PCB ਨੇ ਜਤਾਇਆ 'ਇਰਫਾਨ' ਦੀ ਮੌਤ 'ਤੇ ਦੁੱਖ, 7 ਫੁੱਟ 1 ਇੰਚ ਕੱਦ ਦੇ ਗੇਂਦਬਾਜ਼ ਨੇ ਕਿਹਾ- ਮੈਂ ਅਜੇ ਜ਼ਿੰਦਾ ਹਾਂ

ਨਵੀਂ ਦਿੱਲੀ : ਪਾਕਿਸਤਾਨ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਇਰਫਾਨ ਨੂੰ ਐਤਵਾਰ ਟਵੀਟ ਕਰ ਦੱਸਣਾ ਪਿਆ ਕਿ ਉਹ ਜ਼ਿੰਦਾ ਹੈ। ਦਰਅਸਲ, ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ. ਸੀ. ਬੀ.) ਨੇ ਆਪਣੇ ਟਵਿੱਟਰ ਹੈਂਡਲ ਤੋਂ ਇਕ ਹੋਰ ਕ੍ਰਿਕਟਰ ਮੁਹੰਮਦ ਇਰਫਾਨ ਦੀ ਮੌਤ 'ਤੇ ਸ਼ੋਕ ਪ੍ਰਗਟਾਉਂਦਿਆਂ ਟਵੀਟ ਕੀਤਾ ਸੀ ਪਰ ਪ੍ਰਸ਼ੰਸਕਾਂ ਨੇ ਇਸ ਨੂੰ ਸਮਝਣ 'ਚ ਗਲਤੀ ਹੋ ਗਈ ਤੇ ਉਹ 7 ਫੁੱਟ 1 ਇੰਚ ਲੰਬੇ ਕੱਦ ਦੇ ਇਸ ਖਿਡਾਰੀ ਲਈ ਦੁਖੀ ਹੋ ਕੇ ਸ਼ੋਕ ਜਤਾਉਣ ਲੱਗੇ।

The PCB is grieved at the passing away of Mohammad Irfan, a former member of our national deaf team who played 12 international matches. Our thoughts and prayers are with his friends and family.https://t.co/BYt96FY7JH

— PCB Media (@TheRealPCBMedia) June 21, 2020

ਪੀ. ਸੀ. ਬੀ. ਦੇ ਇਸ ਟਵੀਟ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਇਹ ਅਫਵਾਹ ਉੱਡ ਗਈ ਕਿ ਮੁਹੰਮਦ ਇਰਫਾਨ ਦੀ ਕਾਰ ਦਾ ਐਕਸੀਡੈਂਟ ਹੋ ਗਿਆ ਹੈ ਜਿਸ ਵਿਚ ਉਸ ਦੀ ਮੌਤ ਹੋ ਗਈ ਹੈ। ਇਸ ਅਫਵਾਹ ਦੇ ਉੱਡਣ ਤੋਂ ਬਾਅਦ ਮੁਹੰਮਦ ਇਰਫਾਨ ਦੇ ਰਿਸ਼ਤੇਦਾਰ, ਦੋਸਤ ਉਸ ਨੂੰ ਫੋਨ ਕਰਨ ਲੱਗੇ। ਜਦੋਂ ਇਰਫਾਨ ਇਨ੍ਹਾਂ ਫੋਨ ਕਾਲਾਂ ਤੋਂ ਦੁਖੀ ਹੋ ਗਏ ਤਾਂ ਉਸ ਨੇ ਟਵਿੱਟਰ 'ਤੇ ਖੁਦ ਇਕ ਸੰਦੇਸ਼ ਜਾਰੀ ਕਰ ਆਪਣੇ ਜ਼ਿੰਦਾ ਹੋਣ ਦੇ ਸਬੂਤ ਦੇਣੇ ਪਏ।

Some social media outlets have been spreading a baseless fake news about my death in a car accident. This has disturbed my family & friends beyond words, and I have been receiving endless calls on this. Please refrain from such things. There was no accident and we are well.

— Mohammad Irfan (@M_IrfanOfficial) June 21, 2020

ਇਰਫਾਨ ਨੇ ਟਵੀਟ ਕਰਦਿਆਂ ਲਿਖਿਆ ਕਿ ਸੋਸ਼ਲ ਮੀਡੀਆ ਆਊਟਲੇਟਸ 'ਤੇ ਇਹ ਬੇਤੁਕੀ ਖ਼ਬਰ ਫ਼ੈਲ ਰਹੀ ਹੈ ਕਿ ਇਕ ਕਾਰ ਹਾਦਸੇ ਵਿਚ ਮੇਰੀ ਮੌਤ ਹੋ ਗਈ ਹੈ। ਇਸ ਖ਼ਬਰ ਨੇ ਮੇਰੇ ਪਰਿਵਾਰ ਤੇ ਦੋਸਤਾਂ ਨੂੰ ਕਾਫ਼ੀ ਪ੍ਰੇਸ਼ਾਨ ਕਰ ਦਿੱਤਾ ਅਤੇ  ਮੈਨੂੰ ਇਸ ਨੂੰ ਲੈ ਕੇ ਲਗਾਤਾਰ ਫ਼ੋਨ ਆ ਰਹੇ ਹਨ। ਕਿਰਪਾ ਕਰ ਕੇ ਇਨ੍ਹਾਂ ਅਫਵਾਹਾਂ ਤੋਂ ਦੂਰ ਰਹੋ ਅਤੇ ਕੋਈ ਹਾਦਸਾ ਨਹੀਂ ਹੋਇਆ ਮੈਂ ਸੁਰੱਖਿਅਤ ਹਾਂ।

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਪੀ. ਸੀ. ਬੀ. ਨੇ ਗੂੰਗਿਆਂ ਦੀ ਟੀਮ ਦੇ ਸਾਬਕਾ ਕ੍ਰਿਕਟਰ ਮੁਹੰਮਦ ਇਰਫਾਨ ਦੇ ਦਿਹਾਂਤ 'ਤੇ ਸ਼ੋਕ ਪ੍ਰਗਟ ਕਰਦਿਆਂ ਟਵੀਟ ਕੀਤਾ ਸੀ। ਪਾਕਿਸਤਾਨ ਦੀ ਡੈੱਫ ਟੀਮ ਦੇ ਸਾਬਕਾ ਕ੍ਰਿਕਟਰ ਮੁਹੰਮਦ ਇਰਫਾਨ ਨੇ 12 ਕੌਮਾਂਤਰੀ ਮੈਚ ਖੇਡੇ ਸੀ, ਜਿਸ ਦਾ ਹਾਲ ਹੀ 'ਚ ਦਿਹਾਂਤ ਹੋ ਗਿਆ। ਪੀ. ਸੀ. ਬੀ. ਨੇ ਇਸੇ ਸਾਬਕਾ ਕ੍ਰਿਕਟਰ ਦੀ ਮੌਤ 'ਤੇ ਸ਼ੋਕ ਜਤਾਇਆ ਸੀ ਪਰ ਪ੍ਰਸ਼ੰਸਕਾਂ ਨੇ ਇਸ ਨੂੰ ਗ਼ਲਤ ਢੰਗ ਨਾਲ ਲੈ ਕੇ ਪਾਕਿ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਇਰਫਾਨ ਨਾਲ ਜੋੜ ਦਿੱਤਾ, ਜਿਸ ਤੋਂ ਬਾਅਦ ਇਹ ਅਫਵਾਹ ਫ਼ੈਲ ਗਈ।

ਇਹ ਵੀ ਪੜ੍ਹੋ - WWE 'ਚ ਹੁਣ ਨਹੀਂ ਵਿਖੇਗਾ ਅੰਡਰਟੇਕਰ ਦਾ ਜਲਵਾ, 30 ਸਾਲਾਂ ਤਕ ਰਿਹਾ ਦਬਦਬਾ