ਸ਼੍ਰੀ ਕ੍ਰਿਸ਼ਣ ਜਨਮ ਭੂਮੀ ਵਿਵਾਦ : ਮੁੱਦਈ ਦੇ ਕ੍ਰਿਸ਼ਣ ਦਾ ਵੰਸ਼ਜ ਹੋਣ ਦੇ ਦਾਅਵੇ ’ਤੇ ਉੱਠੇ ਸਵਾਲ
07/07/2022 1:50:01 PM
ਮਥੁਰਾ– ਉੱਤਰ ਪ੍ਰਦੇਸ਼ ਵਿਚ ਮਥੁਰਾ ਦੀਆਂ ਵੱਖ-ਵੱਖ ਅਦਾਲਤਾਂ ਵਿਚ ਸ਼੍ਰੀ ਕ੍ਰਿਸ਼ਣ ਜਨਮ ਭੂਮੀ ਵਿਵਾਦ ਨਾਲ ਜੁੜੇ ਮੁਕੱਦਮੇ ਵਿਚ ਦਿਲਚਸਪ ਮੋੜ ਉਸ ਸਮੇਂ ਆ ਗਿਆ, ਜਦੋਂ ਵਿਵਾਦ ਵਿਚ ਸ਼ਾਮਲ ਤੀਜੇ ਪੱਖ ਨੇ ਮੁੱਦਈ ਦੇ ਸ਼੍ਰੀ ਕ੍ਰਿਸ਼ਣ ਦੇ ਵੰਸ਼ਜ ਹੋਣ ਦੇ ਦਾਅਵੇ ’ਤੇ ਹੀ ਸਵਾਲੀਆ ਨਿਸ਼ਾਨ ਲਗਾ ਦਿੱਤਾ।
ਮੁੱਦਈ ਦੇ ਵਕੀਲ ਦੀਪਕ ਸ਼ਰਮਾ ਨੇ ਬੁੱਧਵਾਰ ਨੂੰ ਦੱਸਿਆ ਕਿ ਤੀਜੀ ਧਿਰ ਯਦੁਵੰਸ਼ੀ ਜਾਦੌਨ ਮਹਾਸਭਾ ਦੇ ਅਹੁਦੇਦਾਰਾਂ ਨੇ ਸਿਵਲ ਜੱਜ ਸੀਨੀਅਰ ਡਵੀਜ਼ਨ ਜੋਤੀ ਸਿੰਘ ਦੀ ਅਦਾਲਤ ਵਿਚ ਪ੍ਰਾਰਥਨਾ ਪੱਤਰ ਦੇ ਕੇ ਕਿਹਾ ਹੈ ਕਿ ਇਸ ਵਿਵਾਦ ਦੇ ਮੁੱਦਈ ਮਨੀਸ਼ ਯਾਦਵ ਨੇ ਆਪਣੇ ਆਪ ਨੂੰ ਸ਼੍ਰੀ ਕ੍ਰਿਸ਼ਣ ਦੇ ਵੰਸ਼ਜ ਹੋਣ ਦਾ ਦਾਅਵਾ ਕੀਤਾ ਹੈ ਜਦਕਿ ਉਹ ਅਹੀਰ ਜਾਤੀ ਦਾ ਹੈ। ਉਨ੍ਹਾਂ ਦਲੀਲ ਦਿੱਤੀ ਕਿ ਭਗਵਾਨ ਸ਼੍ਰੀ ਕ੍ਰਿਸ਼ਣ ਦਾ ਵੰਸ਼ ਖੇਤਰੀ ਚੰਦਰਵੰਸ਼ ਦੀ ਸ਼ਾਖਾ ਯਦੁਵੰਸ਼ ਕੁਲ ਤੋਂ ਹਨ। ਭਗਵਾਨ ਸ਼੍ਰੀ ਕ੍ਰਿਸ਼ਣ ਯਦੁਵੰਸ਼ੀ ਖੇਤਰੀ ਜਾਤੀ ਦੇ ਸਨ ਨਾ ਕਿ ਅਹੀਰ ਸਨ। ਤੀਜੇ ਪੱਖ ਨੇ ਇਸ ਤਰ੍ਹਾਂ ਦੇ ਕਈ ਤਰਕ ਦੇ ਕੇ ਇਹ ਸਿੱਧ ਕਰਨ ਦੀ ਕੋਸ਼ਿਸ਼ ਕੀਤੀ ਕਿ ਮੁੱਦਈ ਮਨੀਸ਼ ਯਾਦਵ, ਭਗਵਾਨ ਸ਼੍ਰੀ ਕ੍ਰਿਸ਼ਣ ਦੇ ਵੰਸ਼ਜ ਨਹੀਂ ਹਨ।
ਐਡਵੋਕੇਟ ਸ਼ਰਮਾ ਨੇ ਦੱਸਿਆ ਕਿ ਮੁੱਦਈ ਮਨੀਸ਼ ਯਾਦਵ ਨੇ ਮੰਗਲਵਾਰ ਨੂੰ ਅਦਾਲਤ ਵਿਚ ਕਿਹਾ ਕਿ ਤੀਜੇ ਪੱਖ ਵਲੋਂ ਦਿੱਤਾ ਗਿਆ ਪ੍ਰਾਰਥਨਾ-ਪੱਤਰ ਸਵੀਕਾਰ ਕਰਨ ਯੋਗ ਨਹੀਂ ਹੈ, ਕਿਉਂਕਿ ਤੀਜੇ ਪੱਖ ਨੇ ਇਸ ਵਿਵਾਦ ਦੇ ਬਚਾਅ ਪੱਖ ਨੂੰ ਮਿਲ ਕੇ ਇਹ ਪ੍ਰਾਰਥਨਾ ਪੱਤਰ ਦਿੱਤਾ ਹੈ। ਅਦਾਲਤ ਨੇ ਇਸ ਮਾਮਲੇ ਵਿਚ ਸੁਣਵਾਈ ਲਈ 16 ਜੁਲਾਈ ਦੀ ਤਰੀਕ ਤੈਅ ਕੀਤੀ ਹੈ।
