਣੇ, 90 ਦੀ ਹੋਈ ਮੌਤ
09/15/2020 9:34:10 PM
ਚੰਡੀਗੜ੍ਹ: ਪੰਜਾਬ 'ਚ ਕੋਰੋਨਾ ਵਾਇਰਸ ਦਾ ਕਹਿਰ ਦਿਨ-ਬ-ਦਿਨ ਵੱਧਦਾ ਹੀ ਜਾ ਰਿਹਾ ਹੈ। ਮੰਗਲਵਾਰ ਨੂੰ ਵੀ ਪੰਜਾਬ 'ਚ ਕੋਰੋਨਾ ਦੇ 2481 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਸ ਦੇ ਨਾਲ ਹੀ ਅੱਜ 90 ਲੋਕਾਂ ਦੀ ਕੋਰੋਨਾ ਕਾਰਣ ਮੌਤ ਹੋਈ ਹੈ। ਹੁਣ ਤੱਕ ਰਾਜ 'ਚ 84482 ਪਾਜ਼ੇਟਿਵ ਮਰੀਜ਼ ਸਾਹਮਣੇ ਆ ਚੁੱਕੇ ਹਨ ਜਦੋਂਕਿ ਇਨ੍ਹਾਂ 'ਚੋਂ 2514 ਮਰੀਜ਼ਾਂ ਦੀ ਮੌਤ ਹੋ ਚੁੱਕੀ ਹੈ। ਅੱਜ ਰਾਜ 'ਚ ਕੁੱਲ 28824 ਲੋਕਾਂ ਦੇ ਕੋਰੋਨਾ ਸੈਂਪਲ ਲਏ ਗਏ ਹਨ। ਜਿਨ੍ਹਾਂ 'ਚੋਂ 2481 ਲੋਕ ਪਾਜ਼ੇਟਿਵ ਪਾਏ ਗਏ ਹਨ। ਰਾਜ 'ਚ ਹੁੱਣ ਤੱਕ 1439583 ਲੋਕਾਂ ਦੀ ਕੋਰੋਨਾ ਸੈਂਪਲਿੰਗ ਕੀਤੀ ਜਾ ਚੁੱਕੀ ਹੈ।
ਜ਼ਿਲ੍ਹਿਆਂ 'ਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ
ਪੰਜਾਬ 'ਚ ਅੱਜ ਜਿਥੇ ਵੱਡੀ ਗਿਣਤੀ 'ਚ ਕੋਰੋਨਾ ਦੇ ਮਾਮਲੇ ਸਾਹਮਣੇ ਆਏ ਹਨ। ਉਨ੍ਹਾਂ 'ਚ ਲੁਧਿਆਣਾ ਦੇ 409, ਜਲੰਧਰ 261, ਪਟਿਆਲਾ 204, ਅੰਮ੍ਰਿਤਸਰ 214, ਐਸ. ਏ. ਐਸ. ਨਗਰ 188, ਬਠਿੰਡਾ 120, ਗੁਰਦਾਸਪੁਰ 197, ਸੰਗਰੂਰ 67, ਹੁਸ਼ਿਆਰਪੁਰ 154, ਫਿਰੋਜ਼ਪੁਰ 1, ਪਠਾਨਕੋਟ 189, ਫਰੀਦਕੋਟ 62, ਮੋਗਾ 33, ਕਪੂਰਥਲਾ 84, ਸ੍ਰੀ ਮੁਕਤਸਰ ਸਾਹਿਬ 81, ਬਰਨਾਲਾ 11, ਫਤਿਹਗੜ੍ਹ ਸਾਹਿਬ 43, ਫਾਜ਼ਿਲਕਾ 43, ਰੋਪੜ 7, ਤਰਨਤਾਰਨ 37, ਮਾਨਸਾ 28, ਐਸ. ਬੀ. ਐਸ. ਨਗਰ ਤੋਂ 48 ਨਵੇਂ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ।
ਉਥੇ ਹੀ ਸੂਬੇ 'ਚ ਅੱਜ 90 ਲੋਕਾਂ ਦੀ ਕੋਰੋਨਾ ਕਾਰਣ ਮੌਤ ਹੋ ਗਈ। ਜਿਨ੍ਹਾਂ 'ਚ ਲੁਧਿਆਣਾ 'ਚ 19, ਜਲੰਧਰ 'ਚ 12, ਅੰਮ੍ਰਿਤਸਰ 'ਚ 10, ਗੁਰਦਾਸਪੁਰ 'ਚ 8, ਕਪੂਰਥਲਾ 8, ਹੁਸ਼ਿਆਰਪੁਰ 'ਚ 6, ਫਿਰੋਜ਼ਪੁਰ 5, ਫਤੇਹਗਡ਼੍ਹ ਸਾਹਿਬ 4, ਪਟਿਆਲਾ 'ਚ 4, ਮੁਕਤਸਰ ਸਾਹਿਬ 3, ਐੱਸ. ਬੀ. ਐੱਸ ਨਗਰ 2, ਪਠਾਨਕੋਟ 2, ਰੋਪਡ਼ 2, ਬਰਨਾਲਾ 1, ਬਠਿੰਡਾ 'ਚ 1, ਫਰੀਦਕੋਟ 1, ਸੰਗਰੂਰ 'ਚ 1 ਤੇ ਤਰਨਤਾਰਨ 'ਚ 1 ਦੀ ਕੋਰੋਨਾ ਕਾਰਣ ਮੌਤ ਹੋਈ ਹੈ।
