ਵੈੱਬ ਡੈਸਕ - ਹਿੰਦੂ ਧਰਮ ਦੇ ਪਵਿੱਤਰ ਤਿਉਹਾਰਾਂ 'ਚੋਂ ਇਕ, ਚੇਤ ਨਰਾਤੇ, ਸਾਲ 2026 'ਚ 19 ਮਾਰਚ ਤੋਂ ਸ਼ੁਰੂ ਹੋ ਕੇ 27 ਮਾਰਚ ਤੱਕ ਮਨਾਈ ਜਾਵੇਗੀ। ਇਸ ਵਾਰ ਨਰਾਤਿਆਂ ਦੀ ਸ਼ੁਰੂਆਤ ਇਕ ਬਹੁਤ ਹੀ ਦੁਰਲੱਭ ਅਤੇ ਵਿਸ਼ੇਸ਼ ਸੰਯੋਗ 'ਚ ਹੋ ਰਹੀ ਹੈ, ਕਿਉਂਕਿ ਨਰਾਤਿਆਂ ਦੇ ਪਹਿਲੇ ਦਿਨ ਹੀ ਚੈਤਰ ਮਹੀਨੇ ਦੀ ਮੱਸਿਆ ਪੈ ਰਹੀ ਹੈ, ਜਿਸ ਨੂੰ 'ਭੂਤੜੀ ਮੱਸਿਆ' ਕਿਹਾ ਜਾਂਦਾ ਹੈ।

ਭੂਤੜੀ ਮੱਸਿਆ ਦਾ ਮਹੱਤਵ

ਧਾਰਮਿਕ ਮਾਨਤਾਵਾਂ ਅਨੁਸਾਰ, ਭੂਤੜੀ ਮੱਸਿਆ ਦੇ ਦਿਨ ਨਕਾਰਾਤਮਕ ਅਤੇ ਅਦ੍ਰਿਸ਼ਟ ਸ਼ਕਤੀਆਂ ਦੀ ਸਰਗਰਮੀ ਵਧ ਜਾਂਦੀ ਹੈ। ਇਸੇ ਕਾਰਨ ਇਸ ਦਿਨ ਤੰਤਰ-ਮੰਤਰ, ਅਧਿਆਤਮਿਕ ਸਾਧਨਾ ਅਤੇ ਪੂਜਾ-ਪਾਠ ਦਾ ਵਿਸ਼ੇਸ਼ ਮਹੱਤਵ ਮੰਨਿਆ ਗਿਆ ਹੈ। ਇਸ ਦਿਨ ਪਿੱਤਰਾਂ ਦੀ ਸ਼ਾਂਤੀ ਲਈ ਤਰਪਣ ਅਤੇ ਸ਼ਰਾਧ ਕਰਨਾ ਬਹੁਤ ਸ਼ੁਭ ਹੁੰਦਾ ਹੈ।

ਪਹਿਲੇ ਦਿਨ ਹੋਵੇਗੀ ਮਾਂ ਸ਼ੈਲਪੁੱਤਰੀ ਦੀ ਪੂਜਾ

ਨਰਾਤਿਆਂ ਦੇ ਪਹਿਲੇ ਦਿਨ ਮਾਂ ਦੁਰਗਾ ਦੇ ਪਹਿਲੇ ਸਰੂਪ ਮਾਂ ਸ਼ੈਲਪੁੱਤਰੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਸ਼ਰਧਾਲੂਆਂ ਨੂੰ ਚਾਹੀਦਾ ਹੈ ਕਿ ਉਹ ਸਵੇਰੇ ਸ਼ੁਭ ਮਹੂਰਤ 'ਚ ਕਲਸ਼ ਸਥਾਪਨਾ (ਘਟਸਥਾਪਨਾ) ਕਰਨ ਅਤੇ ਮਾਂ ਨੂੰ ਫਲ, ਫੁੱਲ ਅਤੇ ਭੋਗ ਅਰਪਣ ਕਰਨ। ਪੂਜਾ ਦੌਰਾਨ ਦੁਰਗਾ ਚਾਲੀਸਾ ਅਤੇ ਦੁਰਗਾ ਸਪਤਸ਼ਤੀ ਦਾ ਪਾਠ ਕਰਨਾ ਲਾਭਦਾਇਕ ਮੰਨਿਆ ਜਾਂਦਾ ਹੈ।

ਇਸ ਦਿਨ ਕੀ ਕਰਨਾ ਚਾਹੀਦਾ ਹੈ?

- ਕਿਸੇ ਪਵਿੱਤਰ ਨਦੀ 'ਚ ਇਸ਼ਨਾਨ ਕਰੋ ਜਾਂ ਘਰ 'ਚ ਪਾਣੀ 'ਚ ਗੰਗਾ ਜਲ ਮਿਲਾ ਕੇ ਇਸ਼ਨਾਨ ਕਰੋ।
- ਲੋੜਵੰਦਾਂ ਨੂੰ ਅਨਾਜ, ਕੱਪੜੇ ਜਾਂ ਤਿਲਾਂ ਦਾ ਦਾਨ ਕਰੋ।
- ਪਿੱਪਲ ਦੇ ਰੁੱਖ ਦੀ ਪੂਜਾ ਕਰੋ ਅਤੇ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਓ।
- ਦੇਵੀ-ਦੇਵਤਿਆਂ ਦੇ ਮੰਤਰਾਂ ਦਾ ਜਾਪ ਕਰੋ ਤਾਂ ਜੋ ਨਕਾਰਾਤਮਕ ਊਰਜਾ ਦੂਰ ਹੋ ਸਕੇ।

ਕਿਹੜੀਆਂ ਗੱਲਾਂ ਤੋਂ ਬਚਣਾ ਹੈ ਜ਼ਰੂਰੀ?

- ਰਾਤ ਦੇ ਸਮੇਂ ਕਿਸੇ ਵੀ ਸੁੰਨਸਾਨ ਜਾਂ ਇਕਾਂਤ ਵਾਲੀ ਥਾਂ 'ਤੇ ਇਕੱਲੇ ਜਾਣ ਤੋਂ ਪਰਹੇਜ਼ ਕਰੋ।
- ਮਾਸ, ਸ਼ਰਾਬ ਅਤੇ ਤਾਮਸਿਕ ਭੋਜਨ (ਲਸਣ-ਪਿਆਜ਼) ਦਾ ਸੇਵਨ ਬਿਲਕੁਲ ਨਾ ਕਰੋ।
- ਇਸ ਦਿਨ ਵਾਲ ਅਤੇ ਨਹੁੰ ਕੱਟਣ ਦੀ ਮਨਾਹੀ ਹੁੰਦੀ ਹੈ।
- ਘਰ ਵਿੱਚ ਕਲੇਸ਼ ਜਾਂ ਕਿਸੇ ਨੂੰ ਮੰਦੇ ਬੋਲ ਬੋਲਣ ਤੋਂ ਬਚੋ।

ਸਰੋਤਾਂ ਅਨੁਸਾਰ, ਭੂਤੜੀ ਮੱਸਿਆ ਦੇ ਨਾਲ ਦੀ ਸ਼ੁਰੂਆਤ ਹੋਣ ਕਾਰਨ ਇਹ ਦਿਨ ਭਗਤਾਂ ਲਈ ਅਧਿਆਤਮਿਕ ਤੌਰ 'ਤੇ ਹੋਰ ਵੀ ਮਹੱਤਵਪੂਰਨ ਹੋ ਗਿਆ ਹੈ, ਜੋ ਜੀਵਨ ਦੀਆਂ ਰੁਕਾਵਟਾਂ ਨੂੰ ਦੂਰ ਕਰਨ ਅਤੇ ਸੁੱਖ-ਸਮ੍ਰਿੱਧੀ ਲਿਆਉਣ 'ਚ ਸਹਾਇਕ ਹੋ ਸਕਦਾ ਹੈ।