ਸੌਰਭ ਕਤਲਕਾਂਡ ਦਾ ਅਸਲੀ ਸੱਚ ਆਇਆ ਸਾਹਮਣੇ, ਮੁਸਕਾਨ ਨੇ ਚਾਰਜਸ਼ੀਟ ''ਚ ਦੱਸੀ ਸੱਚਾਈ

ਨੈਸ਼ਨਲ ਡੈਸਕ- ਮੇਰਠ ਦੇ ਬਹੁਚਰਚਿਤ ਸੌਰਭ ਕਤਲਕਾਂਡ ਦੀ ਅਸਲੀ ਵਜ੍ਹਾ ਸਾਹਮਣੇ ਆ ਗਈ ਹੈ। ਪੁਲਸ ਨੇ ਇਸ ਮਾਮਲੇ ਦੀ ਜਾਂਚ ਪੂਰੀ ਕਰ ਲਈ ਹੈ ਅਤੇ ਚਾਰਜਸ਼ੀਟ ਲਗਭਗ ਤਿਆਰ ਹੈ। ਸ਼ੁਰੂਆਤੀ ਅਟਕਲਾਂ ਦੇ ਉਲਟ ਇਸ ਕਤਲਕਾਂਡ ਦੇ ਪਿੱਛੇ ਕੋਈ ਤੰਤਰ-ਮੰਤਰ ਜਾਂ ਅੰਧਵਿਸ਼ਵਾਸ ਨਹੀਂ ਸੀ ਸਗੋਂ ਇਸ ਦਾ ਕਾਰਨ ਪ੍ਰੇਮ ਸੰਬੰਧ ਨਿਕਲਿਆ। ਪੁਲਸ ਜਾਂਚ 'ਚ ਸਪੱਸ਼ਟ ਹੋ ਗਿਆ ਹੈ ਕਿ ਮੁਸਕਾਨ ਅਤੇ ਸਾਹਿਲ ਨੇ ਮਿਲ ਕੇ ਸੌਰਭ ਦਾ ਕਤਲ ਕੀਤਾ ਸੀ। ਦੋਵੇਂ ਨਸ਼ੇ ਦੇ ਆਦੀ ਸੀ ਅਤੇ ਇਕੱਠੇ ਰਹਿਣਾ ਚਾਹੁੰਦੇ ਸਨ ਪਰ ਸੌਰਭ ਉਨ੍ਹਾਂ ਦੇ ਰਸਤੇ ਦੀ ਰੁਕਾਵਟ ਸੀ, ਕਿਉਂਕਿ ਉਸ ਦੇ ਰਹਿੰਦੇ ਉਹ ਵਿਆਹ ਨਹੀਂ ਕਰ ਸਕਦੇ ਸਨ। ਇਸ ਲਈ ਉਸ ਨੂੰ ਰਸਤੇ 'ਚੋਂ ਹਟਾਉਣ ਦੀ ਸਾਜਿਸ਼ ਰਚੀ ਗਈ। 

ਇਹ ਵੀ ਪੜ੍ਹੋ : ਦੋਸਤ ਦੀ ਮਾਂ ਨਾਲ 5 ਸਾਲ ਤੱਕ ਚੱਲਿਆ ਅਫੇਅਰ, ਜਦੋਂ ਫੜਿਆ ਗਿਆ ਤਾਂ...

ਪੁਲਸ ਅਨੁਸਾਰ ਕਤਲ ਦੀ ਪੂਰੀ ਯੋਜਨਾ ਪਹਿਲਾਂ ਤੋਂ ਬਣਾਈ ਗਈ ਸੀ। ਮੁਸਕਾਨ ਨੇ ਚਾਕੂ, ਡਰੰਮ ਅਤੇ ਬੇਹੋਸ਼ ਕਰਨ ਦੀ ਦਵਾਈ ਦਾ ਇੰਤਜ਼ਾਮ ਕੀਤਾ। ਸਾਹਿਲ ਸੀਮੈਂਟ ਲੈ ਕੇ ਆਇਆ ਤਾਂ ਕਿ ਲਾਸ਼ ਟਿਕਾਣੇ ਲਗਾਈ ਜਾ ਸਕੇ। ਡਰੰਮ 'ਚ ਲਾਸ਼ ਪਾ ਕੇ ਸੀਮੈਂਟ ਨਾਲ ਸੀਲ ਕਰਨ ਦਾ ਆਈਡੀਆ ਸਾਹਿਲ ਦਾ ਸੀ। ਪੁਲਸ ਨੇ ਇਸ ਮਾਮਲੇ 'ਚ ਇਲੈਕਟ੍ਰਾਨਿਕ ਸਬੂਤ, ਹਾਦਸੇ ਵਾਲੀ ਜਗ੍ਹਾ ਤੋਂ ਮਿਲੇ ਸਬੂਤ ਅਤੇ ਪੋਸਟਮਾਰਟਮ ਰਿਪੋਰਟ ਨੂੰ ਚਾਰਜਸ਼ੀਟ 'ਚ ਸ਼ਾਮਲ ਕੀਤਾ ਹੈ। ਕਤਲ ਦੌਰਾਨ ਇਸਤੇਮਾਲ ਕੀਤੇ ਗਏ ਮੋਬਾਇਲ ਫੋਨ, ਖੂਨ ਨਾਲ ਲਿੱਬੜੇ ਕੱਪੜੇ, ਬੈਗ, ਚਾਦਰ ਅਤੇ ਡਰੰਮ ਨੂੰ ਫੋਰੈਂਸਿਕ ਜਾਂਚ ਲਈ ਭੇਜਿਆ ਗਿਆ ਹੈ। ਦੱਸਣਯੋਗ ਹੈ ਕਿ ਸੌਰਭ ਦੀ ਲਾਸ਼ 18 ਮਾਰਚ ਨੂੰ ਬ੍ਰਹਮਪੁਰੀ ਦੇ ਇੰਦਰਾ ਗਾਂਧੀ ਸਥਿਤ ਘਰੋਂ ਬਰਾਮਦ ਹੋਈ ਸੀ। ਲਾਸ਼ ਡਰੰਮ 'ਚ ਬੰਦ ਸੀ ਅਤੇ ਉਸ ਨੂੰ ਸੀਮੈਂਟ ਦੇ ਘੋਲ ਨਾਲ ਠੋਸ ਬਣਾ ਦਿੱਤਾ ਗਿਆ ਸੀ। ਫੋਰੈਂਸਿਕ ਟੀਮ ਦੀ ਜਾਂਚ ਤੋਂ ਬਾਅਦ ਪੁਲਸ ਨੇ ਮਕਾਨ ਸੀਲ ਕਰ ਦਿੱਤਾ ਸੀ। ਜਾਂਚ 'ਚ ਇਹ ਵੀ ਸਪੱਸ਼ਟ ਹੋ ਗਿਆ ਹੈ ਕਿ ਇਸ ਕਤਲਕਾਂਡ 'ਚ ਕੋਈ ਤੀਜਾ ਵਿਅਕਤੀ ਸ਼ਾਮਲ ਨਹੀਂ ਸੀ। ਪੁਲਸ ਜਲਦ ਹੀ ਚਾਰਜਸ਼ੀਟ ਕੋਰਟ 'ਚ ਦਾਖ਼ਲ ਕਰਨ ਦੀ ਤਿਆਰੀ 'ਚ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8