''ਹੇ ਪਰਮਾਤਮਾ, ਮੇਰੀ ਸੱਸ ਤੋਂ ਛੁਟਕਾਰਾ ਦਿਵਾਓ, ਮੇਰੇ ਦੁੱਖ ਦੂਰ ਕਰੋ..!'', ਮੰਦਰ ਦੀ ਗੋਲਕ ''ਚੋਂ ਨਿਕਲੀ ''ਮੰਨਤ'' ਦੀ ਪਰਚੀ

ਨੈਸ਼ਨਲ ਡੈਸਕ- ਕਰਨਾਟਕ ਦੇ ਬੇਲਗਾਵੀ ਜ਼ਿਲ੍ਹੇ 'ਚ ਸਥਿਤ ਹੁਲੀਕੁੰਟੇਸ਼ਵਰ ਮੰਦਰ ਤੋਂ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ ਹੈ। ਅਕਸਰ ਲੋਕ ਮੰਦਰਾਂ ਦੇ ਦਾਨ-ਪਾਤਰ 'ਚ ਆਪਣੀ ਅਤੇ ਆਪਣੇ ਪਰਿਵਾਰ ਦੀ ਸੁੱਖ-ਸ਼ਾਂਤੀ ਅਤੇ ਲੰਬੀ ਉਮਰ ਲਈ ਦੁਆਵਾਂ ਪਾਉਂਦੇ ਹਨ, ਪਰ ਇੱਥੇ ਇਕ 'ਸ਼ਰਧਾਲੂ' ਨੇ 100 ਰੁਪਏ ਦੇ ਨੋਟ ਨੂੰ ਹੀ ਆਪਣਾ ਸ਼ਿਕਾਇਤ ਪੱਤਰ ਬਣਾ ਦਿੱਤਾ।

ਜਦੋਂ ਮੰਦਰ ਦੇ ਕਰਮਚਾਰੀ ਚੜ੍ਹਾਵੇ ਦੀ ਗਿਣਤੀ ਕਰ ਰਹੇ ਸਨ, ਤਾਂ ਉਨ੍ਹਾਂ ਦੇ ਹੱਥ ਇਕ ਅਜਿਹਾ 100 ਰੁਪਏ ਦਾ ਨੋਟ ਲੱਗਾ ਜਿਸ 'ਤੇ ਲਿਖਿਆ ਸੀ,"ਹੇ ਭਗਵਾਨ, ਮੇਰਾ ਦੁੱਖ ਦੂਰ ਕਰੋ ਅਤੇ ਅਗਲੀ ਸਾਲਾਨਾ ਜਤਰਾ (ਮੇਲੇ) ਦੇ ਆਉਣ ਤੋਂ ਪਹਿਲਾਂ ਮੇਰੀ ਸੱਸ ਨੂੰ ਆਪਣੇ ਕੋਲ ਬੁਲਾ ਲਓ।'' ਇਸ ਅਜੀਬੋ-ਗਰੀਬ ਮੰਗ ਨੂੰ ਪੜ੍ਹ ਕੇ ਮੰਦਰ ਪ੍ਰਸ਼ਾਸਨ ਦੇ ਹੋਸ਼ ਉੱਡ ਗਏ। ਇਹ ਅਰਜ਼ੀ ਕਿਸੇ ਪਰੇਸ਼ਾਨ ਨੂੰਹ ਨੇ ਲਿਖੀ ਹੈ ਜਾਂ ਕਿਸੇ ਦੁਖੀ ਜਵਾਈ ਨੇ, ਇਹ ਅਜੇ ਤੱਕ ਇਕ ਰਹੱਸ ਬਣਿਆ ਹੋਇਆ ਹੈ ਕਿਉਂਕਿ ਨੋਟ 'ਤੇ ਕਿਸੇ ਦਾ ਨਾਮ ਨਹੀਂ ਸੀ।

ਆਮ ਤੌਰ 'ਤੇ ਲੋਕ ਮੰਦਰਾਂ 'ਚ ਨੌਕਰੀ, ਸੰਤਾਨ ਸੁੱਖ ਜਾਂ ਬੀਮਾਰੀ ਤੋਂ ਮੁਕਤੀ ਦੀ ਮੰਗ ਕਰਦੇ ਹਨ, ਪਰ ਕਿਸੇ ਕਰੀਬੀ ਦੀ ਮੌਤ ਦੀ ਅਜਿਹੀ ਲਿਖਤੀ ਮੰਗ ਸ਼ਾਇਦ ਪਹਿਲੀ ਵਾਰ ਦੇਖੀ ਗਈ ਹੈ। ਮੰਦਰ ਪ੍ਰਬੰਧਕਾਂ ਨੇ ਇਸ ਨੂੰ ਇਕ ਨਿੱਜੀ ਮਾਮਲਾ ਮੰਨਦੇ ਹੋਏ ਕਿਸੇ ਵੀ ਤਰ੍ਹਾਂ ਦੀ ਕਾਨੂੰਨੀ ਜਾਂਚ ਤੋਂ ਇਨਕਾਰ ਕਰ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਦਾਨ-ਪਾਤਰ 'ਚ ਲੋਕ ਆਪਣੀਆਂ ਭਾਵਨਾਵਾਂ ਛੱਡ ਜਾਂਦੇ ਹਨ, ਪਰ ਅਜਿਹੀ ਨਕਾਰਾਤਮਕ ਪ੍ਰਾਰਥਨਾ ਰਿਸ਼ਤਿਆਂ 'ਚ ਵਧ ਰਹੀ ਕੁੜੱਤਣ ਅਤੇ ਤਣਾਅ ਦਾ ਇਕ ਚਿੰਤਾਜਨਕ ਚਿਹਰਾ ਦਿਖਾਉਂਦੀ ਹੈ।

ਇਹ ਘਟਨਾ ਹੁਣ ਸੋਸ਼ਲ ਮੀਡੀਆ ਅਤੇ ਸਥਾਨਕ ਇਲਾਕਿਆਂ 'ਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਮੰਦਰ ਪ੍ਰਸ਼ਾਸਨ ਨੇ ਹੁਣ ਭਗਤਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਸਥਾ ਦੇ ਕੇਂਦਰ 'ਚ ਸਕਾਰਾਤਮਕ ਊਰਜਾ ਅਤੇ ਪਿਆਰ ਦੀ ਭਾਵਨਾ ਲੈ ਕੇ ਆਉਣ। ਇਹ ਘਟਨਾ ਸਾਨੂੰ ਸੋਚਣ ਲਈ ਮਜਬੂਰ ਕਰਦੀ ਹੈ ਕਿ ਕਈ ਵਾਰ ਘਰੇਲੂ ਝਗੜੇ ਇੰਨੇ ਵਧ ਜਾਂਦੇ ਹਨ ਕਿ ਇਨਸਾਨ ਸਕੂਨ ਦੀ ਭਾਲ 'ਚ ਰੱਬ ਕੋਲੋਂ ਆਪਣੇ ਹੀ ਰਿਸ਼ਤੇਦਾਰਾਂ ਨੂੰ 'ਉਠਾ ਲੈਣ' ਦੀ ਸਿਫਾਰਿਸ਼ ਕਰਨ ਲੱਗਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e