ਪਟਾਕਿਆਂ ਨਾਲ ਲੁਧਿਆਣਾ ’ਚ ਹਵਾ ਪ੍ਰਦੂਸ਼ਣ ਖ਼ਤਰਨਾਕ ਸਥਿਤੀ ’ਚ

ਲੁਧਿਆਣਾ, (ਸਲੂਜਾ, ਬਹਿਲ)- ਦੀਵਾਲੀ ਦੀ ਰਾਤ ਪੰਜਾਬ ਕੇ ਵੱਡੇ ਸ਼ਹਿਰਾਂ ਜਲੰਧਰ, ਲੁਧਿਆਣਾ ਅਤੇ ਅੰਮ੍ਰਿਤਸਰ ’ਚ ਲੋਕਾਂ ਵਲੋਂ ਚਲਾਏ ਗਏ ਪਟਾਕਿਆਂ ਦਾ ਅਸਰ ਐਤਵਾਰ ਨੂੰ ਇਨ੍ਹਾਂ ਸ਼ਹਿਰਾਂ ਦੀ ਹਵਾ ’ਤੇ ਸਾਫ ਨਜ਼ਰ ਆਇਆ। ਐਤਵਾਰ ਨੂੰ ਇਨ੍ਹਾਂ ਤਿੰਨਾਂ ਸ਼ਹਿਰਾਂ ਦੀ ਹਵਾ ’ਚ ਪੀ. ਐੱਮ 2.5 ਅਤੇ ਪੀ. ਐੱਮ. 10 ਦਾ ਪੱਧਰ 500 ਦੇ ਪੱਧਰ ਨੂੰ ਛੂਹ ਗਿਆ। ਹਾਲਾਂਕਿ ਇਨ੍ਹਾਂ ਸ਼ਹਿਰਾਂ ’ਚ ਔਸਤਨ ਏਅਰ ਕੁਆਲਿਟੀ ਇੰਡੈਕਸ 400 ਤੋਂ ਹੇਠਾਂ ਰਿਹਾ ਪਰ ਇਹ ਹਵਾ ਵੀ ਸਾਹ ਲੈਣ ਦੇ ਯੋਗ ਨਹੀਂ ਹੈ। ਅਜਿਹੇ ਹਵਾ ਪ੍ਰਦੂਸ਼ਣ ਨਾਲ ਬੱਚਿਆਂ ਅਤੇ ਬਜ਼ੁਰਗਾਂ ਨੂੰ ਖਾਸ ਤੌਰ ’ਤੇ ਸਮੱਸਿਆ ਹੋ ਸਕਦੀ ਹੈ। ਲਿਹਾਜਾ ਅਗਲੇ ਕੁਝ ਦਿਨਾਂ ਤਕ ਬੱਚਿਆਂ ਅਤੇ ਬਜ਼ੁਰਗਾਂ ਨੂੰ ਘਰਾਂ ’ਚ ਹੀ ਰਹਿਣਾ ਚਾਹੀਦਾ ਹੈ।

ਪਾਬੰਦੀ ਕੇ ਬਾਵਜੂਦ ਰਾਤ 2 ਵਜੇ ਤਕ ਚੱਲੇ ਪਟਾਕੇ
ਦੀਵਾਲੀ ’ਤੇ ਸਰਕਾਰ ਵਲੋਂ ਪਟਾਕਿਆਂ ਕਾਰਣ ਹੋਣ ਵਾਲੇ ਪ੍ਰਦੂਸ਼ਣ ਨੂੰ ਘੱਟ ਕਰਨ ਲਈ ਪਾਬੰਦੀਆਂ ਲਾਉਣ ਦੇ ਬਾਵਜੂਦ ਲੁਧਿਆਣਾ ਸਣੇ ਕਈ ਸ਼ਹਿਰਾਂ ’ਚ ਦੇਰ ਰਾਤ 2 ਵਜੇ ਤਕ ਲੋਕਾਂ ਨੇ ਖੂਬ ਆਤਿਸ਼ਬਾਜੀ ਕੀਤੀ , ਜਿਸ ਕਾਰਣ ਪ੍ਰਦੂਸ਼ਣ ਖਤਰਨਾਕ ਪੱਧਰ ਨੂੰ ਪਾਰ ਕਰ ਗਿਆ ਅਤੇ ਲੁਧਿਆਣਾ ’ਚ ਦੇਰ ਰਾਤ ਏਅਰ ਕੁਆਲਿਟੀ ਇੰਡੈਕਸ 500 ਦੇ ਪੱਧਰ ’ਤੇ ਪੁੱਜ ਗਿਆ। ਪ੍ਰਦੂਸ਼ਣ ਨਾਲ ਫੈਲੇ ਜ਼ਹਿਰੀਲੇ ਧੂੰਏਂ ਕਾਰਣ ਲੋਕਾਂ ਨੂੰ ਅੱਖਾਂ ’ਚ ਜਲਨ ਦੇ ਨਾਲ-ਨਾਲ ਸਾਹ ਲੈਣ ’ਚ ਵੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਆਲਮ ਇਹ ਰਿਹਾ ਕਿ ਲੁਧਿਆਣਾ ’ਚ ਇੰਨੇ ਜ਼ਿਆਦਾ ਪਟਾਕੇ ਚੱਲਣ ਕਾਰਣ ਰਾਜਧਾਨੀ ਦਿਲ੍ਲੀ ’ਚ ਦੀਵਾਲੀ ’ਤੇ ਏ. ਕਿਊ. ਆਈ. 421 ਦੇੱ ਪੱਧਰ ਨੂੰ ਵੀ ਲੁਧਿਆਣਾ ਪਿੱਛੇ ਛੱਡ ਗਿਆ।

ਏਅਰ ਕੁਆਲਿਟੀ ਇੰਡੈਕਸ, 8 ਨਵੰਬਰ - 15 ਨਵੰਬਰ

ਲੁਧਿਆਣਾ - 328        - 340

ਜਲੰਧਰ - 282        - 320

ਅੰਮ੍ਰਿਤਸਰ - 341        - 368

ਪਟਿਆਲਾ - 286        - 256

ਬਠਿੰਡਾ - 129        - 353

ਪਟਾਕੇ ਚਲਾਉਣ ਤੋਂ ਬਾਅਦ ਏ. ਕਿਊ. ਆਈ. 358 ਰਿਕਾਰਡ ਕੀਤਾ ਗਿਆ, ਜਦਕਿ ਮੀਂਹ ਤੋਂ ਬਾਅਦ ਏ. ਕਿਊ. ਆਈ. 340 ਰਿਹਾ । ਮੀਂਹ ਤੋਂ ਬਾਅਦ ਵੀ ਪ੍ਰਦੂਸ਼ਣ ਦਾ ਪੱਧਰ ਨਾਮਾਤਰ ਘਟਿਆ । 50 ਤੋਂ ਹੇਠਾਂ ਏਅਰ ਕੁਆਲਿਟੀ ਇੰਡੈਕਸ ਹੋਵੇ ਤਾਂ ਅਸੀਂ ਉਸ ਨੂੰ ਵਧੀਆ ਵਾਤਾਵਰਣ ਮੰਨਦੇ ਹਾਂ।

ਦੀਵਾਲੀ ਅਤੇ ਪਰਾਲੀ ਦਾ ਪ੍ਰਦੂਸ਼ਣ ਅਸਥਾਈ ਡਾ. ਆਜ਼ਾਦ
ਦੀਵਾਲੀ ਅਤੇ ਪਰਾਲੀ ਕਾਰਣ ਹੋਣ ਵਾਲਾ ਪ੍ਰਦੂਸ਼ਣ ਅਸਥਾਈ ਹੈ। ਇਹ ਹੋਰ ਗੱਲ ਹੈ ਕਿ ਸਰਕਾਰ ਇਸ ਅਸਥਾਈ ਪ੍ਰਦੂਸ਼ਣ ’ਤੇ ਕਾਬੂ ਪਾਉਣ ਲਈ ਵੀ ਸਹੀ ਢੰਗ ਨਾਲ ਕੰਮ ਨਹੀਂ ਕਰ ਸਕੀ। ਇਹ ਕਹਿਣਾ ਹੈ ਗੈਰ ਸਰਕਾਰੀ ਸੰਸਥਾ ‘ਖੇਤੀ ਵਿਰਾਸਤ ਮਿਸ਼ਨ’ ਦੇ ਡਾਇਰੈਕਟਰ ਖੋਜ ਅਤੇ ਸਿਹਤ ਵਿਭਾਗ ਦੇ ਐੱਸ. ਐੱਮ. ਓ. ਦੇ ਅਹੁਦੇ ’ਤੋਂ ਰਿਟਾਇਰ ਡਾ. ਅਮਰ ਸਿੰਘ ਆਜ਼ਾਦ ਐੱਮ. ਡੀ. ਦਾ। ਉਨ੍ਹਾਂ ਕਿਹਾ ਕਿ ਦੀਵਾਲੀ ਹੋਵੇ ਜਾਂ ਪਰਾਲੀ, ਸਰਕਾਰ ਲੋਕਾਂ ਕੋ ਸਮਝਾਉਣ ’ਚ ਅਸਫਲ ਰਹੀ ਹੈ। ਸਰਕਾਰ ਸਥਾਈ ਪ੍ਰਦੂਸ਼ਣ ਬਾਰੇ ਵੀ ਹਮੇਸ਼ਾ ਉਦਾਸੀਨ ਹੀ ਰਹੀ ਹੈ। ਸਥਾਈ ਪ੍ਰਦੂਸ਼ਣ ਵਾਹਨਾਂ ਅਤੇ ਇੰਡਸਟਰੀ ਦੇ ਧੂੰਏਂ ਕਾਰਣ ਪੈਦਾ ਹੁੰਦਾ ਹੈ, ਜਿਸ ’ਤੇ ਕੋਈ ਗੌਰ ਨਹੀਂ ਕਰਦਾ, ਜਦਕਿ ਇਹ ਪ੍ਰਦੂਸ਼ਣ ਲੋਕਾਂ ਦੀ ਸਿਹਤ ’ਤੇ ਬੁਰਾ ਅਸਰ ਪਾਉਂਦਾ ਹੈ।