ਅੰਮ੍ਰਿਤਸਰ : ਬੰਦ ਫਾਟਕਾਂ ਵਿਚਾਲੇ ਫਸਿਆ ਸਕੂਲੀ ਬੱਚਿਆਂ ਦਾ ਆਟੋ, ਉਪਰੋਂ ਆ ਗਈ ਰੇਲ ਗੱਡੀ

ਅੰਮ੍ਰਿਤਸਰ (ਵੈੱਬ ਡੈੱਸਕ, ਅਕਸ਼ੈ) : ਅੰਮ੍ਰਿਤਸਰ ਵਿਚ ਉਸ ਵੇਲੇ ਸਾਰਿਆਂ ਦੇ ਸਾਹ ਸੁੱਕ ਗਏ ਜਦੋਂ ਬੰਦ ਫਾਟਕਾਂ ਦੇ ਵਿਚਾਲੇ ਸਕੂਲੀ ਬੱਚਿਆਂ ਨਾਲ ਭਰਿਆ ਆਟੋ ਫਸ ਗਿਆ ਅਤੇ ਉਪਰੋਂ ਰੇਲ ਗੱਡੀ ਵੀ ਆ ਗਈ। ਇਹ ਮੰਜ਼ਰ ਦੇਖ ਉਥੇ ਖੜ੍ਹੇ ਲੋਕਾਂ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਇਹ ਘਟਨਾ ਅੰਮ੍ਰਿਤਸਰ ਦੇ ਕੋਟ ਖਾਲਸਾ ਫਾਟਕ ਦੀ ਹੈ। ਇਸ ਦੌਰਾਨ ਚੰਗੀ ਗੱਲ ਇਹ ਰਹੀ ਕਿ ਬੱਚਿਆਂ ਨਾਲ ਭਰਿਆ ਆਟੋ ਜਿਸ ਪੱਟੜੀ 'ਤੇ ਖੜ੍ਹਾ ਸੀ, ਟਰੇਨ ਉਸ ਤੋਂ ਅਗਲੀ ਪੱਟੜੀ ਤੋਂ ਨਿਕਲ ਗਈ। ਆਟੋ ਵਿਚ 10 ਤੋਂ ਵੱਧ ਬੱਚੇ ਸਵਾਰ ਸਨ। 

ਇਹ ਵੀ ਪੜ੍ਹੋ : ਫਿਰੋਜ਼ਪੁਰ-ਫਾਜ਼ਿਲਕਾ ਹਾਈਵੇਅ 'ਤੇ ਵੱਡਾ ਹਾਦਸਾ, ਦੇਖਣ ਵਾਲਿਆਂ ਦੇ ਖੜ੍ਹੇ ਹੋਏ ਰੌਂਗਟੇ

ਇਥੇ ਹੈਰਾਨ ਕਰਨ ਵਾਲੀ ਗੱਲ ਇਹ ਵੀ ਹੈ ਕਿ ਪੱਟੜੀਆਂ 'ਤੇ ਬੱਚਿਆਂ ਦੇ ਆਟੋ ਤੋਂ ਇਲਾਵਾ ਇਕ ਹੋਰ ਈ-ਰਿਕਸ਼ਾ ਵੀ ਖੜ੍ਹਾ ਸੀ। ਲੋਕਾਂ ਦਾ ਆਖਣਾ ਸੀ ਕਿ ਰੇਲਵੇ ਫਾਟਕਾਂ 'ਤੇ ਬਹੁਤ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ ਹੈ। ਆਟੋ ਚਾਲਕ ਨੇ ਸਕੂਲੀ ਬੱਚਿਆਂ ਦੀ ਜਾਨ ਵੱਡੇ ਖਤਰੇ ਵਿਚ ਪਾ ਦਿੱਤੀ। ਜੇਕਰ ਦੂਜੇ ਟਰੈਕ 'ਤੇ ਵੀ ਟਰੇਨ ਆ ਜਾਂਦੀ ਤਾਂ ਕਿੰਨੇ ਘਰਾਂ ਦੇ ਚਿਰਾਗ ਬੁੱਝ ਜਾਣੇ ਸੀ। ਇਸ ਲਾਪਰਵਾਹੀ ਲਈ ਆਟੋ ਚਾਲਕ 'ਤੇ ਰੇਲਵੇ ਦੇ ਅਧਿਕਾਰੀਆਂ ਅਤੇ ਸਰਕਾਰ ਵਲੋਂ ਸਖ਼ਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ। 

ਇਹ ਵੀ ਪੜ੍ਹੋ : ਲਾਵਾਰਸ ਖੜ੍ਹੀ ਥਾਰ ਦੀ ਸੂਚਨਾ ਮਿਲਣ 'ਤੇ ਪਹੁੰਚੀ ਪੁਲਸ, ਜਦੋਂ ਤਲਾਸ਼ੀ ਲਈ ਤਾਂ ਅੰਦਰਲਾ ਸੀਨ ਦੇਖ ਉੱਡੇ ਹੋਸ਼

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e