ਦੂਜੀ ਮੰਜ਼ਿਲ ’ਤੇ ਲਟਕਦਾ ਰਿਹਾ ਨੰਨ੍ਹਾ ਬੱਚਾ, ਹੌਲੀ-ਹੌਲੀ ਆਉਂਦਾ ਰਿਹਾ ਹੇਠਾਂ, ਵੀਡੀਓ ਦੇਖ ਦੰਦਾਂ ਥੱਲੇ ਆ ਜਾਵੇਗੀ ਜੀਭ

ਨੈਸ਼ਨਲ ਡੈਸਕ– ਤਾਮਿਲਨਾਡੂ ਦੇ ਚੇਨਈ ’ਚ ਇਕ ਅਪਾਰਟਮੈਂਟ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਹੈ। ਵੀਡੀਓ ਮੁਤਾਬਕ ਇਕ ਬੱਚਾ ਦੂਜੀ ਮੰਜ਼ਿਲ ਤੋਂ ਹੇਠਾਂ ਡਿੱਗਣ ਵਾਲਾ ਸੀ ਪਰ ਫਿਰ ‘ਚਮਤਕਾਰ’ ਹੋਇਆ ਤੇ ਉਸ ਦੀ ਜਾਨ ਬਚ ਗਈ। ਜਿਸ ਨੇ ਵੀ ਇਸ ਵੀਡੀਓ ਨੂੰ ਦੇਖਿਆ ਉਹ ਕੁਝ ਮਿੰਟਾਂ ਲਈ ਹੈਰਾਨ ਰਹਿ ਗਿਆ। ਦਰਅਸਲ ਬੱਚਾ ਬਾਲਕੋਨੀ ਰਾਹੀਂ ਪਲਾਸਟਿਕ ਦੀ ਸ਼ੀਟ ਤੱਕ ਪਹੁੰਚਿਆ। ਹੌਲੀ-ਹੌਲੀ ਉਹ ਹੇਠਾਂ ਡਿੱਗਣ ਲੱਗਾ। ਜਦੋਂ ਆਲੇ-ਦੁਆਲੇ ਦੇ ਲੋਕਾਂ ਨੇ ਇਹ ਦੇਖਿਆ ਤਾਂ ਉਹ ਉਸ ਦੀ ਜਾਨ ਬਚਾਉਣ ਲਈ ਹੇਠਾਂ ਇਕੱਠੇ ਹੋਣ ਲੱਗੇ। ਇਕ ਚਾਦਰ ਵੀ ਹੇਠਾਂ ਲਿਆਂਦੀ ਗਈ ਤਾਂ ਜੋ ਬੱਚਾ ਡਿੱਗ ਜਾਵੇ ਤੇ ਉਸ ਨੂੰ ਬਚਾਇਆ ਜਾ ਸਕੇ। ਹਾਲਾਂਕਿ ਇਸ ਦੌਰਾਨ ਪਹਿਲੀ ਮੰਜ਼ਿਲ ਤੋਂ ਕੁਝ ਲੋਕਾਂ ਨੇ ਬੱਚੇ ਨੂੰ ਸੁਰੱਖਿਅਤ ਬਚਾ ਲਿਆ।

ਇਹ ਖ਼ਬਰ ਵੀ ਪੜ੍ਹੋ : ਦੁਬਈ ’ਚ ਬਣੇਗਾ ਦੁਨੀਆ ਦਾ ਸਭ ਤੋਂ ਵੱਡਾ ਅੰਤਰਰਾਸ਼ਟਰੀ ਹਵਾਈ ਅੱਡਾ, ਲਾਗਤ ‘2 ਲੱਖ 91 ਹਜ਼ਾਰ ਕਰੋੜ ਰੁਪਏ’

ਬੱਚੇ ਦੀ ਜਾਨ ਕਿਵੇਂ ਬਚਾਈ
ਕਰੀਬ 3 ਮਿੰਟ ਦੀ ਇਹ ਵੀਡੀਓ ਅਪਾਰਟਮੈਂਟ ਦੇ ਸਾਹਮਣੇ ਸਥਿਤ ਟਾਵਰ ਤੋਂ ਬਣਾਈ ਗਈ ਸੀ। ਵੀਡੀਓ ’ਚ ਇਕ ਛੋਟਾ ਬੱਚਾ ਹੌਲੀ-ਹੌਲੀ ਪਲਾਸਟਿਕ ਦੀ ਚਾਦਰ ’ਤੇ ਉਤਰਦਾ ਦਿਖਾਈ ਦੇ ਰਿਹਾ ਹੈ। ਪਹਿਲਾਂ ਤਾਂ ਲੋਕ ਜ਼ਮੀਨ ’ਤੇ ਛੋਟੀ ਬੈੱਡਸ਼ੀਟ ਲੈ ਕੇ ਆਉਂਦੇ ਹਨ ਪਰ ਕੁਝ ਸਮੇਂ ਬਾਅਦ ਵੱਡੀ ਬੈੱਡਸ਼ੀਟ ਲੈ ਕੇ ਆਉਂਦੇ ਹਨ। ਇਸ ਦੌਰਾਨ ਪਹਿਲੀ ਮੰਜ਼ਿਲ ’ਤੇ ਮੌਜੂਦ ਲੋਕ ਵੀ ਚੌਕਸ ਹੋ ਗਏ ਤੇ ਇਕ ਵਿਅਕਤੀ ਖਿੜਕੀਆਂ ਰਾਹੀਂ ਬਾਹਰ ਆ ਗਿਆ। ਇਸ ਤੋਂ ਬਾਅਦ ਇਕ ਹੋਰ ਵਿਅਕਤੀ ਬਾਹਰ ਆਉਂਦਾ ਹੈ, ਦੂਜੇ ਪਾਸੇ ਉੱਪਰ ਵਾਲਾ ਬੱਚਾ ਹੌਲੀ-ਹੌਲੀ ਹੇਠਾਂ ਤਿਲਕਦਾ ਰਹਿੰਦਾ ਹੈ। ਇਸ ਤੋਂ ਬਾਅਦ ਖਿੜਕੀ ਤੋਂ ਬਾਹਰ ਆਏ ਇਕ ਵਿਅਕਤੀ ਨੇ ਹੇਠਾਂ ਡਿੱਗਣ ਤੋਂ ਪਹਿਲਾਂ ਹੀ ਆਪਣੇ ਹੱਥਾਂ ਨਾਲ ਬੱਚੇ ਨੂੰ ਸੁਰੱਖਿਅਤ ਬਚਾ ਲਿਆ। ਇਹ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ ’ਤੇ ਵਾਇਰਲ ਹੋ ਰਹੀ ਹੈ।

A child accidentally fell from a balcony, got stuck in a shed, and was rescued by people after a few minutes of struggling at Choolaimedu area in #Chennai 👇 pic.twitter.com/u467mXoXrp

— 𝗴𝘀𝗰ʜᴀɴᴅʀᴇꜱʜ | சந்திரேஷ் (@gschandresh) April 28, 2024

ਬੱਚੇ ਨੂੰ ਬਚਾਉਣ ਵਾਲੇ ਵਿਅਕਤੀ ਦੀ ਤਾਰੀਫ਼ ਕਰ ਰਹੇ ਲੋਕ
ਜਦੋਂ ਤੱਕ ਬੱਚਾ ਪਲਾਸਟਿਕ ਦੀ ਚਾਦਰ ’ਤੇ ਰਿਹਾ, ਆਲੇ-ਦੁਆਲੇ ਰਹਿਣ ਵਾਲੇ ਲੋਕਾਂ ਦੇ ਸਾਹ ਰੁਕੇ ਰਹੇ। ਬਾਅਦ ’ਚ ਲੋਕ ਉਸ ਦੇ ਬਚਣ ਤੋਂ ਬਹੁਤ ਖ਼ੁਸ਼ ਨਜ਼ਰ ਆਏ। ਵੀਡੀਓ ਦੇਖਣ ਤੋਂ ਬਾਅਦ ਸੋਸ਼ਲ ਮੀਡੀਆ ਪਲੇਟਫਾਰਮ ’ਤੇ ਇਕ ਯੂਜ਼ਰ ਨੇ ਕਿਹਾ, ‘‘ਮੈਂ ਇਹ ਨਹੀਂ ਦੇਖ ਸਕਦਾ, ਮੈਨੂੰ ਦਿਲ ਦਾ ਦੌਰਾ ਪੈ ਜਾਵੇਗਾ। ਬਚਾਉਣ ਵਾਲੇ ਦਾ ਧੰਨਵਾਦ।’’ ਇਸ ਦੇ ਨਾਲ ਹੀ ਇਕ ਵਿਅਕਤੀ ਨੇ ਇਹ ਸਵਾਲ ਵੀ ਉਠਾਇਆ ਕਿ ਜਦੋਂ ਬੱਚਾ ਇਥੇ ਜਾ ਰਿਹਾ ਸੀ ਤਾਂ ਮਾਤਾ-ਪਿਤਾ ਕੀ ਕਰ ਰਹੇ ਸਨ?

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।