''ਆਪ'' ਦੇ ਇਸ ਸਾਬਕਾ ਸੰਸਦ ਮੈਂਬਰ ਨੇ ਭੇਜਿਆ ਸੀ ਅਸ਼ਲੀਲ ਵੀਡੀਓ, ਹੁਣ ਹੋਇਆ ਕੇਸ ਦਰਜ

ਲੁਧਿਆਣਾ — ਆਮ ਆਦਮੀ ਪਾਰਟੀ ਦੇ ਸਾਬਕਾ ਮੈਂਬਰ ਹਰਿੰਦਰ ਸਿੰਘ ਖਾਲਸਾ ਦੇ ਖਿਲਾਫ ਕਥਿਤ ਤੌਰ 'ਤੇ ਅਸ਼ਲੀਲ ਵੀਡੀਓ ਗਰੁੱਪ 'ਚ ਭੇਜਣ ਨੂੰ ਲੈ ਕੇ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਹਰਿੰਦਰ ਸਿੰਘ ਨੇ ਆਪਣੇ ਅਧਿਕਾਰਿਕ ਮੋਬਾਈਲ ਨੰਬਰ ਤੋਂ ਵਾਟਸਐਪ ਦੇ ਜ਼ਰੀਏ ਵੀਡੀਓ ਸ਼ੇਅਰ ਕੀਤਾ ਸੀ। ਜ਼ਿਕਰਯੋਗ ਹੈ ਕਿ ਖਾਲਸਾ ਪੰਜਾਬ ਫਤਿਹਗੜ੍ਹ ਸੀਟ ਤੋਂ ਚੁਣੇ ਗਏ ਸਨ। 
ਸਮਾਜਿਕ ਕਾਰਜਕਰਤਾ ਰੇਣੂ ਸੋਨੀਆ ਨੇ ਲੁਧਿਆਣਾ ਦੇ ਪੁਲਸ ਡੀ. ਆਈ. ਜੀ. ਗੁਰਸ਼ਰਣ ਸਿੰਘ ਸੰਧੂ ਦੇ ਸਾਹਮਣੇ ਸ਼ਿਕਾਇਤ ਦਰਜ ਕਰਵਾਈ ਹੈ। ਸੋਨੀਆ ਦੇ ਮੁਤਾਬਕ ਵੀਡੀਓ ਇਕ ਵਾਟਸਐਪ ਗਰੁੱਪ 'ਚ ਸ਼ੇਅਰ ਕੀਤਾ ਗਿਆ ਸੀ, ਜਿਸ ਦੀ ਉਹ ਵੀ ਮੈਂਬਰ ਹੈ।
ਉਹ ਡੀ. ਆਈ. ਜੀ. ਸੰਧੂ ਨੇ ਕਿਹਾ ਕਿ ਉਨ੍ਹਾਂ ਨੇ ਮਾਮਲੇ ਦੀ ਜਾਂਚ ਕੀਤੀ ਜ਼ਿੰਮੇਦਾਰੀ ਖੰਨਾ ਦੇ ਸੀਨੀਅਰ ਪੁਲਸ ਸੁਪਰਡੈਂਟ ਸਿੰਘ ਮਹਿਲ ਨੂੰ ਦਿੱਤੀ ਹੈ। ਹਾਲਾਂਕਿ ਇਸ ਮਾਮਲੇ 'ਚ ਸਾਬਕਾ ਆਪ ਸੰਸਦ ਖਾਲਸਾ ਦਾ ਕਹਿਣਾ ਹੈ ਕਿ ਜਦ ਵਾਟਸਐਪ 'ਤੇ ਵੀਡੀਓ ਸ਼ੇਅਰ ਕੀਤਾ ਗਿਆ ਤਾਂ ਉਸ ਦੌਰਾਨ ਉਹ ਬ੍ਰਿਟੇਨ 'ਚ ਸਨ। ਉਸ ਦੌਰਾਨ ਉਨ੍ਹਾਂ ਦਾ ਮੋਬਾਈਲ ਉਨ੍ਹਾਂ ਕੋਲ ਨਹੀਂ ਸੀ।