ਰਾਬਰਟ ਵਾਡਰਾ ਨੇ ਭਾਜਪਾ ''ਤੇ ਵਿੰਨ੍ਹਿਆ ਨਿਸ਼ਾਨਾ, ਕਿਹਾ- ਮੇਰਾ ਨਾਂ ਲੈਣਾ ਭਾਜਪਾ ਲਈ ਆਮ ਗੱਲ

ਨਵੀਂ ਦਿੱਲੀ— ਰਾਫੇਲ ਸੌਦਾ ਮਾਮਲੇ 'ਚ ਰਾਬਰਟ ਵਾਡਰਾ ਨੇ ਭਾਜਪਾ 'ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ  ਜਦੋਂ ਵੀ ਭਾਜਪਾ ਕਿਸੇ ਮੁੱਦੇ 'ਤੇ ਘਿਰਦੀ ਹੈ ਤਾਂ ਉਦੋਂ ਮੇਰਾ ਨਾਂ ਲੈਂਦੀ ਹੈ, ਫਿਰ ਚਾਹੇ ਰੁਪਏ 'ਚ ਆਈ ਗਿਰਾਵਟ ਹੋਵੇ ਜਾਂ ਤੇਲ ਦੇ ਵਧਦੇ ਰੇਟ ਹੋਣ।
ਉਨ੍ਹਾਂ ਨੇ ਕਿਹਾ ਕਿ ਇਹ ਗੱਲ ਭਾਜਪਾ ਅਤੇ ਮੌਜੂਦਾ ਸਰਕਾਰ ਚੰਗੇ ਤਰੀਕੇ ਨਾਲ ਜਾਣਦੀ ਹੈ ਕਿ ਉਹ ਪਿਛਲੇ ਸਾਲ ਤੋਂ ਮੇਰੇ ਖਿਲਾਫ ਬੇਬੁਨਿਆਦ ਰਾਜਨੀਤੀ ਕਰਨ 'ਚ ਜੁੱਟੇ ਹਨ। 

Used to amaze me in beginning but now it has become wholesale farce that BJP rakes up my name every time they are cornered whether its falling rupee, soaring oil prices or this latest number when they have been totally exposed selling out nation on Rafale: Robert Vadra (File pic) pic.twitter.com/D5B1lHYR1N

— ANI (@ANI) September 26, 2018

ਰਾਬਰਟ ਵਾਡਰਾ ਦਾ ਇਹ ਬਿਆਨ ਭਾਜਪਾ ਦੇ ਉਸ ਬਿਆਨ ਦੇ ਬਾਅਦ ਆਇਆ ਹੈ, ਜਿਸ 'ਚ ਉਸ ਨੇ ਕਿਹਾ ਸੀ ਕਿ ਯੂ.ਪੀ.ਏ. ਸਰਕਾਰ ਰਾਬਰਟ ਵਾਡਰਾ ਅਤੇ ਸੰਜੈ ਭੰਡਾਰੀ ਦੀ ਕੰਪਨੀ ਨੂੰ ਵਿਚੌਲੀਏ ਦੇ ਤੌਰ 'ਤੇ ਵਰਤਨਾ ਚਾਹੁੰਦੀ ਹੈ। ਜਦੋਂ ਇਹ ਨਹੀਂ ਹੋ ਸਕਿਆ ਤਾਂ ਕਾਂਗਰਸ ਇਸ ਡੀਲ ਨੂੰ ਖਤਮ ਕਰਵਾ ਕੇ ਬਦਲਾ ਲੈਣਾ ਚਾਹੁੰਦੀ ਹੈ। ਭਾਜਪਾ ਦੇ ਸੀਨੀਅਰ ਨੇਤਾ ਕੇਂਦਰੀ ਮੰਤਰੀ ਗਜੇਂਦਰ ਸਿੰਘ ਸ਼ੇਖਾਵਤ ਨੇ ਸੋਮਵਾਰ ਨੂੰ ਇਹ ਬਿਆਨ ਦਿੱਤਾ ਸੀ। 

Sanjay Bhandari ki company aur Robert Vadra ki company ko UPA bicholiye ke taur par istemal karna chahti thi. Jab yeh nahi ho saka tab aaj Congress is deal ko khatam karke uska badla lena chahti hai: Union Minister & BJP leader Gajendra Singh Shekhawat on #Rafale pic.twitter.com/reswoTbaSa

— ANI (@ANI) September 24, 2018

ਮੰਗਲਵਾਰ ਨੂੰ ਭਾਜਪਾ ਬੁਲਾਰੇ ਸੰਬਿਤ ਪਾਤਰਾ ਨੇ ਕਿਹਾ ਸੀ ਕਿ ਰਾਫੇਲ ਡੀਲ 'ਚ ਰਾਬਰਟ ਵਾਡਰਾ ਨੂੰ ਦਲਾਲੀ ਨਹੀਂ ਮਿਲੀ, ਇਸ ਲਈ ਕਾਂਗਰਸ ਨੇ ਇਸ ਡੀਲ ਨੂੰ ਪੂਰਾ ਨਹੀਂ ਹੋਣ ਦਿੱਤਾ। ਪਾਤਰਾ ਨੇ ਕਿਹਾ ਕਿ ਰਾਫੇਲ ਡੀਲ 'ਚ ਕਮੀਸ਼ਨ ਖਾਣ ਨੂੰ ਨਹੀਂ ਮਿਲੀ,ਇਸ ਲਈ ਕਾਂਗਰਸ ਗੁੱਸੇ 'ਚ ਆ ਰਹੀ ਹੈ। ਰਾਬਰਟ ਵਾਡਰਾ ਦੇ ਦੋਸਤ ਸੰਜੈ ਭੰਡਾਰੀ ਦੀ ਕੰਪਨੀ ਆਫਸੇਟ ਇੰਡੀਆ ਸਲਿਊਸ਼ਨ ਨੂੰ 2014 'ਚ ਮੋਦੀ ਸਰਕਾਰ ਨੇ ਲਾਲ ਝੰਡਾ ਦਿਖਾ ਦਿੱਤਾ ਜਦਕਿ ਕਾਂਗਰਸ ਦੀ ਸਰਕਾਰ 'ਚ ਇਸ ਰੱਖਿਆ ਸੌਦਿਆਂ 'ਚ ਦਲਾਲੀ ਕਰਕੇ ਦੇਸ਼ ਦੀ ਸੁਰੱਖਿਆ ਨਾਲ ਖਿਲਵਾੜ ਕਰਦੇ ਸਨ।