NRI ਪਰਿਵਾਰ ਦੇ ਬਜ਼ੁਰਗ ਨਾਲ ਗੁਆਂਢੀ ਨੇ ਮਾਰੀ ਠੱਗੀ, ਬੈਂਕ ਖਾਤੇ ''ਚੋਂ ਕਢਵਾਏ 13 ਲੱਖ

Monday, Jul 15, 2019 - 12:04 PM (IST)

NRI ਪਰਿਵਾਰ ਦੇ ਬਜ਼ੁਰਗ ਨਾਲ ਗੁਆਂਢੀ ਨੇ ਮਾਰੀ ਠੱਗੀ, ਬੈਂਕ ਖਾਤੇ ''ਚੋਂ ਕਢਵਾਏ 13 ਲੱਖ

ਮਲੋਟ (ਜੁਨੇਜਾ) - ਮਲੋਟ ਦੇ ਨੇੜਲੇ ਪਿੰਡ ਕਰਮਗੜ੍ਹ ਦੇ ਇਕ ਬਜ਼ੁਰਗ ਨਾਲ ਗੁਆਂਢੀ ਲੜਕੇ ਵਲੋਂ 13 ਲੱਖ ਰੁਪਏ ਦੇ ਕਰੀਬ ਦੀ ਠੱਗੀ ਮਾਰਨ ਦਾ ਮਾਮਲਾ ਸਾਹਮਣਾ ਆਇਆ ਹੈ। ਇਸ ਸਬੰਧੀ ਬਜ਼ੁਰਗ ਗੁਰਬਖਸ਼ ਸਿੰਘ ਨੇ ਕਬਰਵਾਲਾ ਪੁਲਸ ਨੂੰ ਸ਼ਿਕਾਇਤ ਕੀਤੀ ਹੈ ਕਿ ਉਸਦੇ ਦੋ ਲੜਕੇ ਹਨ, ਜਿਨ੍ਹਾਂ 'ਚੋਂ ਇਕ ਵੱਖਰਾ ਰਹਿੰਦਾ ਹੈ ਅਤੇ ਇਕ ਕੈਨੇਡਾ। ਉਨ੍ਹਾਂ ਦੇ ਪਰਿਵਾਰ ਦੇ ਬਾਕੀ ਦੇ ਮੈਂਬਰ ਬਾਹਰਲੇ ਦੇਸ਼ 'ਚ ਹੀ ਰਹਿੰਦੇ ਹਨ। ਉਹ ਇੱਤੇ ਸਾਰੀ ਜ਼ਮੀਨ ਦੀ ਸਾਂਭ-ਸੰਭਾਲ ਕਰਦਾ ਹੈ। ਬਜ਼ੁਰਗ ਨੇ ਦੱਸਿਆ ਕਿ ਉਸਦਾ ਇਕ ਖਾਤਾ ਐਕਸਿਸ ਬੈਂਕ ਬੁਰਜ ਸਿੱਧਵਾਂ 'ਚ ਹੈ। ਉਨ੍ਹਾਂ ਦੇ ਗੁਆਂਢ 'ਚ ਰਹਿੰਦਾ ਲੜਕਾ ਉਸਦੀ ਚੈੱਕ ਬੁੱਕ ਉਸਦੇ ਘਰ ਦੀ ਅਲਮਾਰੀ 'ਚੋਂ ਚੋਰੀ ਕਰ ਕੇ ਲੈ ਗਿਆ, ਜਿਸ ਨੇ ਜਾਅਲੀ ਦਸਤਖਤ ਕਰਕੇ ਉਸ ਦੇ ਖਾਤਿਆਂ 'ਚੋਂ 9 ਲੱਖ ਰੁਪਏ ਕਢਾ ਲਏ। ਉਸਨੂੰ ਇਸ ਬਾਰੇ ਉਸ ਸਮੇਂ ਪਤਾ ਲੱਗਾ ਜਦੋਂ ਕਰੀਬ 10 ਦਿਨ ਬਾਅਦ ਉਪਰੋਕਤ ਬੈਂਕ ਜਿਸ ਵਿਚ ਉਸਦਾ ਖਾਤਾ ਹੈ, ਦਾ ਮੈਨੇਜਰ ਆ ਕੇ ਕਹਿਣ ਲੱਗਾ ਕਿ ਤੁਸੀਂ ਆਪਣੇ ਖਾਤੇ 'ਚ ਪੈਸੇ ਦੁਬਾਰਾ ਜਮ੍ਹਾ ਕਰਵਾਉ।

ਜਦੋਂ ਪੜਤਾਲ ਕੀਤੀ ਤਾਂ ਪਤਾ ਲੱਗਾ ਕਿ ਗੁਆਂਢੀ ਲੜਕਾ ਨੇ ਉਸਦੇ ਖਾਤੇ 'ਚੋਂ 9 ਲੱਖ ਕਢਵਾ ਕੇ ਲੈ ਗਿਆ ਹੈ। ਬਜ਼ੁਰਗ ਦਾ ਕਹਿਣਾ ਹੈ ਕਿ ਇਹ ਸਾਰਾ ਕੁਝ ਮਲੋਟ ਬੈਂਕ ਦੇ ਇਕ ਕਰਮਚਾਰੀ ਦੀ ਮਿਲੀਭੁਗਤ ਨਾਲ ਹੋਇਆ ਹੈ, ਜਿਹੜਾ ਸੀ. ਸੀ. ਟੀ.ਵੀ. ਫੁਟੇਜ 'ਚ ਸਾਰੀ ਕਾਰਵਾਈ ਦੌਰਾਨ ਉਕਤ ਵਿਅਕਤੀ ਨਾਲ ਤੁਰ ਫਿਰ ਰਿਹਾ ਦਿਖਾਈ ਦਿੰਦਾ ਹੈ। ਉਸਦਾ ਕਹਿਣਾ ਹੈ ਕਿ ਉਸਦਾ ਖਾਤਾ ਬੁਰਜ ਸਿੱਧਵਾਂ ਬਰਾਂਚ 'ਚ ਹੈ ਅਤੇ ਮਲੋਟ 'ਚ ਉਸਦੇ ਪੈਸੇ ਨਿਕਲਣ ਵੇਲੇ ਬੈਂਕ ਨੂੰ ਇਸ ਸਬੰਧੀ ਉਸਨੂੰ ਸੂਚਿਤ ਕਰਨਾ ਚਾਹੀਦਾ ਸੀ। ਇਸ ਤੋਂ ਇਲਾਵਾ ਉਸਦਾ ਇਕ ਖਾਤਾ ਮਲੋਟ ਐੱਚ. ਡੀ. ਐੱਫ. ਸੀ. 'ਚ ਹੈ, ਜਿਸ 'ਚ 4 ਲੱਖ 41 ਹਜ਼ਾਰ ਰੁਪਏ ਸੀ ਅਤੇ ਹੁਣ ਸਿਰਫ 41 ਹਜ਼ਾਰ ਬਕਾਇਆ ਹੈ ਪਰ ਐਤਵਾਰ ਹੋਣ ਕਰ ਕੇ ਉਸ ਬਾਰੇ ਪਤਾ ਨਹੀਂ ਲੱਗ ਰਿਹਾ। ਇਸ ਸਬੰਧੀ ਐਤਵਾਰ ਹੋਣ ਕਰ ਕੇ ਬੈਂਕ ਅਧਿਕਾਰੀਆਂ ਨਾਲ ਸੰਪਰਕ ਨਹੀਂ ਹੋ ਰਿਹਾ, ਜਦਕਿ ਕਬਰਵਾਲਾ ਦੇ ਐੱਸ. ਐੱਚ. ਓ. ਇੰਸਪੈਕਟਰ ਦਰਬਾਰ ਸਿੰਘ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਸ਼ਿਕਾਇਤ ਮਿਲਣ ਤੋਂ ਬਾਅਦ ਗੁਆਂਢੀ ਲੜਕੇ ਨੂੰ ਸੱਦਿਆ ਸੀ ਪਰ ਉਹ ਘਰੋਂ ਗਾਇਬ ਹੈ। ਇਸ ਲਈ ਪੁਲਸ ਇਸ ਮਾਮਲੇ 'ਤੇ ਕਾਰਵਾਈ ਕਰ ਰਹੀ ਹੈ।


author

rajwinder kaur

Content Editor

Related News