ਏਅਰ ਫੋਰਸ ਦੇ ਰਿਟਾਇਰਡ ਅਧਿਕਾਰੀ ''ਤੇ ਰਾਡ ਨਾਲ ਹਮਲਾ ! ਪੁਲਸ ਨੇ 7 ਘੰਟਿਆਂ ''ਚ ਮੁਲਜ਼ਮ ਨੂੰ ਕੀਤਾ ਗ੍ਰਿਫ਼ਤਾਰ

ਨੈਸ਼ਨਲ ਡੈਸਕ- ਸੈਕਟਰ-58 ਸਥਿਤ ਮੈਗਨਮ ਗਲੋਬਲ ਪਾਰਕ ’ਚ ਕਾਰ ਪਾਰਕਿੰਗ ਨੂੰ ਲੈ ਕੇ ਹੋਏ ਵਿਵਾਦ ’ਚ ਕਾਰਗਿਲ ਜੰਗ ਦੇ ਹਵਾਈ ਫੌਜ ਦੇ ਸੇਵਾਮੁਕਤ ਅਧਿਕਾਰੀ ’ਤੇ ਰਾਡ ਨਾਲ ਹਮਲਾ ਕਰ ਦਿੱਤਾ। ਹਮਲੇ ’ਚ ਗਰੁੱਪ ਕੈਪਟਨ ਅਮਿਤ ਕੁਮਾਰ ਗੁਪਤਾ (ਸੇਵਾਮੁਕਤ) ਦੇ ਸਿਰ ਅਤੇ ਹੱਥ ’ਚ ਗੰਭੀਰ ਸੱਟਾਂ ਆਈਆਂ ਅਤੇ ਕੂਹਣੀ ’ਚ ਟੁੱਟ ਗਈ। ਮੇਦਾਂਤਾ ਹਸਪਤਾਲ ’ਚ ਉਨ੍ਹਾਂ ਦੀ ਸਰਜਰੀ ਕਰ ਕੇ ਕੂਹਣੀ ’ਚ ਪਲੇਟ ਲਗਾਈ ਗਈ।

ਸੈਕਟਰ-65 ਥਾਣੇ ਦੀ ਪੁਲਸ ਨੇ ਸ਼ਿਕਾਇਤ ਦੇ ਆਧਾਰ ’ਚ ਕੇਸ ਦਰਜ ਕਰ ਕੇ ਐੱਫ. ਆਈ. ਆਰ. ਦੇ 7 ਘੰਟਿਆਂ ਦੇ ਅੰਦਰ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਮੁਲਜ਼ਮ ਦੀ ਪਛਾਣ ਦੀਪਕ ਮਾਵੀ (24) ਨਿਵਾਸੀ ਫਰੀਦਾਬਾਦ ਹੋਈ ਹੈ। ਪੁਲਸ ਅਨੁਸਾਰ ਉਹ ਮੈਗਨਮ ਗਲੋਬਲ ਪਾਰਕ ’ਚ ਪਾਰਕਿੰਗ ਅਟੈਂਡੈਂਟ ਹੈ। ਪੁੱਛਗਿੱਛ ’ਚ ਮੁਲਜ਼ਮ ਨੇ ਦੱਸਿਆ ਕਿ ਕਾਰ ਪਾਰਕ ਕਰਨ ਨੂੰ ਲੈ ਕੇ ਉਸ ਦੀ ਸ਼ਿਕਾਇਤਕਰਤਾ ਨਾਲ ਬਹਿਸ ਹੋ ਗਈ ਸੀ। ਗੁੱਸੇ ’ਚ ਉਸ ਨੇ ਕੋਲ ਪਈ ਲੋਹੇ ਦੀ ਰਾਡ ਚੁੱਕ ਕੇ ਵਾਰ ਕੀਤਾ।

ਅਮਿਤ ਗੁਪਤਾ ਸਾਲ 1999 ਦੇ ਕਾਰਗਿਲ ਜੰਗ ਦੌਰਾਨ ‘ਆਪ੍ਰੇਸ਼ਨ ਸਫੈਦ ਸਾਗਰ’ ’ਚ ਸ਼ਾਮਲ ਰਹੇ ਸਨ। 10 ਸਤੰਬਰ ਦੀ ਰਾਤ ਉਹ ਪਰਿਵਾਰ ਨਾਲ ਮੈਗਨਮ ਗਲੋਬਲ ਪਾਰਕ ਸਥਿਤ ਗੋਂਜ਼ੋ ਰੈਸਟੋਰੈਂਟ ’ਚ ਡਿਨਰ ਲਈ ਗਏ ਸਨ। ਰਾਤ ਲੱਗਭਗ 8 ਵਜੇ ਉਹ ਪਰਿਵਾਰ ਨੂੰ ਰੈਸਟੋਰੈਂਟ ’ਚ ਛੱਡ ਕੇ ਕਾਰ ਪਾਰਕ ਕਰਨ ਗਏ। ਪਾਰਕਿੰਗ ਸਟਾਫ ਨੇ ਉਨ੍ਹਾਂ ਨੂੰ ਵੱਖ-ਵੱਖ ਥਾਵਾਂ ’ਚ ਕਾਰ ਖੜ੍ਹੀ ਕਰਨ ਲਈ ਭੇਜਿਆ। ਕਾਫੀ ਦੇਰ ਤੱਕ ਕੰਪਲੈਕਸ ’ਚ ਕਾਰ ਲੈ ਕੇ ਘੁੰਮਣ ਤੋਂ ਬਾਅਦ ਵੀ ਪਾਰਕਿੰਗ ਨਹੀਂ ਮਿਲੀ। ਇਸੇ ਦੌਰਾਨ ਕਾਰ ਪਿੱਛੇ ਕਰਦੇ ਸਮੇਂ ਵਿਵਾਦ ਵਧ ਗਿਆ। ਇਕ ਪਾਰਕਿੰਗ ਕਰਮਚਾਰੀ ਨੇ ਉਨ੍ਹਾਂ ਦੀ ਕਾਰ ਦੀ ਸਾਹਮਣੇ ਦੀ ਖਿੜਕੀ ਤੋੜਨ ਦੀ ਕੋਸ਼ਿਸ਼ ਕੀਤੀ। ਵਿਰੋਧ ਕਰਨ ’ਚ ਉਸ ਨੇ ਰਾਡ ਨਾਲ ਹੱਥ ਅਤੇ ਫਿਰ ਸਿਰ ’ਤੇ ਵਾਰ ਕਰ ਦਿੱਤਾ।