ਰਾਹੁਲ ਗਾਂਧੀ ਸੰਖੇਪ ਨਿੱਜੀ ਯਾਤਰਾ ''ਤੇ ਵਿਦੇਸ਼ ਰਵਾਨਾ
Sunday, Dec 27, 2020 - 11:53 PM (IST)
ਨਵੀਂ ਦਿੱਲੀ (ਭਾਸ਼ਾ)- ਕਾਂਗਰਸ ਦੇ ਆਗੂ ਰਾਹੁਲ ਗਾਂਧੀ ਐਤਵਾਰ ਨੂੰ ਸੰਖੇਪ ਨਿੱਜੀ ਯਾਤਰਾ 'ਤੇ ਵਿਦੇਸ਼ ਰਵਾਨਾ ਹੋਏ। ਪਾਰਟੀ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਦੱਸਿਆ ਕਿ ਉਹ ਕੁਝ ਦਿਨ ਬਾਹਰ ਰਹਿਣਗੇ। ਉਨ੍ਹਾਂ ਇਹ ਨਹੀਂ ਦੱਸਿਆ ਕਿ ਰਾਹੁਲ ਕਿੱਥੇ ਗਏ ਹਨ।
ਇਸ ਦੌਰਾਨ ਸੂਤਰ ਦੱਸਦੇ ਹਨ ਕਿ ਰਾਹੁਲ ਗਾਂਧੀ ਕਤਰ ਏਅਰਵੇਜ਼ ਦੀ ਉਡਾਣ ਰਾਹੀਂ ਇਟਲੀ ਦੇ ਸ਼ਹਿਰ ਮਿਲਾਨ ਗਏ ਹਨ। ਉਥੇ ਰਾਹੁਲ ਦੀ ਨਾਨੀ ਰਹਿੰਦੀ ਹੈ। ਉਹ ਪਹਿਲਾਂ ਵੀ ਉਨ੍ਹਾਂ ਨੂੰ ਮਿਲਣ ਲਈ ਕਈ ਵਾਰ ਗਏ ਹਨ। ਰਾਹੁਲ ਦੇ ਵਿਦੇਸ਼ ਜਾਣ ਤੋਂ ਇਕ ਦਿਨ ਬਾਅਦ ਸੋਮਵਾਰ ਕਾਂਗਰਸ ਦਾ 136ਵਾਂ ਸਥਾਪਨਾ ਦਿਵਸ ਹੈ।
ਨੋਟ- ਇਸ ਖਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।
