ਸੋਨੇ ਦੀ ਤਸਕਰੀ ਦਾ ਅਨੌਖਾ ਤਰੀਕਾ! ਤੁਸੀਂ ਵੀ ਜਾਣ ਕੇ ਹੈਰਾਨ ਹੋਵੋਗੇ

ਨਵੀਂ ਦਿੱਲੀ - ਹਵਾਈ ਅੱਡੇ 'ਤੇ ਸੁਰੱਖਿਆ ਪ੍ਰਣਾਲੀ ਵਿਚ ਤਾਇਨਾਤ ਜਾਂਚ ਏਜੰਸੀ ਦੇ ਕਰਮਚਾਰੀਆਂ ਨੂੰ ਅਕਸਰ ਅਜੀਬੋ-ਗ਼ਰੀਬ ਹਾਲਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਅਜਿਹਾ ਹੀ ਇਕ ਮਾਮਲਾ ਚੇਨਈ ਏਅਰ ਕਸਟਮਜ਼ ਵਿਭਾਗ ਵਾਲਿਆਂ ਨੂੰ ਦੇਖਣ ਨੂੰ ਮਿਲਿਆ। ਦਰਅਸਲ, ਕਸਟਮ ਵਿਭਾਗ ਨੇ ਅਜਿਹੇ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ ਜੋ ਆਪਣੇ ਅੰਡਰਗਾਰਮੈਂਟਸ ਦੇ ਅੰਦਰ ਸੋਨੇ ਦੀ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ। ਕਸਟਮ ਵਿਭਾਗ ਨੇ ਦੋਵਾਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ 621 ਗ੍ਰਾਮ ਸੋਨੇ ਦਾ ਪਾਊਡਰ (ਸੋਨੇ ਦਾ ਪੇਸਟ), ਜੋ ਕਿ ਅੰਡਰਗਾਰਮੈਂਟ ਦੇ ਅੰਦਰ ਛੁਪਿਆ ਹੋਇਆ ਸੀ, ਨੂੰ ਬਲੇਡ ਨਾਲ ਕੱਟ ਕੇ ਬਰਾਮਦ ਕੀਤਾ ਹੈ। ਦਰਅਸਲ ਇਹ ਚੇਨਈ ਏਅਰਪੋਰਟ ਦਾ ਮਾਮਲਾ ਹੈ, ਜਿਥੇ ਦੁਬਈ ਤੋਂ ਇੱਕ ਯਾਤਰੀ ਨੂੰ ਸੋਨੇ ਦੀ ਤਸਕਰੀ ਦੇ ਮਾਮਲੇ ਵਿਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਕਸਟਮ ਅਧਿਕਾਰੀਆਂ ਅਨੁਸਾਰ ਜ਼ਬਤ ਕੀਤੇ ਸੋਨੇ ਦੀ ਕੀਮਤ ਕਰੀਬ 31 ਲੱਖ 87 ਹਜ਼ਾਰ ਰੁਪਏ ਹੈ।

ਜ਼ਬਤ ਕੀਤਾ ਸੋਨਾ 24 ਕੈਰਟ

ਦੋਵਾਂ ਦੋਸ਼ੀਆਂ ਨੂੰ ਕਸਟਮ ਐਕਟ ਵਜੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਫਿਲਹਾਲ ਪੁਲਸ ਦੋਵਾਂ ਤੋਂ ਹੁਣ ਤੱਕ ਪੁੱਛਗਿੱਛ ਕਰ ਰਹੀ ਹੈ ਕਿ ਉਨ੍ਹਾਂ ਨੇ ਕਿੰਨੀ ਵਾਰ ਭਾਰਤ ਵਿਚ ਸੋਨੇ ਦੀ ਤਸਕਰੀ ਕੀਤੀ ਹੈ। ਇਸ ਦੇ ਨਾਲ ਹੀ ਪੁਲਸ ਮੁਲਜ਼ਮਾਂ ਤੋਂ ਉਨ੍ਹਾਂ ਦੇ ਸਾਥੀਆਂ ਬਾਰੇ ਵੀ ਪੁੱਛਗਿੱਛ ਕਰ ਰਹੀ ਹੈ। ਜਿਸ ਤੋਂ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਇਸ ਰੈਕੇਟ ਵਿਚ ਕੌਣ ਸ਼ਾਮਲ ਹਨ।

ਇਹ ਵੀ ਪੜ੍ਹੋ: ਅਲੀਬਾਬਾ ਸਮੂਹ ਦਾ ਮਾਲਕ ਜੈਕ ਮਾ ਪਿਛਲੇ ਦੋ ਮਹੀਨਿਆਂ ਤੋਂ ਲਾਪਤਾ !

ਹਵਾਈ ਅੱਡੇ ਤੇ ਤਸਕਰੀ ਕਿਵੇਂ ਕੀਤੀ ਜਾਂਦੀ ਹੈ?

ਸੋਨੇ ਦੀ ਤਸਕਰੀ ਆਮ ਤੌਰ 'ਤੇ ਬਿਸਕੁਟ ਦੇ ਰੂਪ ਵਿਚ ਹੁੰਦੀ ਰਹੀ ਹੈ, ਪਰ ਸਮੇਂ ਦੇ ਨਾਲ ਬਹੁਤ ਸਾਰੇ ਤਰੀਕਿਆਂ ਨੂੰ ਅਪਣਾਇਆ ਜਾ ਰਿਹਾ ਹੈ। ਦੋਸ਼ੀਆਂ ਨੇ ਘੱਟ ਮਾਤਰਾ ਵਿਚ ਤਸਕਰੀ ਲਈ ਸੋਨੇ ਦੇ ਬਿਸਕੁਟ ਨਿਗਲਣ ਦੀ ਚਾਲ ਨੂੰ ਅਪਣਾਇਆ ਹੈ। ਇਕ ਰਿਪੋਰਟ ਅਨੁਸਾਰ, ਸਰੀਰ 'ਤੇ ਹੋਰ ਰਸਾਇਣਾਂ ਦੇ ਨਾਲ ਸੋਨੇ ਦਾ ਪੇਸਟ ਲਗਾ ਕੇ ਵੀ ਤਸਕਰੀ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਦੂਜੀ ਚੀਜ਼ ਰੂਟ ਜਾਂ ਨੈੱਟਵਰਕ ਹੈ। ਤਾਜ਼ਾ ਰੁਝਾਨ ਦਰਸਾਉਂਦੇ ਹਨ ਕਿ ਮੱਧ ਪੂਰਬ ਅਤੇ ਭਾਰਤ ਵਿਚਾਲੇ ਸੋਨੇ ਦੀ ਤਸਕਰੀ ਵਿਚ ਕਾਫ਼ੀ ਵਾਧਾ ਹੋਇਆ ਹੈ ਕਿਉਂਕਿ ਮੱਧ ਪੂਰਬ ਵਿਚ ਸੋਨੇ ਦੀਆਂ ਕੀਮਤਾਂ ਭਾਰਤ ਨਾਲੋਂ 4 ਹਜ਼ਾਰ ਰੁਪਏ ਘੱਟ ਹਨ। ਤਸਕਰੀ ਕਰਨ ਵਾਲੇ ਨੂੰ ਪ੍ਰਤੀ 1 ਤੋਲਾ ਭਾਰੀ ਲਾਭ ਹੁੰਦਾ ਹੈ।

ਇਹ ਵੀ ਪੜ੍ਹੋ: ਕੋਵਿਡ-19 ਵੈਕਸੀਨ ਨੂੰ ਲੈ ਕੇ ਵੱਡੀ ਖ਼ਬਰ, ਐਨੀ ਹੋਵੇਗੀ ਸੀਰਮ ਕੰਪਨੀ ਦੇ ਟੀਕੇ ਦੀ ਕੀਮਤ

ਸਭ ਤੋਂ ਵੱਧ ਤਸਕਰੀ ਵਾਲਾ ਹੈ ਇਹ ਰੂਟ

ਮਿਆਂਮਾਰ ਦੀ ਸਰਹੱਦ ਉੱਤਰ ਪੂਰਬ ਦੇ ਚਾਰ ਰਾਜਾਂ ਨਾਲ ਲੱਗਦੀ ਹੈ, ਜਿਸ 'ਤੇ ਵੱਡੇ ਖੇਤਰ ਵਿਚ ਕੋਈ ਵਿਸ਼ੇਸ਼ ਚੌਕਸੀ ਨਹੀਂ ਹੈ। ਈਟੀ ਦੀ ਰਿਪੋਰਟ ਦੇ ਅਨੁਸਾਰ, ਮਿਆਂਮਾਰ ਵਿਚ ਸੋਨੇ ਦੀ ਕੀਮਤ ਪ੍ਰਤੀ ਤੋਲਾ 5 ਹਜ਼ਾਰ ਰੁਪਏ ਤੱਕ ਭਾਰਤ ਨਾਲੋਂ ਘੱਟ ਹੈ। ਇਹੀ ਕਾਰਨ ਹੈ ਕਿ ਇੱਥੇ ਲੰਬੇ ਸਮੇਂ ਤੋਂ ਤਸਕਰੀ ਹੋ ਰਹੀ ਹੈ। ਕਸਟਮਜ਼ ਅਤੇ ਡੀਆਰਆਈ ਅਧਿਕਾਰੀਆਂ ਦੇ ਹਵਾਲੇ ਨਾਲ ਆਈਆਂ ਖ਼ਬਰਾਂ ਅਨੁਸਾਰ ਤਸਕਰੀ ਮਿਆਂਮਾਰ ਦੇ ਮੋਰੇਹ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਸੋਨਾ ਪਹਿਲਾਂ ਇੰਫਾਲ ਤੱਕ ਪਹੁੰਚ ਜਾਂਦਾ ਹੈ। ਬਹੁਤ ਸਾਰੇ ਹੱਥਾਂ ਵਿਚ ਪਹੁੰਚ ਕੇ, ਇਹ ਸੋਨਾ ਇੰਫਾਲ ਤੋਂ ਨਾਗਾਲੈਂਡ ਦੇ ਦੀਮਾਪੁਰ ਅਤੇ ਅਸਾਮ ਵਿਚ ਸਿਲਚਰ ਭੇਜਿਆ ਜਾਂਦਾ ਹੈ। ਇਸ ਤੋਂ ਬਾਅਦ ਇਸ ਨੂੰ ਰੇਲ ਜਾਂ ਸਥਾਨਕ ਹਵਾਈ ਯਾਤਰਾ ਰਾਹੀਂ ਦਿੱਲੀ, ਕਲਕੱਤਾ ਵਰਗੇ ਸ਼ਹਿਰਾਂ ਵਿਚ ਪਹੁੰਚਾਇਆ ਜਾਂਦਾ ਹੈ।

ਇਹ ਵੀ ਪੜ੍ਹੋ: ਰਿਲਾਇੰਸ ਸਟੋਰ ’ਚ ਵਿਕ ਰਿਹੈ ਸੀ ਘਟੀਆ ਘਿਓ, ਮੈਨੇਜਰ ਨੂੰ ਲੱਗਾ ਲੱਖਾਂ ਰੁਪਏ ਜੁਰਮਾਨਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।