ਪਤੀ ਨੇ ਜ਼ਮੀਨ ਵੇਚ ਕੇ ਬਣਾਇਆ ਟੀਚਰ, ਨੌਕਰੀ ਲੱਗਣ ਮਗਰੋਂ ਪ੍ਰੇਮੀ ਨਾਲ ਫੜ੍ਹੀ ਗਈ ਪਤਨੀ (Video Viral)

ਹਾਜੀਪੁਰ (ਬਿਹਾਰ): ਬਿਹਾਰ ਦੇ ਵੈਸ਼ਾਲੀ ਜ਼ਿਲ੍ਹੇ ਤੋਂ ਪਿਆਰ, ਕੁਰਬਾਨੀ ਅਤੇ ਧੋਖੇ ਦੀ ਇੱਕ ਅਜਿਹੀ ਖ਼ਬਰ ਸਾਹਮਣੇ ਆਈ ਹੈ ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਹਾਜੀਪੁਰ ਦੀਆਂ ਸੜਕਾਂ 'ਤੇ ਉਸ ਵੇਲੇ ਹੰਗਾਮਾ ਹੋ ਗਿਆ ਜਦੋਂ ਇੱਕ ਪਤੀ ਨੇ ਆਪਣੀ ਅਧਿਆਪਕਾ ਪਤਨੀ ਨੂੰ ਉਸ ਦੇ ਪ੍ਰੇਮੀ ਨਾਲ ਇਤਰਾਜ਼ਯੋਗ ਹਾਲਤ ਵਿੱਚ ਫੜ ਲਿਆ।

ਜ਼ਮੀਨ ਵੇਚ ਕੇ ਪੜ੍ਹਾਇਆ, ਬਦਲੇ 'ਚ ਮਿਲਿਆ ਧੋਖਾ
ਪੀੜਤ ਪਤੀ ਅਮਨ ਕੁਮਾਰ, ਜੋ ਕਿ ਪੇਸ਼ੇ ਤੋਂ ਫ਼ੋਟੋਗ੍ਰਾਫਰ ਹੈ, ਨੇ ਦੱਸਿਆ ਕਿ ਉਸ ਦਾ ਵਿਆਹ ਸਾਲ 2013 ਵਿੱਚ ਹੋਇਆ ਸੀ। ਆਪਣੀ ਪਤਨੀ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਉਸ ਨੇ ਦਿਨ-ਰਾਤ ਮਿਹਨਤ ਕੀਤੀ। ਅਮਨ ਅਨੁਸਾਰ, ਉਸ ਨੇ ਆਪਣੀ ਪਤਨੀ ਨੂੰ ਬਿਊਟੀਸ਼ੀਅਨ ਦਾ ਕੋਰਸ ਕਰਵਾਇਆ ਅਤੇ ਫਿਰ ਉਸ ਨੂੰ ਬੀ.ਪੀ.ਐੱਸ.ਸੀ. (BPSC) ਦੀ ਤਿਆਰੀ ਕਰਵਾਉਣ ਲਈ ਆਪਣੀ ਪੁਸ਼ਤੈਨੀ ਜ਼ਮੀਨ ਤੱਕ ਵੇਚ ਦਿੱਤੀ। ਜਨਵਰੀ 2024 ਵਿੱਚ ਉਸ ਦੀ ਪਤਨੀ ਦੀ ਚੋਣ ਇੱਕ ਸਰਕਾਰੀ ਅਧਿਆਪਕਾ ਵਜੋਂ ਹੋ ਗਈ।

हाजीपुर में एक BPSC शिक्षिका को उसके पति ने कथित तौर पर प्रेमी के साथ पकड़ लिया, जिसके बाद मौके पर जमकर हंगामा हुआ।

बताया जा रहा है कि पत्नी की पढ़ाई और नौकरी के लिए पति ने अपनी जमीन तक बेच दी थी, लेकिन नौकरी मिलने के बाद महिला ने पति और परिवार से दूरी बना ली। pic.twitter.com/bxxMdJDTze

— Radio India (@iradioindia) May 28, 2026

ਟ੍ਰੇਨਿੰਗ ਦੌਰਾਨ ਸ਼ੁਰੂ ਹੋਇਆ ਪ੍ਰੇਮ ਪ੍ਰਸੰਗ
ਅਮਨ ਨੇ ਦੋਸ਼ ਲਾਇਆ ਕਿ ਸੁਪੌਲ ਜ਼ਿਲ੍ਹੇ ਵਿੱਚ ਟ੍ਰੇਨਿੰਗ ਦੌਰਾਨ ਉਸ ਦੀ ਪਤਨੀ ਦੀ ਮੁਲਾਕਾਤ ਪ੍ਰੇਮ ਪ੍ਰਕਾਸ਼ ਜੈਵਾਲ ਨਾਮ ਦੇ ਵਿਅਕਤੀ ਨਾਲ ਹੋਈ। ਇਸ ਤੋਂ ਬਾਅਦ ਉਸ ਦੇ ਵਿਵਹਾਰ ਵਿੱਚ ਬਦਲਾਅ ਆਉਣ ਲੱਗਾ। ਪਤੀ ਦਾ ਦਾਅਵਾ ਹੈ ਕਿ ਉਸ ਦੀ ਪਤਨੀ ਆਪਣੇ ਕਥਿਤ ਪ੍ਰੇਮੀ ਨਾਲ ਦਾਰਜੀਲਿੰਗ ਘੁੰਮਣ ਵੀ ਗਈ ਸੀ ਅਤੇ ਪਿਛਲੇ ਇੱਕ ਸਾਲ ਤੋਂ ਘਰ ਛੱਡ ਕੇ ਹਾਜੀਪੁਰ ਵਿੱਚ ਰਹਿ ਰਹੀ ਸੀ।

ਮਾਸੂਮ ਪੁੱਤਰ ਨੇ ਖੋਲ੍ਹੀ ਮਾਂ ਦੀ ਪੋਲ
ਇਸ ਪੂਰੇ ਮਾਮਲੇ ਵਿੱਚ 10 ਸਾਲ ਦੇ ਮਾਸੂਮ ਬੇਟੇ ਦੇ ਖੁਲਾਸੇ ਨੇ ਸਭ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਬੱਚੇ ਨੇ ਰੋਂਦੇ ਹੋਏ ਦੱਸਿਆ ਕਿ ਉਸ ਦੀ ਮਾਂ ਉਸ ਨੂੰ ਮਾਰਦੀ ਸੀ ਅਤੇ ਘਰ ਆਉਣ ਵਾਲੇ 'ਅੰਕਲ' ਨੂੰ 'ਮਾਮਾ' ਕਹਿਣ ਲਈ ਮਜਬੂਰ ਕਰਦੀ ਸੀ। ਬੱਚੇ ਨੇ ਦੱਸਿਆ ਕਿ ਉਸ ਦੀ ਮਾਂ ਉਸ ਨੂੰ ਡਰਾਉਂਦੀ ਸੀ ਕਿ ਜੇਕਰ ਕੋਈ ਪੁੱਛੇ ਤਾਂ ਉਹਨਾਂ ਨੂੰ ਮਾਮਾ ਹੀ ਦੱਸਣਾ ਹੈ।

ਸੜਕ 'ਤੇ ਹਾਈ-ਵੋਲਟੇਜ ਡਰਾਮਾ
ਜਦੋਂ ਅਮਨ ਆਪਣੀ ਪਤਨੀ ਦੇ ਕਿਰਾਏ ਦੇ ਮਕਾਨ 'ਤੇ ਪਹੁੰਚਿਆ, ਤਾਂ ਉੱਥੇ ਪਤਨੀ ਨੂੰ ਪ੍ਰੇਮੀ ਨਾਲ ਦੇਖ ਕੇ ਹੰਗਾਮਾ ਸ਼ੁਰੂ ਹੋ ਗਿਆ। ਸੜਕ 'ਤੇ ਕਾਫੀ ਦੇਰ ਤੱਕ ਚੱਲੇ ਇਸ ਡਰਾਮੇ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਮਾਮਲੇ ਨੂੰ ਸ਼ਾਂਤ ਕਰਵਾਇਆ। ਫਿਲਹਾਲ ਅਦਾਲਤ ਵਿੱਚ ਕੇਸ ਚੱਲ ਰਿਹਾ ਹੈ, ਜਿਸ ਕਾਰਨ ਕੋਈ ਨਵੀਂ ਐੱਫ.ਆਈ.ਆਰ. (FIR) ਦਰਜ ਨਹੀਂ ਹੋਈ ਹੈ। ਪੀੜਤ ਅਮਨ ਨੇ ਹੁਣ ਅਜਿਹੀ ਪਤਨੀ ਨਾਲ ਰਹਿਣ ਤੋਂ ਸਾਫ ਇਨਕਾਰ ਕਰ ਦਿੱਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e