ਗੁਫਾ ''ਚ ''Meditation'' ਕਰਦੀ ਫੜ੍ਹੀ ਗਈ ਰਸ਼ੀਅਨ! ਮਾਮਲਾ ਜਾਣ ਉੱਡ ਜਾਣਗੇ ਹੋਸ਼

ਨੈਸ਼ਨਲ ਡੈਸਕ: ਉੱਤਰ ਕੰਨੜ ਜ਼ਿਲ੍ਹੇ ਦੇ ਕੁਮਤਾ ਤਾਲੁਕ 'ਚ ਸਥਿਤ ਦੁਰਗਮ ਰਾਮਤੀਰਥ ਪਹਾੜੀਆਂ 'ਚ ਸਥਿਤ ਇੱਕ ਗੁਫਾ ਵਿੱਚੋਂ ਸ਼ੁੱਕਰਵਾਰ ਨੂੰ ਇੱਕ 40 ਸਾਲਾ ਰੂਸੀ ਔਰਤ ਅਤੇ ਉਸਦੇ ਦੋ ਬੱਚਿਆਂ ਨੂੰ ਸੁਰੱਖਿਅਤ ਬਚਾਇਆ ਗਿਆ। ਔਰਤ, ਨੀਨਾ ਕੁਟੀਨਾ ਉਰਫ਼ ਮੋਹੀ, ਆਪਣੇ ਦੋ ਛੋਟੇ ਬੱਚਿਆਂ ਨਾਲ ਲਗਭਗ ਦੋ ਹਫ਼ਤਿਆਂ ਤੋਂ ਇਕੱਲਤਾ 'ਚ ਰਹਿ ਰਹੀ ਸੀ। ਪੁਲਸ ਨੇ ਸ਼ਨੀਵਾਰ ਨੂੰ ਇਸਦੀ ਪੁਸ਼ਟੀ ਕੀਤੀ।

ਇਹ ਵੀ ਪੜ੍ਹੋ..Air India Crash : ਟੇਕਆਫ ਦੌਰਾਨ ਕੋਈ ਪਾਇਲਟ ਸਵਿੱਚਾਂ ਨਾਲ ਛੇੜਛਾੜ ਨਹੀਂ ਕਰਦਾ: ਮਾਰਕ ਮਾਰਟਿਨ
 

ਪੂਜਾ, ਧਿਆਨ ਤੇ ਅਧਿਆਤਮਿਕ ਸ਼ਾਂਤੀ ਲਈ ਗੁਫਾ 'ਚ ਬਿਤਾ ਰਹੀ ਸੀ ਦਿਨ
ਪੁਲਸ ਦੇ ਅਨੁਸਾਰ ਮੋਹੀ ਕੁਝ ਸਮੇਂ ਤੋਂ ਅਧਿਆਤਮਿਕ ਸ਼ਾਂਤੀ ਲਈ 'ਚ ਗੁਫਾ 'ਚ ਰਹਿ ਰਹੀ ਸੀ। ਉਸਨੇ ਗੁਫਾ ਨੂੰ ਇੱਕ ਅਧਿਆਤਮਿਕ ਸਥਾਨ 'ਚ ਬਦਲ ਦਿੱਤਾ ਸੀ, ਜਿੱਥੇ ਉਹ ਰੁਦਰ ਮੂਰਤੀ ਸਥਾਪਤ ਕਰ ਕੇ ਦਿਨ ਭਰ ਪੂਜਾ ਤੇ ਧਿਆਨ ਵਿੱਚ ਡੁੱਬੀ ਰਹਿੰਦੀ ਸੀ। ਉਹ ਆਪਣੇ ਦੋ ਬੱਚਿਆਂ ਪ੍ਰਿਆ (6) ਤੇ ਅਮਾ (4) ਨਾਲ ਗੋਕਰਨ ਦੇ ਸੰਘਣੇ ਜੰਗਲਾਂ ਅਤੇ ਪਹਾੜੀ ਖੇਤਰ 'ਚ ਰਹਿ ਰਹੀ ਸੀ।

ਇਹ ਵੀ ਪੜ੍ਹੋ...ਪੰਜਾਬ ਤੋਂ ਹਿਮਾਚਲ ਸਤਿਸੰਗ ਲਈ ਗਏ ਸ਼ਰਧਾਲੂਆਂ ਦੀ ਕਾਰ ਨਦੀ 'ਚ ਡਿੱਗੀ ; 2 ਦੀ ਮੌਤ

ਜ਼ਮੀਨ ਖਿਸਕਣ ਤੋਂ ਬਾਅਦ ਗਸ਼ਤ ਦੌਰਾਨ ਮਿਲਿਆ ਸੁਰਾਗ
ਹਾਲ ਹੀ 'ਚ ਹੋਈ ਜ਼ਮੀਨ ਖਿਸਕਣ ਤੋਂ ਬਾਅਦ ਇੱਕ ਪੁਲਸ ਟੀਮ ਨਿਯਮਤ ਗਸ਼ਤ 'ਤੇ ਸੀ ਜਦੋਂ ਉਨ੍ਹਾਂ ਨੇ ਗੁਫਾ ਦੇ ਨੇੜੇ ਕੱਪੜੇ ਸੁੱਕਦੇ ਦੇਖੇ। ਜਦੋਂ ਟੀਮ ਇਹ ਸੁਰਾਗ ਮਿਲਣ ਤੋਂ ਬਾਅਦ ਗੁਫਾ ਵੱਲ ਵਧੀ, ਤਾਂ ਉਨ੍ਹਾਂ ਨੂੰ ਮੋਹੀ ਅਤੇ ਉਸਦੇ ਬੱਚੇ ਉੱਥੇ ਮਿਲੇ। ਪੁਲਸ ਸੁਪਰਡੈਂਟ ਐਮ. ਨਾਰਾਇਣ ਨੇ ਕਿਹਾ, "ਇਹ ਹੈਰਾਨੀ ਵਾਲੀ ਗੱਲ ਸੀ ਕਿ ਇੱਕ ਔਰਤ ਦੋ ਛੋਟੇ ਬੱਚਿਆਂ ਨਾਲ ਇੰਨੀ ਦੂਰ-ਦੁਰਾਡੇ ਜਗ੍ਹਾ 'ਤੇ ਰਹਿ ਰਹੀ ਸੀ। ਖੁਸ਼ਕਿਸਮਤੀ ਨਾਲ ਉਹ ਸਾਰੇ ਸੁਰੱਖਿਅਤ ਅਤੇ ਚੰਗੀ ਸਿਹਤ 'ਚ ਪਾਏ ਗਏ।"

ਇਹ ਵੀ ਪੜ੍ਹੋ...ਵੱਡੀ ਖ਼ਬਰ : ਡੀਜ਼ਲ ਲਿਜਾ ਰਹੀ ਮਾਲ ਗੱਡੀ ਨੂੰ ਲੱਗੀ ਭਿਆਨਕ ਅੱਗ, ਕਈ ਫੁੱਟ ਉਚੀਆਂ ਉਠੀਆਂ ਲਪਟਾਂ

ਵੀਜ਼ਾ 2017 'ਚ ਖਤਮ ਹੋ ਗਿਆ ਸੀ
ਜਾਣਕਾਰੀ ਅਨੁਸਾਰ ਮੋਹੀ ਇੱਕ ਕਾਰੋਬਾਰੀ ਵੀਜ਼ੇ 'ਤੇ ਭਾਰਤ ਆਈ ਸੀ, ਜਿਸਦੀ ਵੈਧਤਾ ਸਾਲ 2017 ਵਿੱਚ ਖਤਮ ਹੋ ਗਈ ਸੀ। ਇਸ ਗੱਲ ਦਾ ਕੋਈ ਸਪੱਸ਼ਟ ਵੇਰਵਾ ਨਹੀਂ ਹੈ ਕਿ ਉਹ ਦੇਸ਼ ਵਿੱਚ ਕਿੰਨੇ ਸਮੇਂ ਤੋਂ ਰਹਿ ਰਹੀ ਹੈ ਪਰ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਉਹ ਗੋਆ ਤੋਂ ਗੋਕਰਨ ਆਈ ਸੀ ਅਤੇ ਫਿਰ ਪਹਾੜੀਆਂ 'ਚ ਇਕਾਂਤ ਦੀ ਜ਼ਿੰਦਗੀ ਸ਼ੁਰੂ ਕੀਤੀ ਸੀ। ਉਸਨੇ ਇਹ ਫੈਸਲਾ ਹਿੰਦੂ ਧਰਮ ਅਤੇ ਭਾਰਤੀ ਅਧਿਆਤਮਿਕ ਪਰੰਪਰਾਵਾਂ ਤੋਂ ਪ੍ਰੇਰਿਤ ਹੋ ਕੇ ਲਿਆ ਸੀ। ਬਚਾਅ ਤੋਂ ਬਾਅਦ ਪੁਲਸ ਨੇ ਮੋਹੀ ਅਤੇ ਉਸਦੇ ਬੱਚਿਆਂ ਲਈ ਗੋਕਰਨ ਵਿੱਚ ਇੱਕ ਸਾਧਵੀ ਦੁਆਰਾ ਚਲਾਏ ਜਾ ਰਹੇ ਆਸ਼ਰਮ ਵਿੱਚ ਅਸਥਾਈ ਰਿਹਾਇਸ਼ ਦਾ ਪ੍ਰਬੰਧ ਕੀਤਾ ਹੈ। ਇੱਕ ਸਥਾਨਕ NGO ਦੀ ਮਦਦ ਨਾਲ ਰੂਸੀ ਦੂਤਾਵਾਸ ਨਾਲ ਸੰਪਰਕ ਕੀਤਾ ਗਿਆ ਹੈ ਤੇ ਅਧਿਕਾਰਤ ਦੇਸ਼ ਨਿਕਾਲੇ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ। ਪਰਿਵਾਰ ਨੂੰ ਜਲਦੀ ਹੀ ਕਾਨੂੰਨੀ ਪ੍ਰਕਿਰਿਆਵਾਂ ਦੇ ਤਹਿਤ ਬੈਂਗਲੁਰੂ ਲਿਆਂਦਾ ਜਾਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8