ਜਦ 4 ਮਿੰਟਾਂ ''ਚ ਗਰਭਵਤੀ ਔਰਤ ਤੱਕ ਪਹੁੰਚੀ ਪੁਲਸ, ਪੇਸ਼ ਕੀਤੀ ਅਨੋਖੀ ਮਿਸਾਲ (ਵੀਡੀਓ)

ਨੋਇਡਾ-ਭਾਰਤ 'ਚ ਕੋਰੋਨਾਵਾਇਰਸ ਦੇ ਮਾਮਲੇ ਲਗਾਤਾਰ ਵੱਧਦੇ ਜਾ ਰਹੇ ਹਨ। ਲਾਕਡਾਊਨ ਦੌਰਾਨ ਹੁਣ ਪੁਲਸ ਲੋਕਾਂ ਦੀ ਜੀਵਨ ਰੱਖਿਅਕ ਬਣ ਕੇ ਅੱਗੇ ਆ ਰਹੀ ਹੈ। ਅਜਿਹਾ ਹੀ ਮਾਮਲਾ ਉੱਤਰ ਪ੍ਰਦੇਸ਼ 'ਚੋਂ ਸਾਹਮਣੇ ਆਇਆ ਹੈ, ਜਿੱਥੇ ਪੁਲਸ ਇਕ ਗਰਭਵਤੀ ਔਰਤ ਲਈ ਭਗਵਾਨ ਬਣ ਕੇ ਪਹੁੰਚੀ । ਪੁਲਸ ਦੇ ਇਸ ਕੰਮ ਦੀ ਹਰ ਪਾਸੇ ਸ਼ਲਾਘਾ ਕੀਤੀ ਜਾ ਰਹੀ ਹੈ। 

मुझे कुछ समझ नही आ रहा था बहुत परेशान था, कोई मदद नही मिल पा रही थी तब मैने @112UttarPradesh को सूचना दी जिसपर 112 के मीडियासेल वालो ने तुरंत पुलिसवालो को भेज कर मेरी पत्नी को अस्पताल पहुँचाया, जंहा पर मेरी पत्नी ने सुन्दर से बेटे को जन्म दिया! #ThankYou112 @Uppolice @MoHUA_India pic.twitter.com/haleShUOz7

— mohit kumar (@mohitchikara) April 10, 2020

ਦੱਸਣਯੋਗ ਹੈ ਕਿ ਇੱਥੋ ਦੇ ਨੋਇਡਾ ਦੀ ਰਹਿਣ ਵਾਲੀ ਗਰਭਵਤੀ ਔਰਤ ਬਾਹੁਬੰਦੀ ਕੁਮਾਰੀ ਨੂੰ ਬੀਤੇ ਸ਼ੁੱਕਰਵਾਰ ਨੂੰ ਤਬੀਅਤ ਖਰਾਬ ਹੋ ਗਈ। ਲਾਕਡਾਊਨ ਦੇ ਕਾਰਨ ਨਾ ਤਾਂ ਉਸ ਨੂੰ ਲਿਜਾਣ ਲਈ ਕੋਈ ਇੰਤਜ਼ਾਮ ਸੀ। ਇਸ ਤੋਂ ਬਾਅਦ ਪੀੜਤ ਔਰਤ ਦੇ ਪਤੀ ਨੇ ਪੁਲਸ ਨੂੰ 112 ਨੰਬਰ 'ਤੇ ਕਾਲ ਕੀਤੀ। ਜਾਣਕਾਰੀ ਮਿਲਦਿਆਂ ਹੀ ਸਿਰਫ 4 ਮਿੰਟ 'ਚ ਪੁਲਸ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਗਰਭਵਤੀ ਔਰਤ ਨੂੰ ਹਸਪਤਾਲ ਪਹੁੰਚਾਇਆ, ਜਿੱਥੇ ਔਰਤ ਨੇ ਬੇਟੇ ਨੂੰ ਜਨਮ ਦਿੱਤਾ। 

ਪੀ.ਆਰ.ਵੀ. 2645 'ਚ ਤਾਇਨਾਤ ਪੁਲਸ ਕਰਮਚਾਰੀ ਅਰਵਿੰਦ ਤਿਵਾਰੀ ਨੇ ਦੱਸਿਆ ਹੈ ਕਿ ਮੇਰੇ ਨਾਲ ਪੀ.ਆਰ.ਵੀ 'ਚ ਜਤਿੰਦਰ ਸ਼ਰਮਾ, ਮਨੀਸ਼ ਕੁਮਾਰ ਵੀ ਤਾਇਨਾਤ ਸੀ। ਸਾਨੂੰ ਲਗਭਗ 11.13 ਮਿੰਟ 'ਤੇ ਫੋਨ ਆਇਆ। ਅਸੀਂ ਸਿਰਫ 4 ਮਿੰਟਾਂ ਭਾਵ 11.17 ਵਜੇ ਥਾਣਾ ਫੇਜ਼-3 ਦੇ ਅਧੀਨ ਆਉਣ ਵਾਲੇ ਸੈਕਟਰ 63 ਸਥਿਤ ਗ੍ਰਾਮ ਵਾਜਿਦਾਪੁਰ ਪਹੁੰਚ ਗਏ, ਜਿੱਥੇ ਬਾਹੁਬੰਦੀ ਕੁਮਾਰੀ ਨਾਂ ਗਰਭਵਤੀ ਔਰਤ ਦੀ ਹਾਲਤ ਕਾਫੀ ਖਰਾਬ ਸੀ ਅਤੇ ਤਰੁੰਤ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ। 

ਇਸ ਘਟਨਾ ਦਾ ਇਕ ਵੀਡੀਓ ਵੀ ਟਵਿੱਟਰ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਮੋਹਿਤ ਕੁਮਾਰ ਨਾਂ ਦੇ ਟਵਿੱਟਰ ਯੂਜ਼ਰ ਨੇ ਗਰਭਵਤੀ ਔਰਤ ਦੀ ਪੂਰੀ ਘਟਨਾ ਦਾ ਜ਼ਿਕਰ ਕੀਤਾ ਹੈ। ਇਸ ਤੋਂ ਬਾਅਦ ਔਰਤ ਨੇ ਪੁਲਸ ਦਾ ਧੰਨਵਾਦ ਕੀਤਾ।