ਮਹੇਸ਼ਇੰਦਰ ਗਰੇਵਾਲ ਹੋਏ ਕੋਰੋਨਾ ਪਾਜ਼ੇਟਿਵ
Tuesday, Mar 02, 2021 - 02:15 AM (IST)
ਲੁਧਿਆਣਾ,(ਮੁੱਲਾਂਪੁਰੀ)- ਸ਼੍ਰੋਮਣੀ ਅਕਾਲੀ ਦਲ ਦੇ ਜਨਰਲ ਸਕੱਤਰ ਤੇ ਸਾਬਕਾ ਮੁੱਖ ਮੰਤਰੀ ਬਾਦਲ ਦੇ ਸਲਾਹਕਾਰ ਮਹੇਸ਼ਇੰਦਰ ਸਿੰਘ ਗਰੇਵਾਲ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਸ. ਗਰੇਵਾਲ ਕੋਰੋਨਾ ਤੋਂ ਪੀੜਤ ਹੋਣ ਕਰਕੇ ਘਰ ਵਿਚ ਜ਼ੇਰੇ ਇਲਾਜ ਹੋ ਗਏ ਹਨ। ਜਾਣਕਾਰੀ ਮੁਤਾਬਕ ਸ. ਗਰੇਵਾਲ ਪਿਛਲੇ ਦਿਨਾਂ ਤੋਂ ਵਿਆਹਾਂ-ਸ਼ਾਦੀਆਂ ’ਚ ਜ਼ਿਆਦਾ ਮਸ਼ਰੂਫ ਹੋਣ ਕਰ ਕੇ ਬੀਮਾਰ ਹੋ ਗਏ ਸਨ। ਅੱਜ ਉਨ੍ਹਾਂ ਦਾ ਕੋਰੋਨਾ ਟੈਸਟ ਕਰਵਾਇਆ ਗਿਆ ਤਾਂ ਉਹ ਪਾਜ਼ੇਟਿਵ ਪਾਏ ਗਏ। ਸ. ਗਰੇਵਲ ਨੇ ‘ਜਗ ਬਾਣੀ’ ਨੂੰ ਦੱਸਿਆ ਕਿ ਉਹ 10 ਦਿਨ ਅਜੇ ਕਿਸੇ ਸਮਾਗਮ ਵਿਚ ਨਹੀਂ ਜਾਣਗੇ।
