ਰਾਹੁਲ ਗਾਂਧੀ ਨੂੰ ਸੰਬਿਤ ਪਾਤਰਾ ਨੇ ਦਿੱਤਾ ਜਵਾਬ, ਕਿਹਾ- ਤੁਸੀਂ ਨੇਤਾ ਬਣਨ ਦੇ ਲਾਇਕ ਨਹੀਂ

ਨਵੀਂ ਦਿੱਲੀ - ਐੱਲ.ਏ.ਸੀ. 'ਤੇ ਭਾਰਤ ਅਤੇ ਚੀਨ ਵਿਚਾਲੇ ਵੱਧਦੇ ਤਣਾਅ ਦੌਰਾਨ ਇਸ ਮੁੱਦੇ 'ਤੇ ਰਾਜਨੀਤੀ ਵੀ ਖੂਬ ਹੋ ਰਹੀ ਹੈ। ਬੀ.ਜੇ.ਪੀ. ਅਤੇ ਕਾਂਗਰਸ ਦੇ ਕਈ ਨੇਤਾ ਇਕ ਦੂਜੇ 'ਤੇ ਲਗਾਤਾਰ ਦੋਸ਼ ਲਗਾ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਵੀ ਦੋਵਾਂ ਦਲਾਂ ਦੇ ਨੇਤਾਵਾਂ 'ਚ ਦੋਸ਼ ਲਗਾਉਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। ਇਸ ਕ੍ਰਮ 'ਚ ਬੀ.ਜੇ.ਪੀ. ਬੁਲਾਰਾ ਸੰਬਿਤ ਪਾਤਰਾ ਨੇ ਰਾਹੁਲ ਗਾਂਧੀ 'ਤੇ ਪਲਟਵਾਰ ਕੀਤਾ ਹੈ।

SHAME ON YOU ⁦@RahulGandhi⁩
You use Congress workers to demean our ARMY by spreading lies and canards while Our Prime Minister was in the Front encouraging our Jawans ...
You don’t deserve to be a leader!! pic.twitter.com/OrOieCc3Bc

— Sambit Patra (@sambitswaraj) July 3, 2020

ਸੰਬਿਤ ਪਾਤਰਾ ਨੇ ਸ਼ੁੱਕਰਵਾਰ ਨੂੰ ਆਪਣੇ ਇੱਕ ਟਵੀਟ 'ਚ ਲਿਖਿਆ, "ਰਾਹੁਲ ਗਾਂਧੀ, ਤੁਹਾਨੂੰ ਸ਼ਰਮ ਆਉਣੀ ਚਾਹੀਦੀ ਹੈ। ਤੁਸੀਂ ਝੂਠ ਅਤੇ ਬੇਬੁਨਿਆਦ ਖਬਰ ਫੈਲਾਉਣ 'ਚ ਕਾਂਗਰਸ ਕਰਮਚਾਰੀਆਂ ਦਾ ਇਸਤੇਮਾਲ ਕਰ ਫ਼ੌਜ ਨੂੰ ਨਿਰਾਸ਼ ਕਰ ਰਹੇ ਹੋ ਜਦੋਂ ਕਿ ਸਾਡੇ ਪ੍ਰਧਾਨ ਮੰਤਰੀ ਸਾਡੇ ਜਵਾਨਾਂ ਨੂੰ ਉਤਸ਼ਾਹਿਤ ਕਰਣ ਲਈ ਮੋਰਚੇ 'ਤੇ ਸਨ। ਤੁਸੀਂ ਇੱਕ ਨੇਤਾ ਬਣਨ ਦੇ ਲਾਇਕ ਨਹੀਂ ਹੋ!!" 

ਸੰਬਿਤ ਪਾਤਰਾ ਨੇ ਆਪਣੇ ਟਵੀਟ 'ਚ ਇੱਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ। ਵੀਡੀਓ 'ਚ ਉਨ੍ਹਾਂ ਲੋਕਾਂ ਬਾਰੇ ਜਾਣਕਾਰੀ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਜੋ ਰਾਹੁਲ ਗਾਂਧੀ ਵੱਲੋਂ ਸ਼ੇਅਰ ਕੀਤੇ ਗਏ ਵੀਡੀਓ 'ਚ ਚੀਨੀ ਕਬਜ਼ੇ ਦੀ ਗੱਲ ਕਰ ਰਹੇ ਸਨ। ਵੀਡੀਓ 'ਚ ਇੱਕ-ਇੱਕ ਕਰ ਦਿਖਾਇਆ ਗਿਆ ਹੈ ਕਿ ਰਾਹੁਲ ਗਾਂਧੀ ਨੇ ਜਿਨ੍ਹਾਂ ਲੋਕਾਂ ਨੂੰ ਲੱਦਾਖ ਦੇ ਨਾਗਰਿਕ ਦੱਸ ਕੇ ਪੇਸ਼ ਕੀਤਾ ਉਹ ਦਰਅਸਲ ਕਾਂਗਰਸ ਦੇ ਵੱਖ-ਵੱਖ ਸੰਗਠਨਾਂ ਦੇ ਸਰਗਰਮ ਕਰਮਚਾਰੀ ਹਨ।