ਇਹ ਹੈ ਦੁਨੀਆ ਦਾ ਸਭ ਤੋਂ ਮਹਿੰਗਾ ਪੈੱਨ, ਇੱਕ ਦੀ ਕੀਮਤ ''ਚ ਖਰੀਦ ਸਕਦੇ ਹੋ 70 ਫਲੈਟ

ਨਵੀਂ ਦਿੱਲੀ : ਆਮ ਤੌਰ 'ਤੇ ਅਸੀਂ ਲਿਖਣ-ਪੜ੍ਹਨ ਲਈ 10, 20 ਜਾਂ 100 ਰੁਪਏ ਦਾ ਪੈੱਨ ਵਰਤਦੇ ਹਾਂ ਅਤੇ ਕਿਸੇ ਨੂੰ ਤੋਹਫ਼ੇ ਵਜੋਂ ਦੇਣ ਲਈ ਵੱਧ ਤੋਂ ਵੱਧ 2000 ਰੁਪਏ ਤੱਕ ਖਰਚ ਕਰਦੇ ਹਾਂ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ ਵਿੱਚ ਕੁਝ ਅਜਿਹੇ ਪੈੱਨ ਵੀ ਹਨ ਜਿਨ੍ਹਾਂ ਦੀ ਕੀਮਤ ਕਰੋੜਾਂ ਵਿੱਚ ਹੈ? ਇਨ੍ਹਾਂ ਵਿੱਚੋਂ ਇੱਕ ਪੈੱਨ ਦੀ ਕੀਮਤ ਇੰਨੀ ਜ਼ਿਆਦਾ ਹੈ ਕਿ ਤੁਸੀਂ ਉਸ ਦੀ ਕੀਮਤ ਵਿੱਚ 70 ਆਲੀਸ਼ਾਨ ਫਲੈਟ ਜਾਂ ਕਈ ਲਗਜ਼ਰੀ ਗੱਡੀਆਂ ਖਰੀਦ ਸਕਦੇ ਹੋ।

ਇਟਲੀ ਦੀ ਕੰਪਨੀ ਟਿਬਾਲਡੀ (Tibaldi) ਵੱਲੋਂ ਬਣਾਇਆ ਗਿਆ 'ਫੁਲਗਰ ਨੋਕਟਾਰਨਸ' (Fulgor Nocturnus) ਫਾਉਂਟੇਨ ਪੈੱਨ ਦੁਨੀਆ ਦਾ ਸਭ ਤੋਂ ਮਹਿੰਗਾ ਪੈੱਨ ਮੰਨਿਆ ਜਾਂਦਾ ਹੈ। ਸਾਲ 2020 ਵਿੱਚ ਸ਼ੰਘਾਈ ਵਿੱਚ ਹੋਈ ਇੱਕ ਨਿਲਾਮੀ ਦੌਰਾਨ ਇਸ ਨੂੰ 80 ਲੱਖ ਡਾਲਰ (ਲਗਭਗ 70 ਕਰੋੜ ਭਾਰਤੀ ਰੁਪਏ) ਵਿੱਚ ਵੇਚਿਆ ਗਿਆ ਸੀ।

ਇਸ ਪੈੱਨ ਦੇ ਇੰਨੇ ਮਹਿੰਗੇ ਹੋਣ ਦੇ ਕਈ ਖ਼ਾਸ ਕਾਰਨ ਹਨ। ਇਸ ਪੈੱਨ ਵਿੱਚ 945 ਕਾਲੇ ਹੀਰੇ ਅਤੇ 123 ਰੂਬੀ ਜੜੇ ਹੋਏ ਹਨ। ਇਸ ਦੀ ਨਿਬ 22 ਕੈਰੇਟ ਸੋਨੇ ਦੀ ਬਣੀ ਹੋਈ ਹੈ। ਇਸ ਵਿੱਚ ਕੋਈ ਆਮ ਸਿਆਹੀ ਨਹੀਂ, ਸਗੋਂ ਇੱਕ ਖ਼ਾਸ ਕਿਸਮ ਦੀ ਚਮਕਦਾਰ ਇੰਕ ਵਰਤੀ ਜਾਂਦੀ ਹੈ, ਜਿਸ ਕਾਰਨ ਇਸ ਨਾਲ ਲਿਖੇ ਗਏ ਸ਼ਬਦ ਚਮਕਦੇ ਹਨ।

ਲਗਜ਼ਰੀ ਸਾਮਾਨ ਬਣਾਉਣ ਵਾਲੀ ਜਰਮਨ ਕੰਪਨੀ ਮੋਂਟ ਬਲਾਂਕ (Montblanc) ਦਾ ਇੱਕ ਪੈੱਨ ਮੁਗਲ ਵਾਸਤੂਕਲਾ ਅਤੇ ਤਾਜ ਮਹਿਲ ਦੀ ਸੁੰਦਰਤਾ ਤੋਂ ਪ੍ਰੇਰਿਤ ਹੈ। ਦੁਨੀਆ ਵਿੱਚ ਅਜਿਹੇ ਸਿਰਫ਼ 10 ਪੈੱਨ ਹੀ ਮੌਜੂਦ ਹਨ ਅਤੇ ਇੱਕ ਦੀ ਕੀਮਤ ਲਗਭਗ 17.35 ਕਰੋੜ ਰੁਪਏ ਹੈ। 

ਕੁਝ ਹੋਰ ਮਹਿੰਗੇ ਪੈੱਨ:
   ਸਟੇਲਾ ਨੋਵਾ ਪੈੱਨ: ਇਸ ਦੀ ਕੀਮਤ 13 ਕਰੋੜ ਰੁਪਏ ਹੈ, ਜਿਸ ਵਿੱਚ 5,294 ਨੀਲਮ ਅਤੇ 570 ਹੀਰੇ ਲੱਗੇ ਹੋਏ ਹਨ।
   ਮੋਂਟ ਬਲਾਂਕ ਬੋਹੇਮ ਰਾਇਲ: ਇਸ ਦੀ ਕੀਮਤ ਵੀ 13 ਕਰੋੜ ਰੁਪਏ ਹੈ, ਜਿਸ ਦੀ ਕਲਿੱਪ 'ਪੈਰਾਮਾਉਂਟ-ਕੱਟ' ਹੀਰੇ ਨਾਲ ਬਣੀ ਹੈ।
   ਔਰੋਰਾ ਡਿਆਮੰਤੇ: ਇਟਲੀ ਦੀ ਕੰਪਨੀ ਵੱਲੋਂ ਬਣਾਏ ਗਏ ਇਸ ਪੈੱਨ ਦੀ ਕੀਮਤ 12.75 ਕਰੋੜ ਰੁਪਏ ਹੈ ਅਤੇ ਇਹ 1919 ਡੀ ਬੀਅਰਸ ਹੀਰਿਆਂ ਨਾਲ ਜੜਿਆ ਹੋਇਆ ਹੈ।