ਸਾਵਣ ਦੇ ਪਹਿਲੇ ਸੋਮਵਾਰ ਕਰੋ ਇਹ ਉਪਾਅ, ਦੂਰ ਹੋਣਗੀਆਂ ਵਿਆਹ ''ਚ ਆ ਰਹੀਆਂ ਰੁਕਾਵਟਾਂ

ਨੈਸ਼ਨਲ ਡੈਸਕ- ਸਾਵਣ ਮਹੀਨਾ ਭਗਵਾਨ ਸ਼ਿਵ ਦੀ ਪੂਜਾ ਲਈ ਸਭ ਤੋਂ ਪਵਿੱਤਰ ਸਮਾਂ ਮੰਨਿਆ ਜਾਂਦਾ ਹੈ। ਖਾਸ ਕਰਕੇ ਸਾਵਣ ਦੇ ਸੋਮਵਾਰ ਨੂੰ ਭੋਲੇਨਾਥ ਦੀ ਪੂਜਾ ਕਰਨ ਨਾਲ ਵਿਆਹ 'ਚ ਆ ਰਹੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ ਅਤੇ ਜਲਦ ਵਿਆਹ ਦੇ ਯੋਗ ਬਣਦੇ ਹਨ। ਜੇਕਰ ਤੁਹਾਡਾ ਜਾਂ ਤੁਹਾਡੇ ਪਰਿਵਾਰ 'ਚ ਕਿਸੇ ਕੁੜੀ ਜਾਂ ਮੁੰਡੇ ਦਾ ਵਿਆਹ ਨਹੀਂ ਹੋ ਪਾ ਰਿਹਾ ਹੈ, ਤਾਂ ਸਾਵਣ ਦੇ ਪਹਿਲੇ ਸੋਮਵਾਰ ਨੂੰ ਇਹ ਉਪਾਅ ਕਰੋ:

ਸਾਵਣ ਦੇ ਪਹਿਲੇ ਸੋਮਵਾਰ ਲਈ ਵਿਸ਼ੇਸ਼ ਉਪਾਅ

ਸਵੇਰੇ ਇਸ਼ਨਾਨ ਕਰ ਕੇ ਸਾਫ਼ ਕੱਪੜੇ ਪਾਓ। ਸ਼ਿਵਲਿੰਗ 'ਤੇ ਗੰਗਾਜਲ, ਦੁੱਧ, ਦਹੀਂ, ਸ਼ਹਿਦ, ਘਿਓ ਅਤੇ ਖੰਡ ਨਾਲ ਅਭਿਸ਼ੇਕ ਕਰੋ। 7 ਤਰ੍ਹਾਂ ਦੇ ਫੁੱਲ, ਬੇਲ ਪੱਤਰ, ਧਤੂਰਾ ਚੜ੍ਹਾਓ। ਮਾਂ ਪਾਰਵਤੀ ਨੂੰ ਸਿੰਦੂਰ, ਚੂੜੀਆਂ ਅਤੇ ਸ਼ਿੰਗਾਰ ਦਾ ਸਾਮਾਨ ਚੜ੍ਹਾਓ। "ਓਮ ਨਮਹ ਸ਼ਿਵਾਏ" ਮੰਤਰ ਦਾ ਘੱਟੋ-ਘੱਟ 108 ਵਾਰ ਜਾਪ ਕਰੋ, ਇਸ ਨਾਲ ਮਨ ਨੂੰ ਸ਼ਾਂਤੀ ਮਿਲੇਗੀ ਅਤੇ ਸਕਾਰਾਤਮਕ ਊਰਜਾ ਦਾ ਸੰਚਾਰ ਹੋਵੇਗਾ।

ਮੰਦਰ 'ਚ ਕੰਨਿਆਵਾਂ ਨੂੰ ਭੋਜਨ ਕਰਵਾਓ

ਸਾਵਣ ਦੇ ਪਹਿਲੇ ਸੋਮਵਾਰ ਨੂੰ 5, 7 ਜਾਂ 11 ਕੁੜੀਆਂ ਨੂੰ ਖੀਰ, ਪੂੜੀ, ਸਬਜ਼ੀ ਆਦਿ ਖੁਆਓ ਅਤੇ ਉਨ੍ਹਾਂ ਨੂੰ ਤੋਹਫ਼ੇ ਦਿਓ, ਇਸ ਨਾਲ ਵਿਵਾਹਿਕ ਸੁੱਖ ਦੇ ਦਰਵਾਜ਼ੇ ਖੁੱਲ੍ਹਦੇ ਹਨ। ਕੱਚੇ ਦੁੱਧ ਨਾਲ ਸ਼ਿਵਲਿੰਗ ਦਾ ਅਭਿਸ਼ੇਕ ਕਰੋ, ਇਹ ਮੰਨਿਆ ਜਾਂਦਾ ਹੈ ਕਿ ਭਗਵਾਨ ਸ਼ਿਵ ਨੂੰ ਦੁੱਧ ਨਾਲ ਅਭਿਸ਼ੇਕ ਕਰਨ ਨਾਲ ਵਿਆਹ 'ਚ ਆਉਣ ਵਾਲੀਆਂ ਰੁਕਾਵਟਾਂ ਦੂਰ ਹੋ ਜਾਂਦੀਆਂ ਹਨ। ਅਭਿਸ਼ੇਕ ਕਰਦੇ ਸਮੇਂ, "ਹੇ ਦੇਵਾਧਿਦੇਵ ਮਹਾਦੇਵ! ਮੇਰੇ ਜੀਵਨ 'ਚ ਸਾਰੀਆਂ ਵਿਵਾਹਿਕ ਰੁਕਾਵਟਾਂ ਨੂੰ ਦੂਰ ਕਰੋ" ਜ਼ਰੂਰ ਬੋਲੋ।

108 ਬੇਲ ਪੱਤੇ ਚੜ੍ਹਾਓ

ਧਾਰਮਿਕ ਸ਼ਾਸਤਰਾਂ ਅਨੁਸਾਰ, ਜੇਕਰ ਸਾਵਣ ਦੇ ਮਹੀਨੇ 'ਚ ਭਗਵਾਨ ਸ਼ਿਵ ਜੀ ਦੇ ਨਾਲ ਮਾਂ ਪਾਰਵਤੀ ਦੀ ਸਾਂਝੀ ਪੂਜਾ ਕੀਤੀ ਜਾਵੇ ਤਾਂ ਨਾ ਸਿਰਫ਼ ਵਿਆਹ ਜਲਦੀ ਹੁੰਦਾ ਹੈ, ਸਗੋਂ ਵਿਆਹੁਤਾ ਜੀਵਨ 'ਚ ਆਉਣ ਵਾਲੀਆਂ ਰੁਕਾਵਟਾਂ ਵੀ ਦੂਰ ਹੋ ਜਾਂਦੀਆਂ ਹਨ। ਇਸ ਤੋਂ ਇਲਾਵਾ ਪੂਜਾ ਦੇ ਸਮੇਂ 108 ਬੇਲ ਦੇ ਪੱਤੇ ਲੈ ਕੇ ਇਸ 'ਤੇ ਚੰਦਨ ਨਾਲ 'ਸ਼੍ਰੀ ਰਾਮ' ਲਿ ਕੇ ਇਕ-ਇਕ ਕਰ ਕੇ ਸ਼ਿਵਲਿੰਗ 'ਤੇ ਚੜ੍ਹਾਓ। ਇਹ ਉਪਾਅ ਵਿਆਹ 'ਚ ਆਉਣ ਵਾਲੀਆਂ ਰੁਕਾਵਟਾਂ ਨੂੰ ਦੂਰ ਕਰਦਾ ਹੈ।

5 ਨਾਰੀਅਲ ਚੜ੍ਹਾਓ

ਜੇਕਰ ਵਿਆਹ 'ਚ ਵਾਰ-ਵਾਰ ਰੁਕਾਵਟਾਂ ਆਉਂਦੀਆਂ ਹਨ ਤਾਂ 5 ਨਾਰੀਅਲ ਲਵੋ ਅਤੇ ਭਗਵਾਨ ਸ਼ਿਵ ਦੀ ਮੂਰਤੀ ਦੇ ਸਾਹਮਣੇ ਰੱਖ ਕੇ 'ਓਮ ਸ਼੍ਰੀ ਵਰ ਪ੍ਰਦਾਯ ਸ਼੍ਰੀ ਨਮ:' ਮੰਤਰ ਦਾ 5 ਮਾਲਾ ਜਾਪ ਕਰੋ। ਇਸ ਤੋਂ ਬਾਅਦ, ਭਗਵਾਨ ਸ਼ਿਵ ਦੇ ਮੰਦਰ 'ਚ ਪੰਜ ਨਾਰੀਅਲ ਚੜ੍ਹਾਓ। ਇਸ ਤੋਂ ਇਲਾਵਾ ਲਗਾਤਾਰ 10 ਦਿਨਾਂ ਤੱਕ ਸ਼ਿਵਲਿੰਗ 'ਤੇ ਅਤਰ ਚੜ੍ਹਾਓ। ਅਜਿਹਾ ਕਰਨ ਨਾਲ, ਜਲਦੀ ਵਿਆਹ ਹੋਣ ਦੀ ਸੰਭਾਵਨਾ ਬਣ ਜਾਵੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8