ISRO ਦੀ ਇਕ ਹੋਰ ਉਪਲੱਬਧੀ, SCL ਨਾਲ ਮਿਲ ਕੇ ਵਿਕਸਿਤ ਕੀਤੇ 32-ਬਿਟ ਮਾਈਕ੍ਰੋਪ੍ਰੋਸੈਸਰ

Sunday, Mar 16, 2025 - 04:47 PM (IST)

ISRO ਦੀ ਇਕ ਹੋਰ ਉਪਲੱਬਧੀ, SCL ਨਾਲ ਮਿਲ ਕੇ ਵਿਕਸਿਤ ਕੀਤੇ 32-ਬਿਟ ਮਾਈਕ੍ਰੋਪ੍ਰੋਸੈਸਰ

ਬੈਂਗਲੁਰੂ- ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਵਿਕਰਮ ਸਾਰਾਭਾਈ ਪੁਲਾੜ ਕੇਂਦਰ ਅਤੇ ਸੈਮੀਕੰਡਕਟਰ ਪ੍ਰਯੋਗਸ਼ਾਲਾ (ਐੱਸਸੀਐੱਲ), ਚੰਡੀਗੜ੍ਹ ਨੇ ਸੰਯੁਕਤ ਰੂਪ ਨਾਲ ਪੁਲਾੜ ਐਪਲੀਕੇਸ਼ਨਾਂ ਲਈ 32-ਬਿਟ ਮਾਈਕ੍ਰੋਪ੍ਰੋਸੈਸਰ-ਵਿਕਰਮ 3201 ਅਤੇ ਕਲਪਨਾ 3201-ਵਿਕਸਿਤ ਕੀਤੇ ਹਨ। ਭਾਰਤੀ ਪੁਲਾੜ ਏਜੰਸੀ ਨੇ ਇਹ ਜਾਣਕਾਰੀ ਦਿੱਤੀ। ਵਿਕਰਮ 3201 ਪਹਿਲਾ ਪੂਰੀ ਤਰ੍ਹਾਂ ਨਾਲ ਭਾਰਤ 'ਚ ਬਣਿਆ 32-ਬਿਟ ਮਾਈਕ੍ਰੋਪ੍ਰੋਸੈਸਰ ਹੈ, ਜੋ ਲਾਂਚ ਵਾਹਨਾਂ ਦੀ ਕਠੋਰ ਵਾਤਾਵਰਣਕ ਸਥਿਤੀਆਂ 'ਚ ਉਪਯੋਗ ਲਈ ਯੋਗ ਹੈ। ਪ੍ਰੋਸੈਸਰ ਨੂੰ ਐੱਸਸੀਐੱਲ ਦੇ 180 ਐੱਨਐੱਮ (ਨੈਨੋਮੀਟਰ) ਸੀਐੱਮਓਐੱਸ (ਪੂਰਕ ਧਾਤੂ ਆਕਸਾਈਡ ਸੈਮੀਕੰਡਕਟਰ) ਸੈਮੀਕੰਡਕਟਰ ਫੈਬ 'ਚ ਤਿਆਰ ਕੀਤਾ ਗਿਆ ਹੈ।

ਇਸਰੋ ਨੇ ਸ਼ਨੀਵਾਰ ਦੇਰ ਰਾਤ ਜਾਰੀ ਇਕ ਬਿਆਨ 'ਚ ਕਿਹਾ ਕਿ ਇਹ ਪ੍ਰੋਸੈਸਰ ਸਵਦੇਸ਼ੀ ਰੂਪ ਨਾਲ ਡਿਜ਼ਾਈਨ ਕੀਤੇ ਗਏ 16-ਬਿਟ ਵਿਕਰਮ 1601 ਮਾਈਕ੍ਰੋਪ੍ਰੋਸੈਸਰ ਦਾ ਉੱਨਤ ਸੰਸਕਰਣ ਹੈ, ਜੋ 2009 ਤੋਂ ਇਸਰੋ ਦੇ ਲਾਂਚ ਵਾਹਨਾਂ ਨਦੀ ਏਵੀਓਨਿਕਸ ਪ੍ਰਣਾਲੀ 'ਚ ਕੰਮ ਕਰ ਰਿਹਾ ਹੈ। ਬਿਆਨ 'ਚ ਕਹਿਾ ਗਿਆ ਕਿ ਐੱਸਸੀਐੱਲ 'ਚ ਉੱਨਤ 180 ਐੱਨਐੱਮ ਸੈਮੀਕੰਡਕਟਰ ਬਣਾਉਣ ਤੋਂ ਬਾਅਦ 2016 'ਚ ਵਿਕਰਮ 1601 ਪ੍ਰੋਸੈਸਰ ਦਾ 'ਮੇਕ ਇਨ ਇੰਡੀਆ' ਸੰਸਕਰਣ ਸ਼ਾਮਲ ਕੀਤਾ ਗਿਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8


author

DIsha

Content Editor

Related News